Hiburuapụ 5:7 - Ibani New Testament

⁷ Jizọs mị tuminikiri fịnị sáá ọ kụ́rọ owu pụghọ pa ọrẹ tẹ́ghẹ̄ na obiarị nyẹ bim, ine o dụapághámaḅo bẹḅọ fịị ḅarabie, ori ọḅụ siteremam gosi Tamuno sughubie Tamuno o naam.

Hiburuapụ 5:7 ပူးပေါင်းရင်းမြစ်များ

Matiu 27:46

Tẹ́rẹ́ énékịẹnyẹ ḅụ Jizọs owu pụghọ pa ilúghú pághámam, <> Dughoarị ḅẹẹ, <>

Matiu 27:50

Jizọs sima opu pụghọ pa owu págháma fama sáá, ori ịnyọ bimam.

Ibi Oku Ma Mak Anị Gịẹ Ḅara 15:34

Tẹ́rẹ́ énékịẹnyẹ ḅụ Jizọs owu pụghọ pa ilúghú pághámam ḅẹ́, <> Dughoarị nyẹ ḅẹẹ, <<Ị Tamuno, i Tamuno, ị tegósi i dighi tọ́rụ́si?>>

Ibi Oku Ma Mak Anị Gịẹ Ḅara 15:37

Opu owu pụghọ pa Jizọs ịnyọ biimam.

Ibi Oku Ma Luk Anị Gịẹ Ḅara 23:46

Jizọs warị kụrọ pụghọ pa owu ḅẹẹ, <> O mịma dughom sị warị ịnyọ bima.

Ibi Oku Ma Jọn Anị Gịẹ Ḅara 1:14

Ẹ́gẹ́rẹ́ ma ḅo tumḅọ sọm sị wamịnị na ngaa. Wamịnị ori ipine árịmam, Daḅọ ma ḅara sághị ḅo Kpọ́kpọ́ gbẹ́rẹ́ḅọ tọ́rụ́kụrụkụ́rụ́ na karakárá ḅụ bi ḅo.

Ibi Oku Ma Jọn Anị Gịẹ Ḅara 11:35

Jizọs owúm.

Ibi Oku Ma Jọn Anị Gịẹ Ḅara 11:42

A nimim ḅẹẹ sáá mamgba ịrị i náa nam, kụ́ma a mịma dughom mịnga sẹfịnịarịapụ ma gosi, nnị minini ḅẹ́ ḅara ḅẹẹ ịrị ị fịrịmam.>>

Ibi Oku Ma Jọn Anị Gịẹ Ḅara 17:1

Jizọs mịnanyẹ ma dugho fama sáá, ọ tọ́rụ saghị so dam sị tẹ́ghẹ̄: <

Romapụ 8:3

Ólóghó ma ine mịẹgha nyẹ, tegó ojumẹnị ma mịẹmam sị anị mịnị kụ́rọ nyanagha Tamuno mịẹm ori ọ Tụwọ fịrịma sa, ojumẹnị suaḅọ sị o sii sịrịsii bẹ ḅara. Anị ḅara ma ọ ḅẹ́rẹ́kọsima sii pịrịm ojumẹnị ma bie.

Galesiaapụ 4:4

Kụ́ma karakárá sáá ma ḅo láa sa, Tamuno ọ Tụwọ fịrịmaḅom, ọ́rụ́ḅọ o yiim, Juuapụ ólóghó ḅara ḅụ ọ sẹ́nị págháḅom.

1 Timoti 3:16

Karakárányẹ ḅụ, wámịna minini ma ḅụ fịnị ḅọghunyẹ opuma dụḅam, Krais mẹnịsua tuminikiri ḅom, Tẹ́mẹ́ ma diepághámam ḅẹ́ siiamịẹnyẹ ọ ḅụ ofori, sookumuapụ ori arịm, sẹ́ sẹ́ sẹ́ ḅụ nnị o gbolomanyẹ dugho wásámam, tuminikiriapụ ọ ḅụ mininim, nnị ipine ḅụ ọsịakị sọ́mum.

Hiburuapụ 10:10

Jizọs Krais Tamuno o ḅara binyẹ mịẹm gosi wámịna sii ḅụ, n wa sịrị simam, ori ọḅụ pa gwaa igwaa gbẹ́rẹ́sa, sámámgba pịrị.

Hiburuapụ 10:5

Mịma go Krais tuminikiri ḅo dọghụ sáá, o dugho Tamuno pịrịm ḅẹẹ, <<Ịrị igwagwaá na agbā mịẹbịgha tụ́ma ịrị ojumẹnị tẹ́lẹ́ma i pịrịmam.

Hiburuapụ 11:7

Minini anị Nuwa mịẹsị ọ Tamuno birinụ́nụ́ náanyẹ, tórúku ju fịnịnyẹ gbolomanyẹ, ori arịgha nyẹ ọ Tamuno bịpị pughum si mú árụ́ nama, ori na ọ wárị gbọrụ ḅọ́rọ́ ḅọ́rọ́ma nyána ḅara. Anị ḅụ ḅọ́rọ́ tuminikiri gbọrụ gulugulumam, minini ḅụ ḅọ́rọ́ Nuwa karakárá ibiamịẹnyẹ nyánaḅom Tamuno ḅara.

Hiburuapụ 12:28

Wamịnị ịmịẹḅam pa Tamuno ḅẹẹ, ḅẹẹ wa nnị ine jighemabịgha amadakiri nyánáakịarị. Wa bieḅẹlẹ sị susi Tamuno pịrị anị ọ tẹ́mẹ́ ḅẹlẹma bẹ ḅara, osigha na ḅáláfa na, ḅụ.

Hiburuapụ 13:20

Mị́sa diin nyáná Tamuno ma gbámásó ọmbịnyẹ́ ma ọḅọọ ḅụ ḅọ́rọ́, wámịna Nyánáḅọ Jizọs saghịma ḅo fịị ḅụ, opu ánánákúrúḅọ ma,

Hiburuapụ 2:14

Awọamaapụ ma, mẹnị na ọmbịnyẹ́, sua ḅara ma, Jizọs ḅoo n fịnị ḅara fịnịm pịghị nnị ojumẹnị sua ḅo sọ, ọ go mịma mịẹnyẹ, ori ọrẹ fịị ḅụ ḅọ́rọ́, ọ fịị kụrọ ma nyánáḅọ ma guluguluma bẹ ḅara anịị, Ẹ́kpẹ́dua ma,

1 Jọn 4:3

Kụ́ma mininigha tẹ́mẹ́ gonyẹ́ gonyẹ́ ḅẹ́ Jizọs Krais ojumẹnị sua tuminikiri ḅomam, anị tẹ́mẹ́ ma Tamuno ḅára saghị ḅo Tẹ́mẹ́ ma nyanagha. Nnị ḅọ nyáná tẹ́mẹ́ anịị Krais iruonaḅọ tẹ́mẹ́. Ọ kọkọ náa ḅẹ́ anị ḅobẹm, anị mị́sa tuminikiri imii.

2 Jọn 1:7

Tọgha oḅori pa kịnịsịapụ tuminikiri gbọrụ sọmam, mininighaapụ ḅẹ́ Jizọs Krais ojumẹnị sua tuminikiri ḅom. Ọkọfịnị tumḅọ anịị oḅori pa kịnịsịḅọ pịghị Krais iruonaḅọ.