Hiburuapụ 6:1 - Ibani New Testament

¹ Anịgo o ḅoo wa tórúku mú sị kpọtẹ́lẹ́ma dáwọ́ nyẹ dawọ, mịnị sii ḅụ pịghị súghúise dawọ nyẹ ma dawọgha túminị́ dighi mú fịị bie suarị nyẹ na Tamuno ḅụ minini nyáná dáwọnyẹ.

Hiburuapụ 6:1 ပူးပေါင်းရင်းမြစ်များ

Matiu 21:29

<<Ọ pagharam ḅẹẹ, kụ́ma sáá muu sa ori ọ tẹ́mẹ́ diman sị muu.

Matiu 21:32

Ḅẹẹ Jọn ọ damaḅom ḅẹẹ ọ karakárá ibiamịẹnyẹ asọ ma pa o die, ọ pighi o mininigha, kụ́ma ásẹ́mẹ́kiri ósó igbii daapụ na sẹfịapụ o mininim. Ọ mịma árị fama sáá sọ ọ mini sii ḅụ pịghịgha sị ọ minini.

Matiu 3:2

<<Ọ sii ḅụ pịghị tegó so ama ásẹ́mẹ́kiri ma kikiamam.>>

Matiu 4:17

Anịsáa ma ḅụ saghị bịpị muu Jizọs saghị ibi oku ma dugho wásámám ḅẹẹ, <<Ọ sii ḅụ pịghị tegó so ama ásẹ́mẹ́kiri ma kikiamam.>>

Matiu 5:48

Anịgosi kpain fịnị, ị́yẹ́ Daá sobie fịnịḅọ kpain fịnị ḅara.

Matiu 7:25

Iti ma kóróm, mingi warị ḅo dụḅa, kụrọ fọ́rụ́ warị wárị ma ofuro; anị pa bịghịgha, tegó anị anị sughuisé nyánam okpo dapịrị ọgọnọ.

Ibi Oku Ma Mak Anị Gịẹ Ḅara 1:1

Mịị anịị Jizọs Krais Tamuno Tụ́wọ gboloma ibi oku.

Ibi Oku Ma Mak Anị Gịẹ Ḅara 6:12

Nnị warị pághá muu ẹ́gẹ́rẹ́ ma dugho wásámáa ḅẹẹ túminị́ pịghị nna siiamịẹnyẹ ḅụ.

Ibi Oku Ma Luk Anị Gịẹ Ḅara 6:48

N ḅọ wárị námáarị gbẹ́rẹ́ owitụ́wọ kịkam, tarị kiri sughu póghólóma sị wárị suu isé okpo dapịrị ọgọnọ. Opu mingi siri ḅo sáá, dinọngụ wárị ma fom sa, wárị ma jighegha tegó nnị ibima anị namam.

Ibi Oku Ma Jọn Anị Gịẹ Ḅara 12:44

Jizọs kụ́rọ pụghọ pa ilúghum, <

Ibi Oku Ma Jọn Anị Gịẹ Ḅara 14:1

<<Ọ́ ḅụḅáláḅálá pa ọmịna tẹ́mẹ́bie pịrịma. O kúkúbie pa Tamuno ḅụ gbánā; pịghị kúkúbie pa ịḅụ gbánā.

Ibi Oku Ma Jọn Anị Gịẹ Ḅara 5:24

<

Fịrị Ḅara 11:18

Nnị mịma náa sáá, nnị mịnị ine ẹ́gẹ́rẹ́gha, kụ́ma Tamuno bomam ḅẹẹ, <>

Fịrị Ḅara 17:30

Ḅọ́rọ́maa sáá, túminị́ Tamuno nimigha sáá ori n dighi tọ́rụ́sim, warị tọ ḅẹ ọ́rụ́ḅọ ọ́rụ́ḅọ amịna sii ḅụ pịghịị.

Fịrị Ḅara 2:38

Pita warị nnị ḅẹẹ, <<Ọ́rụ́ḅọ ọ́rụ́ḅọ amịna sii ḅụ pịghị sị mingi sara Jizọs Krais ẹ́rẹ́ ḅụ sị, siiḅụḅarasipịrị nyáná, anịsáa, ọ Tamuno dienyẹ ma nyánábẹm, Tọ́ntọ́ Tẹ́mẹ́ ma.

Fịrị Ḅara 20:21

Juuapụ akị mú Juughaapụ láa a ibima nna biri nụ́nụ́m ḅẹẹ nnị nna sii ḅụ pịghị sị Tamuno dua, sị minini nyánáa Wányánáḅọ Jizọs Krais ḅụ.

Fịrị Ḅara 26:20

Parị parị Damasikọs ḅụ na pịghị Jerusalem na pịghị Judiya gbọrụ, na pịghị Juughaapụ ma bie, a dugho wásáma n pịrịm ḅẹ́ nnị nna sii ḅụ pịghịị, n pịghị sị Tamuno ma damaḅo sị nyẹ mịẹ diepágháma bẹnyẹ ḅẹ́ karakáráma nnị nna sii ḅụ pịghịmam.

Fịrị Ḅara 3:19

O sii ḅụ pịghị sị, Tamuno damaḅo sị ori ọmịna sii ḅụ ḅárási ọ pịrị.

1 Kọrịntịapụ 13:10

Kụ́ma kpain kárámá angaá nyẹ ma ḅo sáá anịsáa mpara mpara angaá nyẹ ma ẹmẹẹ́fábẹm.

1 Kọrịntịapụ 2:6

Wa opu nyẹ́nimi oku ma dugho wásáma minini ḅụ sẹ́nịmaapụ ma pịrịm. Kụ́ma mị opu níminyẹ ma anị mị tuminikiri opu niminyẹgha anịgha mị tuminikiri táarịapụ opu níminyẹ nna kụ́rọ ḅoo papanyẹ soarị nyẹ.

2 Kọrịntịapụ 7:1

Ị́yẹ́ ibi nángwọ́apụ mịnanyẹ mamgba n minini pa wa pịrịm, anịgo wa wámịna ḅụ mịẹ fiafiama, wámịna oju anịgha wámịna tẹ́mẹ́ ịlọlịma bẹnyẹ gonyẹ́ gonyẹ́ ḅụ, wa pịghị káara ḅara ḅụ tọ́ntọ́ duma kọọ Tamuno ḅụ.

2 Kọrịntịapụ 7:10

Tamuno ḅara saghị ḅo biesii sii ḅụ pịghị dighiḅọ dighiḅom mịẹsị tumḅọ dụaḅọ́rọ́ma nyána, nyẹ́mọ́ni ofori anị bie, kụ́ma tuminikiri biesii fịị dighiḅọ dighiḅom.

Ẹ́fịsọsapụ 2:1

Ḅọ́rọ́maa sáá ọmịnị anịị tẹ́mẹ́ ḅụ fịịmaapụ ọmịna bịpị osigha na ọmịna sii gosi.

Ẹ́fịsọsapụ 2:5

wa fịịfama sáá wámịna siiamịẹnyẹ gosi ọ duma pa wa pịrịm ọ Krais saghịma sáá fịị ḅụ. Tamuno tọ́rụ́kụrụkụ́rụ́ ḅụ ngéré anịị wa mịị ḅọ́rọ́ma ma nyánáḅo nyẹẹ.

Ẹ́fịsọsapụ 4:12

O mịma mịẹm pa Tamuno túminị́ tẹ́lẹ́ma warị pa Krais asọ duarịapụ ma fịrị pịrị, sị nnị ibima Krais oju ma, anịị Tamuno kubiri ogbo ma nama tẹ́lẹ́ma bẹ ḅara,

Kolosiapụ 1:28

Wamịnị o dugho wásámam, opu níminyẹ ḅụ nyẹ pa kị́nị́mamgba diearị pịghị nna biri nụ́nụ́arị, sị wa kị́nị́mamgba akuoo bẹ ḅara Krais toruku kpain ḅara ḅụ.

Kolosiapụ 3:14

Mịná mịẹnyẹ mamgba ọgọnọ, ḅẹlẹma nyána, mịma anịị nyẹ mamgba kpọọ pa gbẹ́rẹ́nyẹ mịẹnyẹ anị kpain ḅara ḅụ.

Kolosiapụ 4:12

Epafras ọmịna ḅụ́gbẹrẹḅọ pịghị Krais Jizọs fịrịnwangịḅọ fịrịmam ḅẹ́ a obii. Sámámgba ori ọ tẹ́mẹ́ gbọrụ pa ịnyọsua tẹ́ghẹ̄ ọ pịrịarị ḅẹ́ ọ sẹ kụrọ, Tamuno bii ḅara mamgba ḅụ ọ sẹnị tumḅọ láa minini ma ḅụ pịghị tẹ́mẹ́ kụrọ nyáná.

1 Timoti 3:16

Karakárányẹ ḅụ, wámịna minini ma ḅụ fịnị ḅọghunyẹ opuma dụḅam, Krais mẹnịsua tuminikiri ḅom, Tẹ́mẹ́ ma diepághámam ḅẹ́ siiamịẹnyẹ ọ ḅụ ofori, sookumuapụ ori arịm, sẹ́ sẹ́ sẹ́ ḅụ nnị o gbolomanyẹ dugho wásámam, tuminikiriapụ ọ ḅụ mininim, nnị ipine ḅụ ọsịakị sọ́mum.

1 Timoti 6:19

Mị ḅara ma nnị tụ́ma ngọ koko nna ḅụ pịrịarị, karakárá sughu isé nyẹ so n pịrịbẹnyẹ ḅoarị sáá ma ḅụ. Anịsáa anịị nnị ine tụ́ma duma nyáná ḅo bẹnyẹ anịị duma ma.

2 Timoti 2:19

Tamuno kụrọ sughu isé ma ḅẹnyẹ ḅẹnyẹ anị jighe jighemabịgha; anị ọgọnọ anịị n mị ẹ́gẹ́rẹ́ ma gịẹnyẹ: <>

Hiburuapụ 11:6

Minini ofori gbẹ́rẹ́ḅọ sọ ine Tamuno tẹ́mẹ́ mịẹḅẹ́lẹ́mabịgha, Tamuno damaḅoarị ḅo gonyẹ́ gonyẹ́ mininibẹm ḅẹ́ Tamuno imi, ori o pịghị ịnyọsua ọ tẹ́ghẹ̄arịapụ gbẹgbẹm.

Hiburuapụ 12:13

Gbụ́nụ́nụ́ asọ nwángị si ikúlá ḅụọ ma ikúlá fịnịbịgha ḅara, tụ́ma anị gwọbẹ ḅara.

Hiburuapụ 7:11

Livai furoawọ Igwagwaá fịrị ma ḅụ ḅọ́rọ́ anị Tamuno go mị ólóghó ma pa Izirẹlịawọ pịrịnyẹ. Ḅọ́rọ́ Livai fúroawọ igwagwaá fịrị ma kpain ọkụ́ma, jẹ́ kịrị igwagwaḅọ ḅo na ibighaa Melkịzedek fịnị ḅara fịnịḅọ mịnị Erọn fịnị ḅara fịnị ḅọgha Livai furobie saghị ḅoḅọ.

Hiburuapụ 9:14

Mịma karakárányẹ sáá, Krais pulo mịma nẹ́ngịma nyẹ́ mịẹbịgha? Ori gbámásó Tẹ́mẹ́ ma ḅụ ḅọ́rọ́ ọrẹ oju pa kpain agbā mịẹ Tamuno pịrịm. Ọrẹ pulo wa sịrịbẹm ofori ofori mịẹmịẹnyẹ, ḅụ sị wamịnị ine dumafịnị Tamuno ma tẹ́ghẹ̄ bẹ ḅara.

Jems 1:4

Ọmịnị árị ḅẹ́ ọmịna ngịrịma ọ dighi mú kunema lam, si, nyẹ gonyẹ́ gonyẹ́ ḅụ ọ́ káarábẹḅara, ibima sẹ, pịghị gbẹ́rẹ́nyẹ sọ bibịẹgha ḅara.

1 Pita 1:21

Ọmịnị ọ ḅụ ḅọ́rọ́ Tamuno ḅụ mininim, fịị ḅụ ọ sị saghịma ḅọ sị pịghị ipine pa ọ pịrị, anịma gosi ọmịna minini na ọmịna tọ́rụ́ dighinyẹ Tamuno ḅụ gbánāarị.

1 Pita 5:10

Ọ kẹ́lẹ́ tọ́rụ́siarị so sáá, tọ́rụ́kụrụkụ́rụ́ mamgba nyáná Tamuno ma, ọ sị ḅo bẹ ọ ḅo diekiri nyáná ọrẹ gbámásó ipine ma ḅụ Krais bie, ori ma pịghị ọ mịẹ kpaimabẹm, pịghị ọ sẹ kụ́rọ́mabẹm pịghị ịnyọ, na pịghị karakárá súghúise pa ọ pịrị.

1 Jọn 4:12

Gbẹ́rẹ́ḅọ so na Tamuno arịgha, kụ́ma wa ḅọ́rọ́ jụghọ jụghọ ḅẹlẹma, wamịnị na Tamuno na gbẹ́rẹ́ḅụ ḅụ imi. Ori ḅẹlẹma pịghị anị ḅụ mịẹ kpainmamam wámịna bie.