Ibi Oku Ma Jọn Anị Gịẹ Ḅara 8:31 - Ibani New Testament

³¹ Jizọs warị ọ ḅụ minini Juuapụ ma ḅẹẹ, <<Ọ ḅọ́rọ́ ị́yẹ́ dienyẹ ma ọlọ ọlọ, ọmịnị anịị tụ́ma sị ị́yẹ́ ọḅụduaapụ.

Ibi Oku Ma Jọn Anị Gịẹ Ḅara 8:31 ပူးပေါင်းရင်းမြစ်များ

Matiu 24:13

Kụ́ma sẹ kụrọ muu kunema láa ḅo dụaḅọ́rọ́ma nyánábẹm.

Ibi Oku Ma Jọn Anị Gịẹ Ḅara 1:47

Jizọs Natanieli árị sị ọ ḅoarị sáá, mịị o gboloma sị o dughonyẹ, <>

Ibi Oku Ma Jọn Anị Gịẹ Ḅara 2:2

Nnị pịghị Jizọs na ori ọḅụduaapụ sim ḅẹẹ nnị ọ́rụ́ḅọ yaa ma ḅoo.

Ibi Oku Ma Jọn Anị Gịẹ Ḅara 6:55

Ḅẹẹ ị́yẹ́ ojumẹnị ma anịị tụ́ma fị́nyẹ, ị́yẹ́ ọmbịnyẹ́ pịghị tụ́ma iru.

Ibi Oku Ma Jọn Anị Gịẹ Ḅara 8:36

Anịgo ḅọ́rọ́ Tụ́wọ ma i dụaḅọ́rọ́ma, ị karakáráma dụaḅọ́rọ́ma nyánam.

Fịrị Ḅara 13:43

Kobiri ma kunema, tọgha Juuapụ na tọgha Juughaapụ, Juuapụ tẹ́ghẹ̄ ḅara ogbo sọmaapụ Pọl na Banabas duam nnị na ẹ́gẹ́rẹ́apụ sị n tẹ́mẹ́ mịẹ kụ́rọ́ma ḅẹẹ nnị Tamuno tọ́rụ́kụrụkụ́rụ́ ḅụ sẹrẹrẹ toruku muu.

Fịrị Ḅara 14:22

Nnị ịnyọ pa mininiapụ ma ḅụ suam ḅẹẹ nnị karakárá ḅụ sẹ nna minini ma pịrị. Warị pa n die ḅẹẹ, <>

Fịrị Ḅara 26:22

Kụ́ma akị ḅo mịmgba éné ma láa a Tamuno ḅárásua nyánaḅom, anịgo a mịngáá sẹ sị onyẹsẹ́ kị́nị́mamgba pịrị, káláapụ na opuapụ na. A dughonyẹ ma anịị ikiakoroapụ ma na Mosis dughonyẹ ḅẹ́ pághábẹm:

Romapụ 11:22

Mịnga wamịnị arịm Tamuno ma ibi láa ḅara na pịghị ori ḅẹ́rẹ́kọ kụ́rọ ḅara. Ori ḅẹ́rẹ́kọ kụrọm bịghịmaapụ ma ḅụ, kụ́ma ibim ọ fịnị angaá, ḅọ́rọ́ ọmịnị ori ibi ma ḅụ sẹ toruku muu. Kụ́ma ọmịnị ọkọ mịẹgha mịẹgha, ọmịnị sọ nnị ọmịnị ányịmásibẹm.

Romapụ 2:7

Jẹ́apụ ibinyẹ mịẹmịẹ tórúku mú ḅụ boma na kuu na gbámásó duma bim, nnị ma Tamuno duma gbámásó pa n pịrịbẹm.

Kolosiapụ 1:23

Ọ ḅọ́rọ́ ọmịna minini ḅụ sẹ́kụrọ toruku mú, o gbisirigha ibi oku ma nyáná ọ pịrị tọ́rụ́ dighinyẹ ḅụ. Mịma anịị ọ náa ibi oku ma n dugho wásáma tuminikiri Tamuno tẹ́mẹ́apụ mamgba pịrịnyẹ anị ḅụ ḅọ́rọ́ ịrị, Pọl, ḅoo Tamuno fịrịnwangịḅọ sọm.

1 Timoti 2:15

Kụ́ma ọ́rụ́ḅọ ma dụaḅọ́rọ́ma nyánábẹm awọ yii ḅụ, a ḅọ́rọ́ minini ḅụ sẹ kụ́rọ bịpị muu ḅẹlẹma ḅụ, tọ́ntọ́ ḅụ na pịghị bịpị ḅụ laagha ḅara ḅụ.

1 Timoti 4:16

Ḅụ ẹbị, i duma kọọarị ḅara na pịghị ị nyẹ́diearị ḅara. Pa ị mịẹarịnyẹ ma mịẹ tegó ị́ ọkọmiẹmiẹ ị́ ịḅụ na ị naarịapụ ma duaḅọ́rọ́mabẹm.

2 Timoti 3:14

Kụ́ma ịrị nnị pa ị die karakárá ma ị pịghị ibima minini nyẹ ma ọlọọ tórúku muu. I kọkọ níminyẹ pa i die nyẹ́dieapụ.

Hiburuapụ 3:14

Wa ḅo Krais bie diekiri nyánámam, wa ḅọ́rọ́ wámịna tarị minini ma ọlọ kụrọma mú kunema ma láa.

Hiburuapụ 8:9

Anịị a nnị na tádọ́apụ na gịẹ ọḅọọ fịnị ḅara fịnịbịgha. A ḅara ḅụ n saghị pághámaḅo sa Ijipiti bie, nnị sẹ́ kụ́rọ a nnị ná fị ọḅọọ ma pịrịgha, anị ẹrẹ́sị irịsọ a tọ́rụ waghisim n fịnị angaá.

Jems 1:25

Kụ́ma ḅọ́rọ́ ị kikiama túminị́ fiimaarị ólóghó ma dighi sị pịghị sa ngúma anị pịrị, ḅẹgha ḅẹ́ ị anị pughu fama sị warị pa bieḅárámá, kụ́ma anị pa fịrị ḅụ sua, Tamuno ị bomabẹm ị mịẹnyẹ gonyẹ́ gonyẹ́ ḅụ.

1 Jọn 2:19

Mịnaapụ ma wámịna mịẹgbólóma kubiri ogboapugha, anị n go wa wáriso nyẹ; ḅọ́rọ́ nnị wámịna mịẹ gbolomaa kubiri ogboapụ, nnị wamịnị na fịnị dọghụbẹm. Kụ́ma nnị sọm kị́nị́mamgba árị bẹ ḅara ḅẹ́ karakáráma nnị wámịna ḅụ gbẹ́rẹ́apụgha.

1 Jọn 2:24

Árị ḅẹ́, ị pa tẹ́mẹ́bie suam parị sa ma ḅụ i náa oku ma, ị ḅọ́rọ́ anị oku ma pa ị tẹ́mẹ́bie warị warịị, anịsa i Tụwọ ma na Daḅọ ma na gbẹ́rẹ́ḅụ ḅụ fịnịbẹm.

2 Jọn 1:9

Krais dienyẹ ma wáriso ḅọ gonyẹ́ gonyẹ́ sị jẹ́ asọdua, nḅọ Tamuno nyanagha, kụ́ma dienyẹ ma ḅụ fịnịḅọ gonyẹ́ gonyẹ́ Daḅọ ma na Tụ́wọ ma na nyánam.