Ibi Oku Ma Jọn Anị Gịẹ Ḅara 17:23 - Ibani New Testament

²³ Ịrị ibie fịnị ḅara ịrị ma sọ nna bie fịnịbẹm. Mịẹsị nnị ḅoo káara ḅara ḅụ gbẹ́rẹ́ ḅụ ḅụ fịnị bẹ ḅara sị tuminikiri ma nimi bẹ ḅara bẹ ịrị i fịrịmam pịghị n ḅẹlẹmamam ịrị i ḅẹlẹmamaa ḅara.

Ibi Oku Ma Jọn Anị Gịẹ Ḅara 17:23 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 10:38

Kụ́ma a ḅọ́rọ́ anị mịẹarị nḅẹḅẹ́, ọ ḅọ́rọ́ i mininigha sọ, ọmịnị ị́yẹ́ ḅụ́gbérépuma fịrị ma minini, o nimi bẹ ḅara pịghị akanyaḅo ḅẹẹ Daḅọ ma ibie imi, irịsọ pịghị Daḅọ ma bie imii.>>

Ibi Oku Ma Jọn Anị Gịẹ Ḅara 13:35

Ọ ḅọ́rọ́ ḅẹlẹma nyáná jụghọ jụghọ pịrị, kị́nị́mamgba nimibẹm ḅẹ́ ọmịnị anịị ị́yẹ́ ọḅụduaapụ.>>

Ibi Oku Ma Jọn Anị Gịẹ Ḅara 14:10

I mininigha ḅẹ́ a Daḅọ ma bie imi, Daḅọ ma sọ ibie imi? A kọọ ọ pịrịarị ẹ́gẹ́rẹ́ ma ị́yẹ́ ẹ́gẹ́rẹ́gha. Tụ́ma i biebẹ ngáarị Daḅọ ma ori anịị ori fịrịnwangịarịḅọ.

Ibi Oku Ma Jọn Anị Gịẹ Ḅara 14:23

Jizọs pagharam, <

Ibi Oku Ma Jọn Anị Gịẹ Ḅara 15:9

<

Ibi Oku Ma Jọn Anị Gịẹ Ḅara 16:27

Daḅọ ma ọ ḅụgbọrụ opuma ọ ḅẹ́lẹ́mam tegó ọmịnị i ḅẹ́lẹ́mam pịghị mininim ḅẹ́ a Tamun ḅara saghịḅom.

Ibi Oku Ma Jọn Anị Gịẹ Ḅara 17:11

A mịnị tuminikiri ma ḅụ fịnịbịgha, kụ́ma nnị tuminikiri ma ḅụ imi. A ị damaḅoarị Tọ́ntọ́ Daa, ị́yẹ́ ẹrẹ ḅụ fịnị kụ́rọ ma pa nnị koko, ị pa i pịrị ẹrẹ ma nnị ma gbẹ́rẹ́nyẹ ḅụ fịnị, wamịnị ma sọ gbẹ́rẹ́nyẹ ḅụ fịnị ḅara.

Ibi Oku Ma Jọn Anị Gịẹ Ḅara 17:21

Daa mịẹsị nnị kị́nị́mamgba gbẹ́rẹ́ ḅụ ḅụ fịnị, ịrị ibie fịnị ḅara, ịrị ma sọ ibie fịnị ḅara. Mịẹsị nnị wa bie fịnị, sị tuminikiri ma minini bẹ ḅara ḅẹ́ ịrị i fịrịmam.

Ibi Oku Ma Jọn Anị Gịẹ Ḅara 17:24

<

Ibi Oku Ma Jọn Anị Gịẹ Ḅara 17:26

A i pa n diemam, a pịghị pa n diema diema mubẹm sị ị nyáná i pịrị ḅẹlẹma ma nna bie fịnị bẹ ḅara, ịrị ma sọ nna bie fịnị bẹ ḅara.>>

Ibi Oku Ma Jọn Anị Gịẹ Ḅara 17:3

Gbámásó duma ma nyáná bẹ ḅara, anịị ịnimii, ịrị ngéré karakárá Tamuno ma, na Jizọs Krais ị fịrịmaḅọ ma nimi.

Ibi Oku Ma Jọn Anị Gịẹ Ḅara 17:8

I pa i pịrị ẹ́gẹ́rẹ ma a pa n pịrịm nnị pịghị anị daákịm. Nnị ibiḅara pa nimim ḅẹ́ a ị ḅara saghịḅom nnị pịghị mininim ḅẹẹ ịrị i fịrịmam.

Ibi Oku Ma Jọn Anị Gịẹ Ḅara 3:17

Tamuno ọ Tụ́wọ fịrịma tuminikiri ḅogha ḅẹ́ o ḅoo anị ḅẹ́rẹ́kọḅọ sọ, kụ́ma ọ ḅụ ḅọ́rọ́ tuminikiri ma dụaḅọ́rọ́ma.

Ibi Oku Ma Jọn Anị Gịẹ Ḅara 6:56

Ị́yẹ́ ojumẹnị pẹẹ́ ḅọ gonyẹ́ gonyẹ́ pịghị ị́yẹ́ ọmbịnyẹ́ ḅuu iḅụbie fịnị fịnịm, irịsọ n ḅo ḅụbie fịnị.

1 Kọrịntịapụ 1:30

Kụ́ma Tamuno Krais Jizọs bie ọmịnị akuomam, Krais ḅụ ḅọ́rọ́ Tamuno ori opu níminyẹ pa wa pịrịmam, karakárá Tamuno tórúku, wa ḅoo Tamuno tọ́ntọ́apụ sọm n pịghị wa ḅọ́rọ́mamam.

2 Kọrịntịapụ 5:21

Krais, sii ḅụ ofori ḅọ, Tamuno mịẹm o siiḅọ sọọ wa pịrị sị ọ ḅụ ḅọ́rọ́ wa ḅo Tamuno karakárá ibiamịẹnyẹ sọ́bẹm.

Galesiaapụ 3:28

Mị́sa kịrịnyẹ mịnị oforii, Juu anịgha Juughaapụ, ómóniapụ anịgha furoawọ, owitụ́wọ anịgha ọ́rụ́ḅọ, ọmịnị kị́nị́mamgba ọmịnị gbẹ́rẹ́nyẹ Jizọs Krais ḅụ.

Filipaiapụ 3:15

Wamịnị kị́nị́mamgba tẹ́mẹ́ ḅụ sẹ́nịmaapụ mamgba mị gbẹ́rẹ́ duma ma nyánábẹm. Kụ́ma ḅọ́rọ́ ọmịna ḅụ jẹ́apụ jẹ́ kịrị duma nyáná nyáná. Tamuno mịma mịẹbẹm ọmịna ibima anị akanyaḅo.

Kolosiapụ 1:28

Wamịnị o dugho wásámam, opu níminyẹ ḅụ nyẹ pa kị́nị́mamgba diearị pịghị nna biri nụ́nụ́arị, sị wa kị́nị́mamgba akuoo bẹ ḅara Krais toruku kpain ḅara ḅụ.

Kolosiapụ 2:2

A mịma mịẹm sị nnị tẹ́mẹ́kụ́rọ nyáná sị gbẹ́rẹ́ ḅẹlẹma ḅụ fịnị sị nnị ine bii fụ́fụ́ sị káara akanyaḅo nyáná, mị ḅara ma nnị Tamuno ḅọghunyẹ ma nimibẹm, anịị Krais ma ḅụgbọrụ.

Kolosiapụ 3:14

Mịná mịẹnyẹ mamgba ọgọnọ, ḅẹlẹma nyána, mịma anịị nyẹ mamgba kpọọ pa gbẹ́rẹ́nyẹ mịẹnyẹ anị kpain ḅara ḅụ.

1 Pita 5:10

Ọ kẹ́lẹ́ tọ́rụ́siarị so sáá, tọ́rụ́kụrụkụ́rụ́ mamgba nyáná Tamuno ma, ọ sị ḅo bẹ ọ ḅo diekiri nyáná ọrẹ gbámásó ipine ma ḅụ Krais bie, ori ma pịghị ọ mịẹ kpaimabẹm, pịghị ọ sẹ kụ́rọ́mabẹm pịghị ịnyọ, na pịghị karakárá súghúise pa ọ pịrị.

1 Jọn 1:3

Wamịnị árị pịghị namaa nyẹ ma anị wa pịghị dugho págháma ọ pịrịnyẹ, ọmịnị wamịnị na miẹgbolomáa nyáná bẹ ḅara, mị miẹgbolomáa ma, wa Daḅọ ma na anị nyanam na pịghị ọ Tụwọ Jizọs Krais.

1 Jọn 3:1

Dighii Daḅọ ma wa ḅẹlẹma láa ḅara! Ori ḅẹlẹma opuma dụḅam sị túminị́ wa sịarị Tamuno awọ wamịnị ma anị karakáráma Tamuno ma awọ! Tuminikiri ma wa nimigha nnị Tamuno ma nimigha gosi.

1 Jọn 4:19

Wa ḅẹlẹma nyanam tegó Tamuno parị wa ḅẹ́lẹ́mam.

Puu Findi 3:9

Pughu! Mịị Satanị kubiri ogboapụ ma, ḅẹarịapụ ḅẹ́ nnị Juuapụ tụ́manyẹ ḅẹ́ nnị Juughaapụ, kụ́ma nnị iruonaapụ. A nnị mịẹbẹm sị n ḅoo sóghórókoro i ḅụọ angaá. Nnị kị́nị́mamgba nimibẹm ḅẹẹ a ọ ḅẹ́lẹ́mamam.