Hiburuapụ 9:15 - Ibani New Testament

¹⁵ Krais anị ịwọ ọḅọọ ma ḅara saghị ḅoḅọ, sị Tamuno simaapụ ine o minini gbámásó boma ma nyáná bẹ ḅara. Mịma ine kiriakịbẹm ọ fịịmam go, sị siiamịẹnyẹapụ ḅọ́rọ́ma nna siiamịẹnyẹ ḅụ, parị ọḅọọ ma sọ pa imi sa.

Hiburuapụ 9:15 ပူးပေါင်းရင်းမြစ်များ

Matiu 19:29

Pịghị warị warịsomáaḅọ gonyẹ́ gonyẹ́ anịgha mịná owiapụ anịgha ẹ́rẹ́mịnaapụ anịgha daapụ anịgha nyingiapụ anịgha awọ anịgha duakiri i sịbị gosi, sọ́nọ́a si kiri pa anị nẹ́ngị nyẹ nyánábẹm sị pịghị gbámásó duma nyánáḅobẹm.

Matiu 22:3

Ori ọrẹ fịrịnwangịapụ fịrịmam ḅẹẹ, n muu nnị oku fịrịma sị igoniapụ ma sịị, kụ́ma n mini ḅogha.

Matiu 25:34

<

Matiu 25:36

A suabịtẹ dọ́ghụm, ọ pịghị suabịtẹ pa i suam, a obim, ọ pịghị i dighidighim, a kọkọ i ịkóli bie imi, ọ pịghị ḅo i dighim!>

Ibi Oku Ma Mak Anị Gịẹ Ḅara 10:17

Jizọs saghị jẹ́ pa nwángị sáá gbẹ́rẹ́ owitụ́wọ mangị ọ damaḅom, warị o tọ́rụ́kuu ẹkpẹrẹkị sị o gbíla ḅẹẹ, <>

Ibi Oku Ma Luk Anị Gịẹ Ḅara 18:18

Gbẹ́rẹ́ Juu sịbịdáḅọ Jizọs gbilam, <>

Ibi Oku Ma Luk Anị Gịẹ Ḅara 22:20

Anị gbẹ́rẹ́ ḅara ma, ori ọmọngọ ma pa n pịrịm n ḅupiri fị́nyẹ ma fị́fáma sáá, ḅẹẹ, <

Ibi Oku Ma Jọn Anị Gịẹ Ḅara 10:28

A duma gbámásó pa n pịrịm n pịghị jẹ́ éné jẹ́ éné fịị faábịgha; gbẹ́rẹ́ḅọ sọ ine nnị pughoakịbịgha i ḅarabie.

Fịrị Ḅara 20:32

<

Romapụ 5:10

Wamịnị áyá sa Tamuno iruonaapụ, kụ́ma ori oyẹ nángwọ́apụ pa wa mịẹm ọ Tụ́wọ ma fịị ḅụ ḅọ́rọ́. Mị́sa wa Tamuno nángwọ́apụ sọmaa ḅara ma, tẹ́ pịghị kọọ Krais ori duma pa wa duaḅọ́rọ́mabẹm.

Romapụ 5:6

Ọ́ kọ́kọ́ arịị ḅẹ́ sa ma karakárá sa, ịnyọ wámịna ḅụ ófórigha sa, Krais fịị siiamịẹnyẹapụ ma pịrịm.

Romapụ 5:8

Kụ́ma Tamuno diepághámamam ọ wa ḅẹlẹma láa ḅara: wa pa siinyẹ bie fịnị sa Krais fịị wa pịrịm.

Romapụ 6:23

Fịị anịị sii gbẹfịnyẹ, kụ́ma Tamuno diepịrịnyẹ anịị duma gbámásó wámịna Nyánáḅọ Krais Jizọs bie.

Romapụ 8:28

Wa nimim bẹnyẹ gonyẹ́ gonyẹ́ ḅụ Tamuno ibinyẹ mịẹ ọ ḅẹlẹmaapụ pịrịpịrịm, ọ sịị́apụ ọ mịẹ dọghụnyẹ gosi.

Romapụ 8:30

Anịgo Tamuno fófóoma wárịapụ, ori na nnị na ọ pịghị ori ipine ma pa n ḅụ sarám.

Romapụ 9:24

Wamịnị anịị ọ sịapụ ma, Juuapụ ma bie ngéréghaa kụ́ma Juughaapụ ma bie so.

2 Kọrịntịapụ 3:6

Ori anị wa mịẹ kụrọma sị wamịnị ine fịrịnwangị ịwọ ọ ḅoo ma pịrịnyẹ, mị ịwọ ọḅọọ ma, anịị n gịẹ kóróma ịwọ ólóghó nyánágha, kụ́ma Tẹ́mẹ́ ma angaánye, n gịẹ kóróma ólóghó ma, fịị dighiḅom; kụ́ma Tẹ́mẹ́ ma duma pịrịm.

Galesiaapụ 3:20

Mị́sa mmẹapụ ọḅọọ fị sáá nnị ogboku sẹ ḅọ bim, Kụ́ma mịị ọḅọọ ma ogboku sẹ ḅọ nyanagha tegó Tamuno ori gbẹ́rẹ́ḅọọ.

Ẹ́fịsọsapụ 1:7

Krais ọmbịnyẹ́ ḅụ ḅọ́rọ́ wa dụaḅọ́rọ́ma nyánam, n wámịna siiḅụḅarasi wa pịrịm ori opu tọ́rụ́kụrụkụ́rụ́ gosi.

2 Tẹsalonaikaapụ 2:14

Tamuno ọ sị mịma bie suam wa dugho wásáma ibi oku ma ḅụ ḅọ́rọ́; ori ọ sim ḅẹ́ o ḅo ọmịna diekiri akịị wámịna Nyáná ḅo Jizọs Krais ipine ḅụ.

1 Timoti 2:5

Ḅẹ́ gbẹ́rẹ́ Tamuno ngéré anịị iminyẹ, gbẹ́rẹ́ ogboku sẹ ḅọ anịị Tamuno na túminị́ na akuo gbólómáarịḅọ, anị tumḅọ ma anịị n Krais Jizọs pa sịḅọ ma,

2 Timoti 2:10

Anị ẹrẹ́sị a ngịrịma nyáná nyẹ gonyẹ́ gonyẹ́ pịrịm Tamuno sẹlẹakịapụ ma sịbị gosi, nnị sọ Krais Jizọs ḅara ḅoo dụaḅọ́rọ́ma ma nyáná bẹ ḅara Gbámásóḅọ ma akuoarị nyẹ.

Taitọs 1:2

mịị karakárá ma ḅụ ḅọ́rọ́ túminị́ tọ́rụ́ dighinyẹ nyánam gbámásó duma nyáná ḅụ, Tamuno ine epeletibịghaḅọ ma mị duma minini wa pịrịm tuminikiri na saghịgha sa,

Taitọs 3:7

sị ori tọ́rụ́kụrụkụ́rụ́ ḅụ ḅọ́rọ́ wa karakárá ibiamịẹnyẹapụ sọ́bẹm Tamuno ma fịnị angaá, sị ḅo wa tọ́rụ́dighi gbámásó duma ma nyáná.

Hiburuapụ 10:34

Ọ pịghị ikólinaapụ dua tọ́rụ́siarịm nnị pịghị ọmịna ngọ kaakị sa, ọ pịghị bieḅẹlẹ ḅara pa ọmịna faá ma akịm, tegó o nimim ḅẹ́, ọmịna nyẹ ma nẹ́ngị nyẹ nyánam, pịghị fịnị mú gbámásó láa ḅẹnyẹ.

Hiburuapụ 10:36

Í ingịrịma nyáná na ibim, si ị ine Tamuno tọ́nyẹ mịẹbẹ ḅara, si o minini nyẹ mamgba nyánáḅoo.

Hiburuapụ 11:13

Mịnaapụ mamgba fịịm pa mininiarị Tamuno mini n pịrịnyẹ ma nyánaḅogha sọ, kụ́ma ḅọlọanga nnị anị arịm sị anị datéréma warị dughopágháma kị́nị́mamgba tórúku bẹ nnị ọ́ igoniapụ na asọnwángiapụ tuminikiri.

Hiburuapụ 12:24

O Jizọs dámáḅómam, ịwọ ọḅọọ ma dẹghẹ karakárámaḅọ, na pịghị n sanị ọmbịnyẹ́ ibinyẹ mini Ebẹl ọmbịnyẹ́ nẹ́ngị nyẹ.

Hiburuapụ 13:20

Mị́sa diin nyáná Tamuno ma gbámásó ọmbịnyẹ́ ma ọḅọọ ḅụ ḅọ́rọ́, wámịna Nyánáḅọ Jizọs saghịma ḅo fịị ḅụ, opu ánánákúrúḅọ ma,

Hiburuapụ 2:14

Awọamaapụ ma, mẹnị na ọmbịnyẹ́, sua ḅara ma, Jizọs ḅoo n fịnị ḅara fịnịm pịghị nnị ojumẹnị sua ḅo sọ, ọ go mịma mịẹnyẹ, ori ọrẹ fịị ḅụ ḅọ́rọ́, ọ fịị kụrọ ma nyánáḅọ ma guluguluma bẹ ḅara anịị, Ẹ́kpẹ́dua ma,

Hiburuapụ 3:1

Anịgo ị́yẹ́ tọ́ntọ́ mịnaapụ, Tamuno pịghị ọ ḅara na sịapụ, o Jizọs gboloma kóróma ngéré nyáná nnị nfịrịmaḅọ pa sịḅọ pịghị Tamuno igwagwaá áláḅọ.

Hiburuapụ 6:13

Tamuno nyẹ minini Ebraham pịrị sa ọ karakáráma nyẹ mininim ḅẹ́ o minini nyẹ ma ori anị mịẹbẹm. Ọ nẹngịḅọ ófórigha sa, ori ọrẹ ẹ́rẹ́ pa ọḅọọ fịịm,

Hiburuapụ 6:15

Ebraham inema nyanam anịgosi ori ine Tamuno minini o pịrịnyẹ ma nyánaḅom.

Hiburuapụ 7:22

Mị ọḅọọ ma gosi, Jizọs ori ọḅụsẹ́ḅọ sọ ibiḅaa ọ́ḅọọ ma pịrịmam.

Hiburuapụ 8:13

Ori ịwọ ọḅọọ ḅẹ́rẹ́ dughoarị sa, Tamuno parị ọḅọọ ma mịẹmam anị olom sị pịghị olom nyẹ gonyẹ́ gonyẹ́ ḅọlọgha sa ḅụ pịghị ẹmẹ fabẹm.

Hiburuapụ 9:12

Krais Tamunowarị ma bie ḅọ́rọ́ sáá, gbẹ́rẹ́ sáá ngéré anị ọ pa Opu Tọ́ntọ́ḅa Yọ ma so nyẹ ori oḅori na nambulo pulo pa mugha sị mú igwagwaá kụ́ma ọrẹ pulo anịị ọ pa mú sị gbámásó dụaḅọ́rọ́ma nyáná ḅo wa pịrịnyẹ.

Hiburuapụ 9:16

Tumḅọ ábálálá gịẹ sa n ḅara warị ori ngọ die bẹ ḅara, anị karakáram n die ḅẹ́ ngọ ma nyánáḅọ ma fịịmam tẹrẹmẹ nnị ori ngọ die.

Hiburuapụ 9:28

Anị gbẹ́rẹ́ ḅara ma n Krais pa igwa gwam gbẹ́rẹ́ sáá sị ọ tọgha tọghaapụ sii sịrị si. O pịghịma ḅobẹm mmẹẹ́ kárámá sa, sii gosigha, kụ́ma ori o kúruarịapụ ma dụaḅọ́rọ́ma bẹ ḅara.

Jems 1:12

Daádighi ḅụ kụrọ sẹapụ, bieḅẹlẹ nna nyẹ sọọbẹm. Ọ daádighi ma sáḅá kórómaẹrẹ nḅọ Tamuno míníni ọ ḅẹlẹmaapụ ma pịrị duma nyánábẹm.

1 Pita 3:18

Tegó Krais fịị sii pịrịm gbẹ́rẹ́sa ngéré, karakárá ibiamịẹnyẹḅọ siiapụ sịbị go fịịm ori ọmịnị akuoo Tamuno pịrịị bẹ ḅara. Túminị́ ojumẹnị ḅụ ọ ḅám, kụ́ma Tamuno mịẹm o duma fịnịị tẹ́mẹ́ju,

1 Pita 5:10

Ọ kẹ́lẹ́ tọ́rụ́siarị so sáá, tọ́rụ́kụrụkụ́rụ́ mamgba nyáná Tamuno ma, ọ sị ḅo bẹ ọ ḅo diekiri nyáná ọrẹ gbámásó ipine ma ḅụ Krais bie, ori ma pịghị ọ mịẹ kpaimabẹm, pịghị ọ sẹ kụ́rọ́mabẹm pịghị ịnyọ, na pịghị karakárá súghúise pa ọ pịrị.

1 Jọn 2:25

Mịma anị Krais minininyẹ ḅẹ́ ọ pa wa pịrịbẹm duma gbámásó.

Puu Findi 5:9

Nnị ịwọ núme sum ḅẹẹ: <