Ibi Oku Ma Jọn Anị Gịẹ Ḅara 12:31 - Ibani New Testament

³¹ Mị́sa anịị nnị mịị tuminikiri ḅụ ḅẹ́rẹ́kọ bẹnyẹ; mị́sa mịị tuminikiri táarịḅọ nnị o dee pághámabẹm.

Ibi Oku Ma Jọn Anị Gịẹ Ḅara 12:31 ပူးပေါင်းရင်းမြစ်များ

Matiu 12:28

Kụma a ḅọ́rọ́ Tamuno Tẹ́mẹ́ pa sitẹ́mẹ́ deesi, anịsáa Tamuno Ásẹ́mẹ́kiri ma ọ dámáḅómam.

Ibi Oku Ma Jọn Anị Gịẹ Ḅara 14:30

A mịnị ọ nana ẹ́gẹ́rẹ́kọ ḅọlọbịgha, tegó mịị tuminikiri ma táarịḅọ ḅoarị. Ọ kụ́rọ nyanagha ịḅụ,

Ibi Oku Ma Jọn Anị Gịẹ Ḅara 3:19

Mịị ḅẹ́rẹ́kọ pẹ́lẹ́ma ḅẹẹ: Baá sọọ tuminikiri ma ḅomam, kụ́ma tuminikiriapụ baá ma nakaragha kánákáná ma ḅẹ́lẹ́mam tegó nna mịẹnyẹ opuma sim.

Ibi Oku Ma Jọn Anị Gịẹ Ḅara 9:39

Jizọs ḅẹm, <>

Fịrị Ḅara 26:18

Ịrị nna tọ́rụ findibẹm sị pịghị kánákánábie nna akuoo ḅo baá bie soo, pịghị Satanị kụrọ bie nna akuoo ḅo Tamuno bie sua, sị nnị siiḅụḅarasipịrị nyáná bẹ ḅara, sị nnị ịḅụ nyáná minini ḅụ ḅọ́rọ́, sị pịghị nna kiri nyáná Tamuno sẹlẹakịapụ ma ogbobie.>

1 Kọrịntịapụ 1:20

Anịsáa opu nyẹ́nimiapụ ma n tẹ́ angaá imii opu dirinimiapụ ma n tẹ́ angaá imii, mịị tuminikiri nyẹ gbilaapụ ma n tẹ́ angaá imii? Tamuno diemam ḅẹ́ mịị tuminikiri níminyẹ ma anị papa oḅori nyẹẹ!

1 Kọrịntịapụ 1:21

Tamuno ori opu nyẹ́nimi ḅụ mịẹm ḅẹ́ anị opuma ḅụdáa ḅẹ́ túminị́ nna níminyẹ ḅụ ḅọ́rọ́ nnị ḅoo o nimi. Tụ́ma wa dugho wásámaarị oḅori oku ma ḅụ ḅọ́rọ́ Tamuno anị ọ ḅụḅẹlẹ ḅara ḅụ mininiapụ ma duaḅọ́rọ́mam.

2 Kọrịntịapụ 4:4

Mịị tuminikiri tamuno ma mininighaapụ ma kóróma tọ́rụ́pụ́mamam anịgo nnị ine baá ma arịgha anịị Krais ipine gboloma sị ibi oku ma ḅụ sághị ḅoarị baá, ori ma anị gbẹ́rẹ́sa Tamuno ma na kịkaḅọ.

Ẹ́fịsọsapụ 6:12

Tegó wámịna ọ́mụ́gbi ma, wa tuminikiriapụ na anị gbighaa, kụ́ma, sobie ju fịnịị sitẹ́mẹ́, táarịapụ, kụrọnyanáapụ na pịghị kánákáná tuminikiri ma bie fịnị opu kụrọ nyáná sitẹ́mẹ́.

Kolosiapụ 2:15

O táarịapụ na kụrọnyanáapụ ḅara nna ọ́mụ́gbinyẹ daákịfáma sáá, ọ mịẹm túminị́ n pa tọ́rụ́ pa nyẹdighinyẹ mịẹ, mgbẹsẹ sị́ ma pa n sọḅa.

Hiburuapụ 2:14

Awọamaapụ ma, mẹnị na ọmbịnyẹ́, sua ḅara ma, Jizọs ḅoo n fịnị ḅara fịnịm pịghị nnị ojumẹnị sua ḅo sọ, ọ go mịma mịẹnyẹ, ori ọrẹ fịị ḅụ ḅọ́rọ́, ọ fịị kụrọ ma nyánáḅọ ma guluguluma bẹ ḅara anịị, Ẹ́kpẹ́dua ma,

1 Jọn 3:8

Sámámgba ḅụ fịnị sị siiamịẹnyẹ mịẹarịḅọ gonyẹ́ gonyẹ́ fịnị ẹ́kpẹ́dua pịrịm, tegó ẹ́kpẹ́dua ma Sughu saghị sa éné éné siinyẹ mịẹarị. Mịma go anịị Tamuno Tụwọ ma go ḅo nyẹ sị ori ẹ́kpẹ́dua ma fịrị mamgba sima bẹ ḅara.

1 Jọn 4:4

Ọmịnị ị́yẹ́ ibi awọ, ọ Tamuno ju saghịḅom, ọ pịghị epele ikiakoroapụ ma sọḅamam, tegó ọmịna bie fịnị Tẹ́mẹ́ ma anị kụ́rọ tuminikiri ma bie fịnị túminị́ bie fịnị tẹ́mẹ́ ma nẹngịm.

1 Jọn 5:19

Wa nimim ḅẹ́ wamịnị Tamuno awọ, tuminikiri gbọrụ ma sọ sii tumḅọ ma sughubie imi.