Hiburuapụ 5:12 - Ibani New Testament

¹² Mị́sa ma ḅụ ọ nyẹ́dieapụ sọ naibim, kụ́ma ọ pa dọghụarị n pa parị parị Tamuno ẹ́gẹ́rẹ́ ma dawọ nyẹ́ pa o die, ọ kụ́rọ fị́nyẹ fị na ibi sa, ọfịgha, kụ́ma ndomingi anị obiarị nyẹ.

Hiburuapụ 5:12 ပူးပေါင်းရင်းမြစ်များ

Matiu 17:17

Jizọs pagharam, <<Ọmịnị minini nyanagha silálá sii tuminikiriapụ, a ọmịnị na fịnị tẹ́ sáá láa ḅẹ́? A mịma inema mú tẹ́ sáá láa ḅẹ́? Tụwọ ma akuoo i pịrị.>>

Ibi Oku Ma Mak Anị Gịẹ Ḅara 9:19

Jizọs n ḅẹm, <>

Fịrị Ḅara 7:38

Ori anịị Izirẹlịapụ elesiri ma ḅụ fịnịapụ ma na fịnịḅọ, ori anịị wámịna tádọ́apụ ma na fịnịḅọ na pịghị ẹ́gẹ́rẹ́ ọ pịrị sookumuḅọ ma na Sainai tụ́ndụ́ ọgọnọ o Tamuno ḅara dumafịnị ọkụ́ ma daaḅom sị ḅọ́rọ́ma wa pịrị.

Romapụ 3:2

Asọ gonyẹ́ gonyẹ́ ḅụ anị opuma ḅárasuam, ḅẹ́ Tamuno parị ori ibi oku ma saghị Juuapụ ma ḅarabie suam.

1 Kọrịntịapụ 14:19

Kụ́ma sọsị bie, a biibẹm a sọ́nọ́ a ẹ́gẹ́rẹ́kọọ túminị́ akanyaḅo bẹnyẹ sị pa nyẹ pa jẹ́apụ die, sị ḅẹ́lẹ̄ mmẹẹ́ a ndẹ́ẹ oyia si findi kọọ nakaragha.

1 Kọrịntịapụ 14:20

Ị jẹa mininiapụ ọmịnị awọamaapụ kịkama ọmịna kóróma ḅụ, siinyẹ gbolomanyẹ ḅụ ọmịnị awọamaapụ kịka, kụ́ma ọmịna kóróma ḅụ ọ sẹnịapụ dighi.

Galesiaapụ 4:3

Anịị anị fịnị ḅara wamịnị ịrụ sáá, wamịnị omoni sọ tuminikiri ma táarị tẹ́mẹ́ pịrịm, akị mú wa ḅo sẹnị sa láa tẹ́mẹ́ju.

Filipaiapụ 3:1

Kunemaá, ịyẹa mịnaapụ o bieḅẹlẹ ḅẹ ọmịnị Kị́nị́nyánáḅọ ma bie imii. A balagha sima parị a gịẹmaa nyẹ ma gịẹ anị pịghị sọnyẹ sọ ọ pịrịbẹm a ḅọ́rọ́ ọkọ mịẹmịẹ.

Kolosiapụ 3:16

O wáriso sị Krais ẹ́gẹ́rẹ́ ma bifụfụụ́ ḅara pa ọmịna bie ngaa nyẹ pa jụghọ jụghọ die pịghị opu níminyẹ ḅụ jụghọ jụghọ birinụ́nụ́, ọ núme diri ma súu pịghị núme súu pịghị tẹ́mẹ́ju núme suu ọmịna tẹ́mẹ́bie ịmịẹḅam pa Tamuno ḅẹẹarị.

Hiburuapụ 10:32

Biekóróma, parị anị ọ́ nana fịnị ḅara, anịsáa ma ḅụ Tamuno baá bia ḅo o láa sáá, o tọgha tọ́rụ́siarị arịm, kụ́ma mịnanyẹ mamgba o fughugbigha.

Hiburuapụ 5:11

Wamịnị opuma dughonyẹ nyánábẹm, mịnyẹ ma gbólómanyẹ, kụ́ma anị ḅụdam dughofindi ọ pịrị ọmịna akanyaḅo gbulum gosi.

Hiburuapụ 5:13

Ndomingi ḅụarị ḅo gonyẹ́ gonyẹ́ nḅọ pa kálátụwọ, nḅọ akanyaḅo nyanagha Tamuno karakárá ibiamịẹnyẹ gboloma dáwọnyẹ ḅụ.

Hiburuapụ 6:1

Anịgo o ḅoo wa tórúku mú sị kpọtẹ́lẹ́ma dáwọ́ nyẹ dawọ, mịnị sii ḅụ pịghị súghúise dawọ nyẹ ma dawọgha túminị́ dighi mú fịị bie suarị nyẹ na Tamuno ḅụ minini nyáná dáwọnyẹ.

1 Pita 2:2

Ọmịnị nnị ịwọma yii awọ fịnị ḅara fịnị, sámámgba karakárá tẹ́mẹ́ju ndomingi ma ọ pụghọ tarị, tegó ọmịnị anị ḅụarị sáá ọmịnị ine sẹ́nị págháḅobẹm ọmịna dụaḅọ́rọ́ma ḅụ,

1 Pita 4:11

Ẹ́gẹ́rẹ́ dugho wásaámaarịḅọ gonyẹ́ gonyẹ́ Tamuno ẹ́gẹ́rẹ́ ma dugho wásámáa, fịrịnwangịapụ Tamuno pa n pịrị ịnyọ mamgba pa fịrịnwangị, sị nyẹ́ gonyẹ́ gonyẹ́ ḅụ túmíní fịnị Tamuno pịrịbẹ ḅara Jizọs Krais ḅụ ḅọ́rọ́. Ipine na kụ́rọ na fịnị pịrịḅọ mú ḅẹsá ḅẹsá la. Anị ọkọ fịnị.