Hiburuapụ 6:17 - Ibani New Testament

¹⁷ Tamuno ọrẹ dima dimagha duma diepágháma ọrẹ awọ o minini nyẹ nyánáakị bẹapụ pịrị dọ́ghụm gosi o minini n pịrịnyẹ ori ọḅọọ fị pa anị mịẹ kụ́rọ́mam.

Hiburuapụ 6:17 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 10:10

Fúrúḅọ ma go ḅo nyẹ ngéré anịị nyẹ fúrú kị́nị́ḅáa na pịghị nyẹ guluguluma. A ḅomam ḅẹ́ o duma nyána pịghị bii ḅara pa anị nyána.

Romapụ 11:29

Tamuno tẹ́mẹ́ dima dimagha ọ sẹlẹakiarị ḅọ na ọ karịibimaarịḅọ.

Romapụ 8:17

Wa Tamuno ma awọ sọmaá ḅara ma, wa pịghị o kóróma ori a túminị́ pịrị karịibima ma nyánábẹm, wa pịghị Krais na nyánábẹm Tamuno kóróma ọ pịrịnyẹ; wa ḅọ́rọ́ Krais ma tọ́rụ́siarị ḅụ diekiri nyánam, wa pịghị ori ipine ḅụ diekiri nyánábẹm.

Galesiaapụ 3:29

Ọmịnị ḅọ́rọ́ Krais nyẹ nḅẹḅẹ́, ọmịnị Ebraham awọ. Ọ Tamuno mini karịibima ma nyánáḅobẹm.

Ẹ́fịsọsapụ 1:11

Nyẹ gonyẹ́ gonyẹ́ nnị anị mịẹm Tamuno tọ warị ḅara; na ọ dọghụ ḅara na, Tamuno pịghị wa sẹ́lẹ́akị pa onye mịẹm Krais ḅụ ḅọ́rọ́, ọ mịẹ dọghụnyẹ go, ọ pịghị tọ warị ḅara sughu saghị sáá ma ḅụ.

Hiburuapụ 11:7

Minini anị Nuwa mịẹsị ọ Tamuno birinụ́nụ́ náanyẹ, tórúku ju fịnịnyẹ gbolomanyẹ, ori arịgha nyẹ ọ Tamuno bịpị pughum si mú árụ́ nama, ori na ọ wárị gbọrụ ḅọ́rọ́ ḅọ́rọ́ma nyána ḅara. Anị ḅụ ḅọ́rọ́ tuminikiri gbọrụ gulugulumam, minini ḅụ ḅọ́rọ́ Nuwa karakárá ibiamịẹnyẹ nyánaḅom Tamuno ḅara.

Hiburuapụ 11:9

Minini ḅụ ọ Tamuno minini ọ pịrị ámá ma ḅụ ngam igoniḅọ ḅara. O dii laagha warị ḅụ ngáarị, Aizik na Jekọpụ ngá ḅara, mị gbẹ́rẹ́ mini nyẹ ma nyánáḅoapụ Tamuno ḅara.

Hiburuapụ 6:12

Wa bighaa o ḅo ịnyọfaapụ sọ, kụ́ma o ḅo mininiapụ kịkáa, inema na minini ḅụ ḅọ́rọ́ Tamuno minini n pịrịnyẹ ma nyáná ḅo bẹapụ.

Hiburuapụ 6:16

Túminị́ ọḅọọ fị sáá, nnị n nẹ́ngị ẹ́rẹ́ pa ọḅọọ ma fị fịịm tumḅọ fị ọ ḅoo ma anị ḅẹ́rẹ́ gonyẹ́ gonyẹ́ pẹ́lẹ́arị nyẹ.

Hiburuapụ 6:18

Tamuno minini nyẹ na o fị ọḅọọ ma anịị mmẹẹ́ nyẹ ine dima bigha nyẹ, mịma diearị ḅẹ́ Tamuno ine epeletibịgha. Tamuno mịị mmẹẹ́ nyẹ ma pa wa tẹ́mẹ́kụ́rọmam ḅẹ́ wamịnị mangị o bie sọ́maapụ ma, ine ọlọ kụrọma bẹ ḅara wámịna tórúku fịnị tọ́rụ́ dighinyẹ ma.

Jems 1:17

Tamuno pịrịnyẹ gonyẹ́ gonyẹ́ ibim pịghị kpainm, sobie saghị ḅo nyẹ gonyẹ́ gonyẹ́ anị ibim pịghị kpainm Tamuno ḅara anịị anị saghị ḅoarị nyẹ.

Jems 2:5

O pughu, ị́yẹ́ ibi mịnaapụ, Tamuno mị tuminikiri siminiapụ ma sẹ́lẹ́akịm sị nnị opuma minini nyánáapụ sọ sị nnị ma pịghị amadakiri ma nyáná bẹapụ sọ, Tamuno minini ọ ḅẹlẹmaapụ ma pịrịnyẹ.

1 Pita 1:3

Túmíní fịnị Tamuno wámịna Nyánáḅọ Jizọs Krais Daa ma pịrịị! Ori opu lolomakúkúbie ḅụ ḅọ́rọ́ ori ịwọ duma pa wa pịrịm ọ Jizọs Krais saghị ḅara ma fịị ḅụ, mịma dumafịnịarị tọ́rụ́ dighinyẹ pa wa pịrịarị,

1 Pita 3:7

Anị gbẹ́rẹ́ ḅara ma, ọmịnị deeapụ akanyaḅo pa ọmịna taapụ na ngaa, nimi ḅẹ́ nnị kụrọ ọ́ nana gbasịgha, osigha pa n pịrị, tegó nnị sọ pịghị ọ́ nana Tamuno ḅara ọ nyánáḅọ duma ma nyáná bẹ ḅara. Ọ mịma mịẹsị bẹnyẹ bẹnyẹ ọmịna tẹ́ghẹ̄ mgbesẹbịgha ḅara.