Ibi Oku Ma Jọn Anị Gịẹ Ḅara 14:17 - Ibani New Testament

¹⁷ Mịị ḅárásuaḅọ ma ori anịị Tọ́ntọ́ Tẹ́mẹ́ ma tụ́manyẹ ma pa túminị́ diearịḅọ. Tuminikiri ma ine ọ daa kórómabịgha tegó nnị ori arịgha anịgha o nimi. Kụ́ma ọmịnị o nimim ori ọmịnị na ngáarị gosi ọ pịghị ọmịna bie fịnịbẹm.

Ibi Oku Ma Jọn Anị Gịẹ Ḅara 14:17 ပူးပေါင်းရင်းမြစ်များ

Matiu 10:20

Ḅẹẹ ọmịnịgha ẹ́gẹ́rẹ bẹnyẹ, kụ́ma ọmịna Daá Tẹ́mẹ́ anịị ọ ḅụ ḅọ́rọ́ ẹ́gẹ́rẹ́kọ bẹnyẹ.

Ibi Oku Ma Jọn Anị Gịẹ Ḅara 14:16

A pịghị Daḅọ ma ḅara biibẹm ọ pịghị jẹ́ ḅárásuaḅọ pa ọ pịrịbẹm, ọmịnị na fịnị muu gbámásó láa bẹḅọ.

Ibi Oku Ma Jọn Anị Gịẹ Ḅara 14:23

Jizọs pagharam, <

Ibi Oku Ma Jọn Anị Gịẹ Ḅara 15:26

<<Ḅárásuaḅọ ma ḅo sáá, a pa ọ fịrịma bẹḅọ Daḅọ ma ḅara, tụ́manyẹ pa túminị́ diearị Tẹ́mẹ́, Daḅọ ma ḅara saghị ḅooḅọ, ori ma igbọloma nyẹ dugho pághámabẹm.

Ibi Oku Ma Jọn Anị Gịẹ Ḅara 16:13

Kụ́ma Tọ́ntọ́ Tẹ́mẹ́ ma, karakárá ma pa túminị́ diearịḅọ ma ḅoo sáá, ọ karakárányẹ mamgba pa o diebẹm. Ori ọrẹ kụ́rọ ḅụ ẹ́gẹ́rẹ́ kọbịgha; ọ náanyẹ ma ngéré anịị o dugho bẹnyẹ, ọ pịghị tórúku ḅoarị nyẹ dugho ọ pịrịbẹm.

Ibi Oku Ma Jọn Anị Gịẹ Ḅara 6:40

Ḅẹẹ Daḅọ ma binyẹ anịị tọ́rụ pa Tụ́wọ ma dighiḅọ gonyẹ́ gonyẹ́ sị ọ minini duma gbámásó nyánábẹm, a pịghị n ḅọ saghịmabẹm kunema éné ma ḅụ.>>

1 Kọrịntịapụ 14:15

Anịsáa, a tẹ́ mịẹbẹ? A ị tẹ́mẹ́ pa tẹ́ghẹ̄bẹm; a ị tẹ́mẹ́ pa núme suubẹm; kụ́ma a pịghị ị kúkúbie pa núme suubẹm.

1 Kọrịntịapụ 2:14

Tẹ́mẹ́ ma nyánághaḅọ gonyẹ́ gonyẹ́ ine Tamuno Tẹ́mẹ́ ḅara ḅoo dienyẹ ma daákịbịgha. Ọkọfịnị tumḅọ ine nnị akanyaḅogha, n ḅo ḅụ anị ofori ofori nyẹ kịkam, tegó Tẹ́mẹ́ ma ḅụ ngéré anịị wamịnị ine dienyẹ ma akanyaḅo bẹnyẹ.

1 Kọrịntịapụ 3:16

Tụ́mányẹẹ ọ nimim ḅẹẹ ọmịnị Tamunowarị Tamuno Tẹ́mẹ́ pịghị ọmịna ḅụbie ngam.

1 Kọrịntịapụ 6:19

O nimigha mọ ḅẹ́ ọmịna oju anị Tọ́ntọ́ Tẹ́mẹ́ ma Tamuowárị, ọmịna bie ngaaḅọ, Tamun pịghị pa ọ pịrịḅọ? Ọmịnị ọmịna ḅụ nyánágha kụ́ma Tamuno anịị ọ nyánányẹ.

2 Kọrịntịapụ 13:5

Ọmịnị ọmịna ḅụ pa daádighi ma ḅụ sua ọ ḅẹ́rẹ́kọ ọmịna ḅụ pịrị, sị o nimi bẹ ḅara ọ ḅọ́rọ́ pa minini ma ḅụ duma kọọarị. Ọmịnị árịbẹm ḅẹ́ Jizọs Krais ọmịna bie ḅụ imii, ḅọ́rọ́ ọmịnị epeletigha tigha ḅẹ́ ọmịnị ọ ḅụ mininim.

2 Kọrịntịapụ 6:16

Tamuno wárị na nkára tamuno nnị tẹ́ mịẹnyẹ nyáná gboloma bẹ. Wamịnị anị dúmagbámásó Tamuno ma wárị: Tamuno ọ ḅụgbọrụ ḅẹ́ ḅara ma ḅẹẹ. A nnị na ngábẹm pịghị nna ogbobie nwángị ikelekelé, a Tamuno sọ n pịrịbẹm nnị sọ ịyẹa túminị́ sọ́bẹm.

Galesiaapụ 4:6

Túminị́ árị bẹ ḅara ḅẹ́ ọmịnị mị́sa ori awọọ, Tamuno ọ Tụwọ Tẹ́mẹ́ fịrịmaḅom anị ḅo o bie fịnị. Tẹ́mẹ́ anịị owuarị nyẹ, <>

Ẹ́fịsọsapụ 2:22

Ori ḅụ ọmịnị Juughaapụ so, na jẹ́apụ na; nnị ọ nama gbólomaarị gbẹ́rẹ́ angaá, Tamuno ọ Tẹ́mẹ́ ḅụ ngá angaá.

Ẹ́fịsọsapụ 3:17

A pịghị tẹ́ghẹ̄arị ḅẹ́ minini ḅụ ḅọ́rọ́ Krais ọmịna tẹ́mẹ́bie ngábẹm sámámgba. A pa tẹ́ghẹ̄arị ḅẹ́ ọmiẹ bẹnyẹ gonyẹ́ gonyẹ́ ọ ḅẹlẹma ḅụ ḅọ́rọ́ anị mịẹ,

Kolosiapụ 1:27

Nna ḅụ anịị Tamuno bii nyẹ ḅẹ́ o diepágháma Juughaapụ ma ogboku ḅọghunyẹ ma. Mịị ḅọghunyẹ ma anịị, ipine dụḅa láa ḅara na anị ḅụ́gbérépuma láa ḅara, anịị ọmịna bie fịnị Krais ma, anị ọmịna tọ́rụ́ dighinyẹ ḅẹẹ ori ipine ḅụ ọ diekiri nyánábẹm.

2 Timoti 1:14

Wa bie fịnị Tọ́ntọ́ Tẹ́mẹ́ ma kụrọ ḅụ ḅọ́rọ́ nnị pa ị ḅárabie sua ibi nyẹ ma ibima anị wárii.

1 Jọn 2:27

Kụ́ma ọmịnị, Krais ori Tọ́ntọ́ Tẹ́mẹ́ pa ọmịna ḅụ saramam. Ọ Tẹ́mẹ́ ọ nana fịnị sa gonyẹ́ gonyẹ́ o biigha gbẹ́rẹ́ḅọ so nyẹ pa o die. Ọ Tẹ́mẹ́ nyẹ́ gonyẹ́ gonyẹ́ pa o diebẹm, ọ pa ọ dienyẹ ma karakárányẹ, iruonyẹ anị bie ofori, Tẹ́mẹ́ ma dienyẹ bịpị pughu, anịsa i Krais na gbẹ́rẹ́ḅụ ḅụ fịnịbẹm.

1 Jọn 3:24

Tamuno ólóghó ma kokoarịapụ, nnị na Tamuno na gbẹ́rẹ́ḅụ ḅụ imii, Tamuno pịghị nnị na gbẹ́rẹ́ḅụ ḅụ imii. Tamuno ma pa wa pịrịmaá Tẹ́mẹ́ gosi wa nimim ḅẹ́ Tamuno wamịnị na gbẹ́rẹ́ḅụ ḅụ imii.

1 Jọn 4:4

Ọmịnị ị́yẹ́ ibi awọ, ọ Tamuno ju saghịḅom, ọ pịghị epele ikiakoroapụ ma sọḅamam, tegó ọmịna bie fịnị Tẹ́mẹ́ ma anị kụ́rọ tuminikiri ma bie fịnị túminị́ bie fịnị tẹ́mẹ́ ma nẹngịm.

1 Jọn 4:6

Wamịnị Tamuno ju saghịḅom, Tamuno nimiḅọ gonyẹ́ gonyẹ́ wa pughu pughum, Tamuno ju saghị ḅoghaapụ wa púghú pughugha. Mịị ḅara ma anịị wa karakárá ma Tẹ́mẹ́ lighilighi ḅoarị ḅara epeleti tẹ́mẹ́ ḅụ.

1 Jọn 5:7

Tẹ́rẹ́apụ anị onyẹ́sẹ nyẹ:

Puu Findi 2:17

<