Hiburuapụ 7:19 - Ibani New Testament

¹⁹ Mosis ólóghó ma bẹnyẹ bẹnyẹ mịẹ kpainmagha. Kụ́ma mị́sa, ibiḅaa tọ́rụ́ dighinyẹ imi wa ḅọ́rọ́ ine sọma Tamuno damaḅo bẹnyẹ.

Hiburuapụ 7:19 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 1:17

Tamuno ólóghó ma Mosis ḅara sághịḅom, kụ́ma tọ́rụ́kụrụkụ́rụ́ na karakárá Jizọs Krais ḅara sághịḅom.

Ibi Oku Ma Jọn Anị Gịẹ Ḅara 14:6

Jizọs pagharam, <

Fịrị Ḅara 13:39

O nimibẹm ḅẹ́ ọ ḅụ mininiḅọ gonyẹ́ gonyẹ́ nnị n ḅo duaḅọ́rọ́mabẹm n ḅọ sii ḅụ, Mosis ologho ḅụ nnị ine nyánaḅogha dụaḅọ́rọ́ma.

Romapụ 5:2

O minini ḅụ wamịnị akuoo mịị Tamuno tọ́rụ́kụrụkụ́rụ́ ma bie suam, wa bie mị́sa duma kọarị nyẹ. Anịgosi wa bịpịkpọm wa tọ́rụ́ dighinyẹ nyánam ḅẹ́, Tamuno ma ipine ḅụ wa diekiri nyánábẹm.

Romapụ 7:7

Anịsa wa tẹ́ dugho bẹ, wa dugho bẹ ḅẹ́ ólóghó ma ibighaa? Ọkọfịnị nyẹ ofori! Kụ́ma ólóghó ma anị mịẹsị a sii pa sị nyẹ níminyẹ. Ḅọ́rọ́ ólóghó ma dughogha ḅẹ́, <> a nimibịghaa ḅẹ́ jụghọ nyẹ́mọ́ni ólóghó ma na kuragha.

Romapụ 8:3

Ólóghó ma ine mịẹgha nyẹ, tegó ojumẹnị ma mịẹmam sị anị mịnị kụ́rọ nyanagha Tamuno mịẹm ori ọ Tụwọ fịrịma sa, ojumẹnị suaḅọ sị o sii sịrịsii bẹ ḅara. Anị ḅara ma ọ ḅẹ́rẹ́kọsima sii pịrịm ojumẹnị ma bie.

Galesiaapụ 2:16

Anịsọ wa nimim ḅẹ́ tumḅọ ḅo Tamuno na karakárá ḅụ fịnịm, anị tumḅọ ma Krais ḅụ nyáná minini ḅụ ḅọ́rọ́, ólóghó ma dughonyẹ mịẹgha ḅụ. Wamịnị sọ Krais Jizọs ḅụ mininimam sị nnị wa pa Tamuno na karakárá ḅụ warị, Krais Jizọs ḅụ wa nyáná minini ḅụ ḅọ́rọ́, ólóghó ma dughonyẹ mịẹgha ḅụ. Ḅẹ́ nnị ólóghó ma ngéré dughonyẹ mịẹarịḅọ pa Tamuno na karakárá ḅụ warịbịgha.

Galesiaapụ 3:21

Mịma anị die ḅẹ́ ólóghó ma anị Tamuno mini nyẹ na kuragha? Ọkọfịnị nyẹ ofori! Ḅọ́rọ́ tuminikiriapụ duma pịrịbẹ ólóghó nyanaḅomam anị sáá, kị́nị́mamgba karakárá ibiamịẹnyẹapụ sọ́bẹm nnị anị kokoarị sáá.

Galesiaapụ 3:24

Anịgo ólóghó ma anị wa didighiḅọ, akị mú Krais ḅo sáá láa, sị minini ḅụ ḅọ́rọ́ n wa pa Tamuno na karakárá ḅụ ḅụ fịnị.

Ẹ́fịsọsapụ 3:12

Krais na gbẹ́rẹ́ḅụ ḅụ fịnị na wámịna minini ọ ḅụ, wamịnị ine Tamuno tórúku ḅobẹm ḅáláfaghaa ḅụ, pịghị biegbana ḅụ.

Kolosiapụ 1:27

Nna ḅụ anịị Tamuno bii nyẹ ḅẹ́ o diepágháma Juughaapụ ma ogboku ḅọghunyẹ ma. Mịị ḅọghunyẹ ma anịị, ipine dụḅa láa ḅara na anị ḅụ́gbérépuma láa ḅara, anịị ọmịna bie fịnị Krais ma, anị ọmịna tọ́rụ́ dighinyẹ ḅẹẹ ori ipine ḅụ ọ diekiri nyánábẹm.

1 Timoti 1:1

Irị Pọl, Jizọs Krais fịrịmaḅọ, Tamuno na Jizọs Krais wámịna Dụaḅọ́rọ́maḅọ bịpị pịrị ḅara ḅụ, wa ḅụ tọ́rụ́ dighinyẹ nyanaḅọ.

Hiburuapụ 10:1

Mosis ólóghó ma anị ḅoarị nyẹ ma tẹ́mẹ́ kịkam mị nyẹ ma ibinyẹ ma anịgha, tegó anị ine túminị́ duaḅọ́rọ́magha nna sii ḅụ. Kụ́rá gonyẹ́ gonyẹ́ ḅụ n gwarị igwaa ma anị pịghị ine Tamuno damaḅoapụ ma mịẹ fịafịamagha.

Hiburuapụ 11:40

Tegó Tamuno ibi mịma nẹ́ngịma nyẹ warị wa pịrịmam, ḅẹ́ wamịnị na nnị ná anị nnị nna ḅụ mịẹ kpainmabẹnyẹ.

Hiburuapụ 11:6

Minini ofori gbẹ́rẹ́ḅọ sọ ine Tamuno tẹ́mẹ́ mịẹḅẹ́lẹ́mabịgha, Tamuno damaḅoarị ḅo gonyẹ́ gonyẹ́ mininibẹm ḅẹ́ Tamuno imi, ori o pịghị ịnyọsua ọ tẹ́ghẹ̄arịapụ gbẹgbẹm.

Hiburuapụ 3:6

Kụ́ma Krais Tamuno Tụ́wọ, ọ sẹ kụrọm Tamuno wárị ma bie, ori anịị sịbịdáḅọ, wamịnị anịị wárị ma, wa ḅọ́rọ́ wámịna biekpọ na tẹ́mẹ́kụ́rọ ọlọsẹma nḅẹḅẹ́, wa pa ine bịpịkpọ ḅẹnyẹ.

Hiburuapụ 4:16

Wa tẹ́mẹ́kụ́rọ nyáná sị sọma Tamuno imine ma fịnị angaá ḅo, tọ́rụ́kụrụkụ́rụ́ fịnị angaá. Anị angaá wa lolomakúkúbie nyánáḅobẹm pịghị tọ́rụ́kụrụkụ́rụ́ dọghụḅọ pa ḅárásua wa pịrị wamịnị anị dọghụ sa.

Hiburuapụ 6:18

Tamuno minini nyẹ na o fị ọḅọọ ma anịị mmẹẹ́ nyẹ ine dima bigha nyẹ, mịma diearị ḅẹ́ Tamuno ine epeletibịgha. Tamuno mịị mmẹẹ́ nyẹ ma pa wa tẹ́mẹ́kụ́rọmam ḅẹ́ wamịnị mangị o bie sọ́maapụ ma, ine ọlọ kụrọma bẹ ḅara wámịna tórúku fịnị tọ́rụ́ dighinyẹ ma.

Hiburuapụ 7:11

Livai furoawọ Igwagwaá fịrị ma ḅụ ḅọ́rọ́ anị Tamuno go mị ólóghó ma pa Izirẹlịawọ pịrịnyẹ. Ḅọ́rọ́ Livai fúroawọ igwagwaá fịrị ma kpain ọkụ́ma, jẹ́ kịrị igwagwaḅọ ḅo na ibighaa Melkịzedek fịnị ḅara fịnịḅọ mịnị Erọn fịnị ḅara fịnị ḅọgha Livai furobie saghị ḅoḅọ.

Hiburuapụ 7:20

Jẹ́nyẹ, Tamuno ọḅọọ fịịm, kụ́ma ọkọfịnị ọḅọọ ofori nnị isiapụ pa igwagwaapụ mịẹ sa.

Hiburuapụ 7:25

Anịma go ori ine mị́sa pịghị sámámgba ọḅụ ḅọ́rọ́ Tamuno damaḅoapụ ma duaḅọ́rọ́mam o duma gbámásom gosi Tamuno tẹ́ghẹ̄m nna sịbị ọ́gọ́nọ.

Hiburuapụ 8:6

Kụ́ma mị́sa nnị igwagwaḅọ fịrị pa Jizọs pịrịmam, nna angaá nyẹ ma nẹ́ngị nyẹ, anị gbẹ́rẹ́ ḅara ma Jizọs sua gboloma ọḅọọ ma Tamuno na ori a túminị́ ogboku ibiḅam tegó nnị ibiḅaa mini nyẹ ḅụ anị wárim.

Hiburuapụ 9:9

Mịma anị ḅara tughuma mị́sa ma pịrịarị ilíghíma, anị dughoarị ḅẹ́ n mịẹ Tamuno pịrị agbā na nama igwa n gwanyẹ ine tẹ́ghẹ̄arị tẹ́mẹ́bie mịẹ kpainmagha.

Jems 4:8

Kikia Tamuno damaḅo, ori sọ kikia ọ dámáḅobẹm. Ọmịnị ọmịna ḅara sịrị si siinyẹ bie, ọ pịghị ọmịna tẹ́mẹ́bie mịẹ fiafiama ọmịnị mmẹẹ́ a tọ́rụ́ kingi.