Hiburuapụ 9:9 - Ibani New Testament

⁹ Mịma anị ḅara tughuma mị́sa ma pịrịarị ilíghíma, anị dughoarị ḅẹ́ n mịẹ Tamuno pịrị agbā na nama igwa n gwanyẹ ine tẹ́ghẹ̄arị tẹ́mẹ́bie mịẹ kpainmagha.

Hiburuapụ 9:9 ပူးပေါင်းရင်းမြစ်များ

Romapụ 5:14

Kụ́ma Adam sa ḅụ ákị mú Mosis sa ma ḅụ ngaapụ gonyẹ́ gonyẹ́ fịịm, Adam sịbị gánágánáma Tamuno ólóghó ma pịrị ḅara pa siinyẹ miẹghapụ sọ fịịm, Adam anịị ḅo bẹḅọ ma kịkaanyẹ, anịị Jizọs Krais.

Galesiaapụ 3:21

Mịma anị die ḅẹ́ ólóghó ma anị Tamuno mini nyẹ na kuragha? Ọkọfịnị nyẹ ofori! Ḅọ́rọ́ tuminikiriapụ duma pịrịbẹ ólóghó nyanaḅomam anị sáá, kị́nị́mamgba karakárá ibiamịẹnyẹapụ sọ́bẹm nnị anị kokoarị sáá.

Hiburuapụ 10:11

Juuapụ igwagwaḅọ gonyẹ́ gonyẹ́ ọrẹ fịrịnwangị nwángịm éné mamgba sị pịghị gbẹ́rẹ́ igwa ma gwaa tọgha tọgha sáá ḅụ kụ́ma mịná igwaa ma sii sịrị siigha.

Hiburuapụ 11:19

Ebraham mininim bẹ Tamuno ine fịị ḅụ Aizik saghịmabẹm. Ẹ́gẹ́rẹ́kọọ ḅara ḅụ Ebraham fịị ḅụ pịghị Aizik nyánaḅom.

Hiburuapụ 5:1

Igwagwaá áláḅọ gonyẹ́ gonyẹ́ Tamuno n ḅọ sẹ́lẹ́akịm ọ jẹa túminị́ ogbo ḅẹẹ o fịrịwangi Tamuno pịrị nna sịbị, sị ori agba mịẹ pịghị igwagwaá sii pịrị.

Hiburuapụ 7:11

Livai furoawọ Igwagwaá fịrị ma ḅụ ḅọ́rọ́ anị Tamuno go mị ólóghó ma pa Izirẹlịawọ pịrịnyẹ. Ḅọ́rọ́ Livai fúroawọ igwagwaá fịrị ma kpain ọkụ́ma, jẹ́ kịrị igwagwaḅọ ḅo na ibighaa Melkịzedek fịnị ḅara fịnịḅọ mịnị Erọn fịnị ḅara fịnị ḅọgha Livai furobie saghị ḅoḅọ.

Hiburuapụ 8:4

Ọ ḅọ́rọ́ tuminikiri imi, ori igwagwaḅọ fịrị nwángịbịgha, igwagwaapụ imi sa, Juuapụ ólóghó tọghaapụ ḅẹẹ nnị mị agbā ma mịẹ.

Hiburuapụ 9:24

Krais o tumḅọ ḅara pa nama Tọ́ntọ́ yọ sọgha, mị anị karakárányẹ ma kịkányẹ, kụ́ma o so sobie múm si mú Tamuno tórúku fịnị wámịna sịbị go.

1 Pita 3:21

Mị́ị́ mingi ma sẹ mingi sara pịrịm anị ḅụ ḅọ́rọ́ ọmịnị mị́sa dụaḅọ́rọ́ma nyánam. Mingi sara ma anị pápá ịlọ́lị sịrịsigha oju ḅụ. Anịma anịị ọmịnị ọmịna tẹ́mẹ́bie pa mini Tamuno pịrịnyẹ, ịlọ́lị ọmịna tẹ́mẹ́bie ófórigha ḅụ. Túminị́ mingi sara ḅụ ḅọ́rọ́ dụaḅọ́rọ́ma nyánam Jizọs Krais fịị ḅụ saghị gosi.