Hiburuapụ 9:26 - Ibani New Testament

²⁶ Anị ḅọ́rọ́ ọkọ ọkụ́ma, ọ tọgha tọgha igwa gwamam saghị tuminikiri saghị sa éné éné. Tụ́ma, mị́sa, anịsa mamgba kunema ḅụ, o ḅomam sị gbẹ́rẹ́ sáá, samamgba sii sịrị si, ori ọrẹ oju pa igwagwaá sii pịrị ḅara.

Hiburuapụ 9:26 ပူးပေါင်းရင်းမြစ်များ

Matiu 13:39

pịghị nnị dipi iruonaḅọ ma anịị ẹ́kpẹ́dua ma. Duasughu ma anịị sáá ma kunema, pịghị dua ma suu bẹapụ anịị sookumuapụ ma.

Matiu 13:40

<

Matiu 25:34

<

Ibi Oku Ma Jọn Anị Gịẹ Ḅara 1:29

Anị ḅụ éné ḅa Jọn Jizọs arịm nwángị ọ fịnịnga ḅoarị warị ḅẹẹ, <

Ibi Oku Ma Jọn Anị Gịẹ Ḅara 17:24

<

1 Kọrịntịapụ 10:11

Mịnanyẹ ma n ḅụ págháam sị jẹ́apụ anị pa nyẹ dáwọ bẹ ḅara, n pịghị gịẹ kórómam pa wámịna biri nụ́nụ́m. Tegó wa dúma kọọarị sáá ma kunema sa biri.

Galesiaapụ 4:1

Kúru a jẹ́ ḅara pa anị dugho, tụwọ ma daḅọ ma ngọ nyánáakị bẹḅọ ma kịrịgha ómóniḅọ ḅụ, ori ma ịrụ sa gonyẹ́ gonyẹ́, tụ́manyẹ ḅẹ́ nyẹ gonyẹ́ gonyẹ́ o nyẹ so nị.

Ẹ́fịsọsapụ 1:10

Mịị anị ọ tọ́nyẹ ma ọ mịẹ kárámá bẹnyẹ sáá ma la sáá, ori ọ tẹ́mẹ́nyẹ gonyẹ́ gonyẹ́ tuminikiri na sobie akuoo gbolomabẹm sị Krais nna ḅụ sịbịdaa.

Ẹ́fịsọsapụ 5:2

Ḅẹlẹma pịghị ọmịna duma bie ḅẹrẹtọ, Krais sọ wa ḅẹlẹma ḅara sị ọ ḅụ pa ibima kụ́nụ́ agbaa mịẹ na igwagwaá Tamuno pịrị.

Taitọs 2:14

Ori ọḅụ pa wa pịrịm sị ori wa duapághámaḅoo bẹ ḅara siiamịẹnyẹ gonyẹ́ gonyẹ́ ḅụ sị mịẹsị wa fíafía, fịnị ori ngéré pịrị túminị́, sị sámámgba dọghụarị ḅẹ́ wa ibifịrị nwángị.

Hiburuapụ 1:2

Kụ́ma mị kunema éné ma, ori ọ Tụ́wọ ḅụ ḅọ́rọ́ ẹ́gẹ́rẹ́kọọ wa pịrịmam. Ori anị ọ tọ́ọ ḅọ nyẹ gonyẹ́ gonyẹ́ nyánáákịbẹḅọ. Ọ ḅụ ḅọ́rọ́ anịị o so na kiri na tẹ́mẹ́nyẹ.

Hiburuapụ 10:10

Jizọs Krais Tamuno o ḅara binyẹ mịẹm gosi wámịna sii ḅụ, n wa sịrị simam, ori ọḅụ pa gwaa igwaa gbẹ́rẹ́sa, sámámgba pịrị.

Hiburuapụ 10:12

Krais gbẹ́rẹ́ igwagwaá sii gonyẹ́ gonyẹ́ pịrịm, kụrọ sẹ mú ḅẹ sa ḅẹ sa la, anịsa ọ warị kpọrọfịnị Tamuno ma ámáḅara angaá.

Hiburuapụ 10:26

Sii siri si bẹ́ igwaa mịnị oforibịgha, wa karakárá ma nimifama sa, wa warị pa biri inighima sị siinyẹ mịẹarị.

Hiburuapụ 10:4

Nambulo na oḅori ọmbịnyẹ́ jẹ́ éné jẹ́ éné ine sii sịrị sibịgha.

Hiburuapụ 4:3

Anịsa wamịnị mininiapụ Tamuno minini ịnyọ́sárá ma nyánaḅom. Anịgo o dugho ḅara ḅụ, < >> Tamuno mịma dughom ori fịrị famam mḅẹ́sọ, o tuminikiri ma tẹ́mẹ́fáma sa.

Hiburuapụ 7:27

Ori isi opu igwagwaapụ ma kịkagha, éné gonyẹ́ gonyẹ́ ḅụ ọ parị igwagwaá ọri sii pịrịbịgha, sị pịghị igwagwaá túminị́ ma pịrị, ọ gbẹ́rẹ́ igwagwaá sámámgba pịrịm ori ọrẹ ojumẹnị pa pịrị sa.

Hiburuapụ 9:12

Krais Tamunowarị ma bie ḅọ́rọ́ sáá, gbẹ́rẹ́ sáá ngéré anị ọ pa Opu Tọ́ntọ́ḅa Yọ ma so nyẹ ori oḅori na nambulo pulo pa mugha sị mú igwagwaá kụ́ma ọrẹ pulo anịị ọ pa mú sị gbámásó dụaḅọ́rọ́ma nyáná ḅo wa pịrịnyẹ.

Hiburuapụ 9:14

Mịma karakárányẹ sáá, Krais pulo mịma nẹ́ngịma nyẹ́ mịẹbịgha? Ori gbámásó Tẹ́mẹ́ ma ḅụ ḅọ́rọ́ ọrẹ oju pa kpain agbā mịẹ Tamuno pịrịm. Ọrẹ pulo wa sịrịbẹm ofori ofori mịẹmịẹnyẹ, ḅụ sị wamịnị ine dumafịnị Tamuno ma tẹ́ghẹ̄ bẹ ḅara.

1 Pita 1:20

Tamuno ọ sẹ́lẹ́akịmam na n tuminikiri ma tẹ́mẹ́gha sáá kụ́ma n warị ọmịnị go ọ diepágháma mị kunema sáá ma.

1 Pita 2:24

Krais o ḅụgbọrụ wámịna sii ma dighiákịm ori oju mgbẹsẹ sị́ ma ọgọnọ, si wa fịị́ siiamịẹnyẹ pịrị, sị duma karakárányẹ ma pịrị, ori oju kii ḅụ ḅọ́rọ́ anị ọ ḅụ gwọọ nyanamaá nyẹ.

1 Pita 3:18

Tegó Krais fịị sii pịrịm gbẹ́rẹ́sa ngéré, karakárá ibiamịẹnyẹḅọ siiapụ sịbị go fịịm ori ọmịnị akuoo Tamuno pịrịị bẹ ḅara. Túminị́ ojumẹnị ḅụ ọ ḅám, kụ́ma Tamuno mịẹm o duma fịnịị tẹ́mẹ́ju,

1 Pita 4:7

Nyẹ́ gonyẹ́ gonyẹ́ kunema kikiamam, anịgosi ọmịnị ọmịna ḅụ ọlọbẹm, ọ pịghị tọ́rụ́ findiwarịbẹm sị ọmịnị ine tẹ́ghẹ̄ bẹ ḅara.

1 Jọn 3:5

O nimim ḅẹ́ Krais ḅom sị ọ sii dighi si bẹ ḅara, kụ́ma ọ ḅụ sii ofori.

1 Jọn 3:8

Sámámgba ḅụ fịnị sị siiamịẹnyẹ mịẹarịḅọ gonyẹ́ gonyẹ́ fịnị ẹ́kpẹ́dua pịrịm, tegó ẹ́kpẹ́dua ma Sughu saghị sa éné éné siinyẹ mịẹarị. Mịma go anịị Tamuno Tụwọ ma go ḅo nyẹ sị ori ẹ́kpẹ́dua ma fịrị mamgba sima bẹ ḅara.

Puu Findi 13:8

Tuminikiri dumafịnịapụ mamgba susi anị pịrịbẹm, tuminikiri ma na saghịgha sáá nnị ẹ́rẹ́ gịẹ kórómaapụ dumafịnịapụ ma diri bie anịị susi anị pịrịbịghaapụ, mịị diri ma nyánáḅọ anịị n ḅáa Ánáná Tụwọ ma.

Puu Findi 17:8

Ịrị arị ḅáláfama nama ma anị dumafịnị sáá imii, kụ́ma ḅọlọgha sáá ḅụ anị págháḅobẹm sughu nyanagha póghóló kiri ma ḅụ sị nnị anị guluguluma. Tuminikiri ngaapụ ma na nnị nna ẹrẹ gịẹghaapụ dumaapụ ma diri bie, anịị tuminikiri ma na saghịgha sa éné éné, n tọ́rụ́ bulubulubẹm nnị ḅáláfama nama ma arị sáá, tegó anị dumafịnị sáá imi: mị́sa anị mịnị dumagha kụ́ma anị pịghị sima págháḅobẹm.