Hiburuapụ 9:24 - Ibani New Testament

²⁴ Krais o tumḅọ ḅara pa nama Tọ́ntọ́ yọ sọgha, mị anị karakárányẹ ma kịkányẹ, kụ́ma o so sobie múm si mú Tamuno tórúku fịnị wámịna sịbị go.

Hiburuapụ 9:24 ပူးပေါင်းရင်းမြစ်များ

Matiu 18:10

<<Árị ḅẹẹ i mị dọghụdọghụ awọ ma ḅụ gbẹ́rẹ́ḅọ dighisimagha. Ḅẹẹ a dugho ọ pịrịm ḅẹẹ nna sookumuapụ sámámgba i Daa ma tórúku arịarị sobie. [

Ibi Oku Ma Mak Anị Gịẹ Ḅara 14:58

< >>

Ibi Oku Ma Mak Anị Gịẹ Ḅara 16:19

Kị́nị́nyánáḅọ Jizọs nnị na ẹ́gẹ́rẹ́ fama sáá, nnị ori akị sobie múm, sị muu Tamuno amaḅaranga kpọrọfịnị.

Ibi Oku Ma Luk Anị Gịẹ Ḅara 24:51

Ori n Karịibimaarị sa, ọ kẹ́lẹ́ n ḅụ fofoom, n warị o dighiákị sobie muu.

Ibi Oku Ma Jọn Anị Gịẹ Ḅara 16:28

A Daḅọ ma ḅara saghị tuminikiri ḅom; mị́sa a tuminikiri ma wáriso sị pịghịma Daḅọ ma dámámụarị.>>

Ibi Oku Ma Jọn Anị Gịẹ Ḅara 6:62

Tẹ́ nyẹ, ḅọ́rọ́ ọ Tumḅọ yii Tụ́wọ ma árị iwo ọ saghị ḅo angaá muarị!

Fịrị Ḅara 3:21

O sobie fịnịbẹm sị nnị nyẹ gonyẹ́ gonyẹ́ mịẹsị anị ịwọ sa láa, Tamuno ori tọ́ntọ́ ikiakoroapụ ḅụ ḅọ́rọ́ dugho págháma ma ḅara ḅọlọ sáá éné éné.

Romapụ 8:33

Tụọ ḅẹ́rẹ́ pa Tamuno sẹlẹakịapụ ma sịbị gbánā bẹ? Tamuno anị ḅẹ́arịḅọ, ḅẹ́rẹ́ nna ḅárasigha!

2 Kọrịntịapụ 5:1

Mị́sa wa nimim ḅẹ́ ḅọ́rọ́ wa bie angaá wárị ma mịẹ tuminikiri kaaka, wa Tamuno ḅara saghị ḅo wárị nyánam sobie, túminị́ ḅara pa namaghaa nyẹ, sị fịnị mú gbámásó la bẹnyẹ.

Kolosiapụ 3:2

Ọmịnị ọmịna kóróma pa sobie fịnịnyẹ ma ḅụ gbánā, kiribie fịnị nyẹ́maghaa.

Hiburuapụ 1:3

Tụwọ ma anịị Tamuno ipine ma bia ḅára diepághámaarịḅọ, Ọ Tamuno na kịkam asọ gonyẹ́ gonyẹ́ ḅụ, ọ pịghị ori kụ́rọ nyáná ẹ́gẹ́rẹ́ pa so na kiri ma dighi sẹ́mam, ọ wámịna sii sịrị si faá ma sáá, ọ kpọrọfịnịm Tamuno ámáḅara angaá, kụrọmamgba nyánáḅọ sobie.

Hiburuapụ 12:2

Wamịnị wámịna tọ́rụ́ pa Jizọs ḅụ gbánā, wámịna minini ḅára fịnịḅọ, saghị sị mú kunema la. Ori ọḅụ daagha mgbẹsẹ sị ma go, kụ́ma tórúku fịnị o kuruarị bieḅẹlẹ gosi, ori ingịrịma nyáná mgbẹsẹ sị ma pịrịm, ori mgbẹsẹ sị́ ọgọ́nọ́ fịị ma ḅụ́gịrịrị balagha. Mị́sa ọ Tamuno imine ma ámáḅara ngá kpọrọfịnịarị.

Hiburuapụ 4:14

Wamịnị dụḅa Igwagwaá Áláḅọ nyánam, sobie sọọmaaḅọ ori anịị Jizọs Tamuno Tụ́wọ ma. Anị wa go wa dugho págháma minini ma ọlọ sẹ́ma bẹnyẹ.

Hiburuapụ 6:20

Wámịna sịbị go Jizọs parị anị angaá ma sọmam si pịghị gbámásó igwagwaá áláḅọ sọ wa pịrị Melkịzedek igwagwaḅọ ma ḅara ḅụ.

Hiburuapụ 8:2

Ori Opu Igwagwaḅọ fịrị nwángịarị tọ́ntọ́ḅa yọ ma ḅụ, anịị tụ́ma tọ́ntọ́ Tamunowarị, Tamuno ọ ḅara na nama nyẹ, túminị́ ḅara pa nama nyẹ́gha.

Hiburuapụ 8:5

Nnị nwángịarị fịrị agbamieapụ ḅara, anị dada sobie fịnịnyẹ ma fịnị ḅara fịnịgha kụ́ma anị anịị kịkam. Anị n go Mosis birinụ́nụ́nyẹ ọ tọ́ntọ́ tẹ́ghẹ̄ wárị ma nama dọghụ sáá ḅẹ́ ori, <>

Hiburuapụ 9:1

Parị ọḅọọ ma susi ólóghó nyanam anị pighi susi yọ nyanam tuminikiri.

Hiburuapụ 9:23

Mịnanyẹ ma, sobie fịnị karakárá nyẹ́ ma kịkanyẹ ma, ibibẹm ḅẹẹ nnị ọkọfịnị anị gbẹ́rẹ́ ḅara ma igwaa pa anị mịẹ fiafiama, kụ́ma sobie nyẹ ma ibiḅaa igwaa bim.

Hiburuapụ 9:9

Mịma anị ḅara tughuma mị́sa ma pịrịarị ilíghíma, anị dughoarị ḅẹ́ n mịẹ Tamuno pịrị agbā na nama igwa n gwanyẹ ine tẹ́ghẹ̄arị tẹ́mẹ́bie mịẹ kpainmagha.

1 Pita 3:22

Krais iwóo sobie mumam ọ pịghị Tamuno amaḅaranga imii, sookumuapụ na tẹ́mẹ́ju táarịapụ mamgba táarị, na pịghị sobie kụrọnyanáapụ mamgba.

Puu Findi 8:3

Jẹ́ sookumuḅọ, odoḅala Insẹnsị suanyẹ ọlọḅọ ḅoo ẹ́bẹ ma angásá sẹm. Nnị tọgha Insẹnsị pa ọ pịrịm ḅẹẹ sị ori anị dọ́ghụ́ma imine ma tórúku fịnị odoḅala ẹ́bẹ ọ́gọ́nọ, Insẹnsị ma kụ́nụ́ Tamuno túminị́ mamgba tẹ́ghẹ̄ na gwaa bẹ ḅara.