Ibi Oku Ma Jọn Anị Gịẹ Ḅara 14:30 - Ibani New Testament

³⁰ A mịnị ọ nana ẹ́gẹ́rẹ́kọ ḅọlọbịgha, tegó mịị tuminikiri ma táarịḅọ ḅoarị. Ọ kụ́rọ nyanagha ịḅụ,

Ibi Oku Ma Jọn Anị Gịẹ Ḅara 14:30 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 1:35

Sookumuḅọ ma warị a págháraa ḅẹẹ, <

Ibi Oku Ma Luk Anị Gịẹ Ḅara 22:53

Éné gbọrụ gbọrụ a kọkọ ọ nana Tamunoopuwárị ma bie imi ọ mịnị asọ dọghụgha ọmịnị i kuu bẹ ḅara. Kụ́ma mịị ọmịna sáá, ọ nyẹ miẹnaibi sáá, kánákáná kánákáná kụrọ́ ma táarị sáá.>>

Ibi Oku Ma Jọn Anị Gịẹ Ḅara 12:31

Mị́sa anịị nnị mịị tuminikiri ḅụ ḅẹ́rẹ́kọ bẹnyẹ; mị́sa mịị tuminikiri táarịḅọ nnị o dee pághámabẹm.

Fịrị Ḅara 1:3

Dii a mmẹẹ́ si, ọ fịịfama sáá, ori ọḅụ pa nnị diem tọgha sa, na pịghị asọ kịrịkị́rị́ ḅụ, diearịnyẹ tẹ́mẹ́ mmẹẹ́ mmẹẹ́ mịẹgha ḅụ ḅẹ́ o dumam. Nnị ori arịm ọ pịghị nnị ná Tamuno amadakiri ma gbólómanyẹ dughom.

2 Kọrịntịapụ 4:4

Mịị tuminikiri tamuno ma mininighaapụ ma kóróma tọ́rụ́pụ́mamam anịgo nnị ine baá ma arịgha anịị Krais ipine gboloma sị ibi oku ma ḅụ sághị ḅoarị baá, ori ma anị gbẹ́rẹ́sa Tamuno ma na kịkaḅọ.

2 Kọrịntịapụ 5:21

Krais, sii ḅụ ofori ḅọ, Tamuno mịẹm o siiḅọ sọọ wa pịrị sị ọ ḅụ ḅọ́rọ́ wa ḅo Tamuno karakárá ibiamịẹnyẹ sọ́bẹm.

Ẹ́fịsọsapụ 2:2

Anịsáa ma ọ tuminikiri sii asọ nwángịm, ọmịnị ọgọnọ bie fịnị kụ́rọ sitẹ́mẹ́ táarịḅọ ma bịpị pughum, mị́sa ḅẹrẹtọ mini Tamuno osighaapụ ma pịrịarị Tẹ́mẹ́.

Ẹ́fịsọsapụ 6:12

Tegó wámịna ọ́mụ́gbi ma, wa tuminikiriapụ na anị gbighaa, kụ́ma, sobie ju fịnịị sitẹ́mẹ́, táarịapụ, kụrọnyanáapụ na pịghị kánákáná tuminikiri ma bie fịnị opu kụrọ nyáná sitẹ́mẹ́.

Kolosiapụ 1:13

Ọ wa duapághámaḅomam kánákáná kụ́rọ ma ḅarabie sị wamịnị akuoo pa ọ ḅẹlẹma Tụwọ ma kọnsịn amadakiri bie sua.

Hiburuapụ 4:15

Wamịnị igwagwaá áláḅọ nyanagha wa ḅụ fịnị ḅara ḅụ kóróghaḅọ, kụ́ma wa gbẹ́rẹ́ḅọ nyánam daádighi bie ḅọ́rọ́máaḅọ ngaa mamgba ḅụ, wamịnị sọ fịnị ḅara, kụ́ma ọ bịghịị sii pịrịgha.

Hiburuapụ 7:26

Jizọs Krais anị wa bii igwagwaalaḅọ, ọ tọ́ntọ́m; sii ọ ḅụ ofori, nnị o fófóomam siiamịẹnyẹapụ bie pịghị ọ saghị sóghólóma so ma nẹ́ngị.

1 Pita 1:19

Krais nyẹ́la ọmbịnyẹ́ ma anịị ị sịbị igbii n gbẹ́ẹ̄ si pa ị dụaḅọ́rọ́ma nyẹ. Krais anịị agbaa mịẹ ánáná ma, pilegha pịghị ikúlágha ánáná.

1 Pita 2:22

<<Ọ mịẹ siiamịẹnyẹ sọ ofori anịgha ọ bịpị págháḅo epele naaḅọ sọ ofori.>>

1 Jọn 4:4

Ọmịnị ị́yẹ́ ibi awọ, ọ Tamuno ju saghịḅom, ọ pịghị epele ikiakoroapụ ma sọḅamam, tegó ọmịna bie fịnị Tẹ́mẹ́ ma anị kụ́rọ tuminikiri ma bie fịnị túminị́ bie fịnị tẹ́mẹ́ ma nẹngịm.

1 Jọn 5:18

Wa nimim ḅẹ́ Tamuno Tụwọ sọmaaḅọ gonyẹ́ gonyẹ́ sámámgba siinyẹ mịẹ mịẹbịgha, Tamuno Tụwọ ma n kokowarịarị, sii tumḅọ ma sọ ine nyẹ pa n lámábịgha.

1 Jọn 5:19

Wa nimim ḅẹ́ wamịnị Tamuno awọ, tuminikiri gbọrụ ma sọ sii tumḅọ ma sughubie imi.

Puu Findi 12:9

Opuma dụḅa ḅụọ nyáná ododó ma nnị anị gbi pághámam, anị olom kiri nwángị ododó ma ẹ́kpẹ́dua anịgha Satanị pa sịḅọ, oḅori pa tuminikiri mamgba sịḅọ. Nnị o gbi kórómam tuminikiri, ori na ori sookumuapụ.