Hiburuapụ 8:10 - Ibani New Testament

¹⁰ Kị́nị́nyánáḅọ ḅẹ́m ḅẹẹ mị́sa mị anị a Izirẹlịawọ na fị bẹ ọḅọọ, ḅoarị sáá, a ị́yẹ́ ólóghó pa nna kúkúbie suabẹm. A pịghị nna tẹ́mẹ́bie ḅụ gịẹ kórómabẹm. Ịrị nna Tamuno sọ́bẹm nnị pịghị ịyẹa túminị́ sọ́bẹm.

Hiburuapụ 8:10 ပူးပေါင်းရင်းမြစ်များ

Matiu 22:32

<Ịrị anịị Ebraham Tamuno ma, Aizik Tamuno na pịghị Jekọpụ Tamuno?> Ori fịịapụ ma Tamunogha kụ́ma dumaapụ ma Tamuno.>>

Romapụ 11:27

A nnị na mịị ọḅọọ ma fị́ị́bẹm a nna sii siakịị sa.>>

1 Kọrịntịapụ 6:16

Anịgha o nimigha ḅẹẹ amịna ḅụ pa sẹfịḅọ na gbolomaḅọ, n ḅọ á nana gbẹ́rẹ́ oju nyánámam? Tọ́ndiri ma dughom, tọ́rụ́ ḅuruḅurumagha ḅara ḅụ ḅẹẹ, <>

2 Kọrịntịapụ 3:3

Ḅọghugha, ọmịnị anịị Krais ọ ḅara na gịẹ diri sị pa wamịna ḅara ḅụ fịrịma, Nyẹ́gie ḅuruma pa anị gịẹgha, kụ́ma dumafịnị Tamuno ma Tẹ́mẹ́, n pịghị dapịrị ọ́gọ́nọ anị gịẹgha kụ́ma túminị́ tẹ́mẹ́bie.

Taitọs 2:14

Ori ọḅụ pa wa pịrịm sị ori wa duapághámaḅoo bẹ ḅara siiamịẹnyẹ gonyẹ́ gonyẹ́ ḅụ sị mịẹsị wa fíafía, fịnị ori ngéré pịrị túminị́, sị sámámgba dọghụarị ḅẹ́ wa ibifịrị nwángị.

Hiburuapụ 11:16

Tụ́ma ibiḅaa ama anị n tọ́rụ́ pa dighiarị nyẹ sobie ama ma. Anịma go Tamuno ḅụgịrịrịgha ḅẹ́ nnị nna Tamuno pa osim, tegó ori ama tẹ́lẹ́ma n pịrịmam.

Jems 1:18

Ọ tọ ḅara ḅụ ọ duma pa wa pịrịm, ori karakárá ẹ́gẹ́rẹ́ ḅụ ḅọ́rọ́ sị wa tarị kiri nyánábeḅara ọ tẹ́mẹ́nyẹ mamgba ḅụ.

Jems 1:21

Anịgo ọmịnị ọ ḅụ sighima ịlọ́lị duma na siiamịẹnyẹ gonyẹ́ gonyẹ́ ḅụ. Ọmịnị ọmịna ḅụ pa Tamuno bie suu, sị ọ pa ọmịna tẹ́mẹ́bie sua ẹ́gẹ́rẹ́ ma daakị, anịma anịị ine dụaḅọ́rọ́ma pa ọ pịrịbẹnyẹ.

1 Pita 1:23

Nnị sima o yiimam, dumafịnị pịghị gbámásó Tamuno ẹ́gẹ́rẹ́ ma ḅụ ḅọ́rọ́, n sima o yiigha fịị bẹ tumḅọ duma pághámaḅoarị sịmgbọlụ ḅụ ḅọ́rọ́.

1 Pita 2:9

Kụ́ma ọmịnị anịị n sẹlẹakịmaapụ ma, Ámányánáḅọ ma igwagwaapụ, Tọ́ntọ́ sẹ, Tamuno ḅárákúu túminị́, n sẹlẹakị sị nnị Tamuno ḅụ́gbérépuma fịrị ma dugho págháma, ọ sị ákịḅọ kánákánábie sị o ḅo ọrẹ ḅụ́gbérépuma baá ma bie so.