Hiburuapụ 9:25 - Ibani New Testament

²⁵ Juuapụ opu igwagwaalaḅọ ma Opu Tọ́ntọ́ḅa Yọ ma sọsọm kụ́rá gonyẹ́ gonyẹ́ ḅụ ọmbịnyẹ́ nama pa. Kụ́ma Krais ori aningáa ma sọgha sámámgba sị ọḅụ pa igwagwaá.

Hiburuapụ 9:25 ပူးပေါင်းရင်းမြစ်များ

Hiburuapụ 10:10

Jizọs Krais Tamuno o ḅara binyẹ mịẹm gosi wámịna sii ḅụ, n wa sịrị simam, ori ọḅụ pa gwaa igwaa gbẹ́rẹ́sa, sámámgba pịrị.

Hiburuapụ 10:19

Anịgo, ịyẹa mịnaapụ wamịnị mị́sa ine Opu Tọ́ntọ́ḅa Yọ ma sọmubẹm Jizọs fịị ma gosi, bẹnyẹ bẹnyẹ wamịnị ọ́lọ́gha pa.

Hiburuapụ 9:12

Krais Tamunowarị ma bie ḅọ́rọ́ sáá, gbẹ́rẹ́ sáá ngéré anị ọ pa Opu Tọ́ntọ́ḅa Yọ ma so nyẹ ori oḅori na nambulo pulo pa mugha sị mú igwagwaá kụ́ma ọrẹ pulo anịị ọ pa mú sị gbámásó dụaḅọ́rọ́ma nyáná ḅo wa pịrịnyẹ.

Hiburuapụ 9:14

Mịma karakárányẹ sáá, Krais pulo mịma nẹ́ngịma nyẹ́ mịẹbịgha? Ori gbámásó Tẹ́mẹ́ ma ḅụ ḅọ́rọ́ ọrẹ oju pa kpain agbā mịẹ Tamuno pịrịm. Ọrẹ pulo wa sịrịbẹm ofori ofori mịẹmịẹnyẹ, ḅụ sị wamịnị ine dumafịnị Tamuno ma tẹ́ghẹ̄ bẹ ḅara.

Hiburuapụ 9:2

Nnị Tamunowarị namam tórúku anga ma ḅụ anịị Tọ́ntọ́ Yọ pa sị ngaa. Parị bie ma anịị tọndọ gbananyẹ ma fịnị angaá na pịghị n pa agbā mịẹ Tamuno pịrị fịtúrú gbánā ịkasị sọ fịnị ngaa.

Hiburuapụ 9:26

Anị ḅọ́rọ́ ọkọ ọkụ́ma, ọ tọgha tọgha igwa gwamam saghị tuminikiri saghị sa éné éné. Tụ́ma, mị́sa, anịsa mamgba kunema ḅụ, o ḅomam sị gbẹ́rẹ́ sáá, samamgba sii sịrị si, ori ọrẹ oju pa igwagwaá sii pịrị ḅara.

Hiburuapụ 9:7

Opu Igwagwaaḅọ ma ngéré anị biebẹ ju fịnị yọ ma sọ sọ ḅọ, o mịma mịẹarị gbẹ́rẹ́ sáá ngéré kụ́rá bie. Ori (ọmbịnyẹ́) ákịkịm ọ pa igwagwaá Tamuno pịrị ọ sịbị ọgọ́nọ́ na pịghị túminị́ ma nimigha si n mịẹ siiamịẹnyẹ.