Judu 1:18 - Ibani New Testament

¹⁸ Nnị dugho ọ pịrịm ḅẹẹ kunema éné ma ḅomaẹrẹ, túminị́ págháḅobẹm ọ kpọtibẹapụ, Tamuno nimigha sị nna ojumẹnị binyẹ duabẹapụ.

Judu 1:18 ပူးပေါင်းရင်းမြစ်များ

Fịrị Ḅara 20:29

A nimim ḅẹ́ iyẹ ọḅụgbi anịị piri obiri ọmịnị ogbobie sọ bẹnyẹ, nnị pịghị ánáná áwọ ma warịsobịgha.

2 Timoti 3:13

Kụ́ma sị a túminị́ na oḅori pa kịnịsịapụ gbẹ́rẹ́ sii ḅụ akị muu siḅaá angaá nyẹ ḅụ sọọbẹm, oḅori pa jẹ́apụ sịarị jẹ́apụ pịghị oḅori pa nna ḅụ sịarị.

2 Timoti 4:3

Sáá ma ḅoarị túminị́ mịnị birifama karakárá dienyẹ ma pịrịbịgha sáá, nnị nna ḅụ tarị nyẹ duabẹm, sị nyẹ́dieapụ táa tụndụrụma nna ḅụ pịrị, nna biri náa dọghụnyẹ pa n die bẹapụ.

2 Pita 2:1

Ḅọ́rọ́maa sáá iruo ikiakoroapụ págháḅom túminị́ ma ogbobie, anị gbẹ́rẹ́ ḅara ma anịị iruo nyẹ́dieapụ so págháḅo bẹ ḅara ọmịna ogboku bie. Nnị ḅọghu ḅara ḅụ kị́nị́ḅáa bẹ na iruo dienyẹ akuo ḅobẹm, n pịghị n dụaḅọ́rọ́ma Nyánáḅọ ma pighibẹm, anị ḅụ ḅọ́rọ́ buapághá ḅara ḅụ kị́nị́ḅáa dighiḅọ nna ḅụ pịrị.

2 Pita 2:10

Mịnaapụ anị ịlọ́lị si ojumẹnị tarị nyẹ gonyẹ́ gonyẹ́ mịẹarịapụ si Tamuno kụrọ pa nyẹ́sịghaa. Mị iruo nyẹ́dieapụ ma nnị kụrọ tọ́rụ́ nyánam, pịghị kị́nị́ osigha opuamịẹnyẹ nyáná nnị pịghị ḅáláfagha sị sobie opu sịbịdaapụ ma dughosima.

2 Pita 3:3

Parị nyẹ, a bim ọ kanyaḅo ḅẹ́ kunema sa ma ḅụ, jẹ́apụ págháḅobẹm nna duma bie n dighi nwangịarịnyẹ anịị nna ojumẹnị tárịnyẹ gonyẹ́ gonyẹ́ n pịghị ọ kombobẹm.

Judu 1:16

Mịná túminị́ ma sáá mamgba nnị gụ́nụ́gụ́nụ́arị ḅẹ́rẹ́ pa jẹ́apụ sịbị sẹ, nnị nna ojumẹnị biiarị siinyẹ duaarị, nnị opuamịẹnyẹ mịẹarị sị jẹ́apụ gbolomanyẹ ḅụ ibi bịpịfie sị n binyẹ n ḅara la bẹ ḅara.

Judu 1:4

Jẹa túminị́ Tamuno nímighaapụ ḅọghu ḅara pa ikirisọḅomam ọ mịnị ogboku bie sị Tamuno tọ́rụ́kụrụkụ́rụ́ oku ma dima, nnị pa nna yáakuu ḅụ ofori nwángị ma kọ, pịghị Jizọs Krais wámịna kpọ́kpọ́ Daḅọ na wámịna Nyánáḅọ sịghị. Ḅọlọmaa sáá Tọ́ndiri ma dugho kórómamam nnị nyanamaá ḅẹ́rẹ́kọ.