Hiburuapụ 4:16 - Ibani New Testament

¹⁶ Wa tẹ́mẹ́kụ́rọ nyáná sị sọma Tamuno imine ma fịnị angaá ḅo, tọ́rụ́kụrụkụ́rụ́ fịnị angaá. Anị angaá wa lolomakúkúbie nyánáḅobẹm pịghị tọ́rụ́kụrụkụ́rụ́ dọghụḅọ pa ḅárásua wa pịrị wamịnị anị dọghụ sa.

Hiburuapụ 4:16 ပူးပေါင်းရင်းမြစ်များ

Ẹ́fịsọsapụ 2:18

Krais ḅụ ḅọ́rọ́ wamịnị kị́nị́mamgba, Juu na Juughaapụ ine Daḅọ ma fịnị angaá ḅobẹm, gbẹ́rẹ́ Tọ́ntọ́ Tẹ́mẹ́ ma ḅụ.

Ẹ́fịsọsapụ 3:12

Krais na gbẹ́rẹ́ḅụ ḅụ fịnị na wámịna minini ọ ḅụ, wamịnị ine Tamuno tórúku ḅobẹm ḅáláfaghaa ḅụ, pịghị biegbana ḅụ.

Hiburuapụ 13:6

Wamịnị anịsa kụrọ tọ́rụ́ nyáná sị dughobẹm, <>

Hiburuapụ 3:6

Kụ́ma Krais Tamuno Tụ́wọ, ọ sẹ kụrọm Tamuno wárị ma bie, ori anịị sịbịdáḅọ, wamịnị anịị wárị ma, wa ḅọ́rọ́ wámịna biekpọ na tẹ́mẹ́kụ́rọ ọlọsẹma nḅẹḅẹ́, wa pa ine bịpịkpọ ḅẹnyẹ.

Hiburuapụ 7:19

Mosis ólóghó ma bẹnyẹ bẹnyẹ mịẹ kpainmagha. Kụ́ma mị́sa, ibiḅaa tọ́rụ́ dighinyẹ imi wa ḅọ́rọ́ ine sọma Tamuno damaḅo bẹnyẹ.

Hiburuapụ 7:25

Anịma go ori ine mị́sa pịghị sámámgba ọḅụ ḅọ́rọ́ Tamuno damaḅoapụ ma duaḅọ́rọ́mam o duma gbámásom gosi Tamuno tẹ́ghẹ̄m nna sịbị ọ́gọ́nọ.

Hiburuapụ 9:5

Igbe ma ọgọ́nọ́ anị pamba sua sị n tẹ́mẹ́nyẹ ma anị diearị ḅẹ́ Tamuno anị ngaa imi mịná tẹ́mẹ́nyẹ ma nna pamba findi sara n siiḅụḅárasi pịrị angaá ma ḅụ wárim, kụ́ma, mị́sa anị tumḅọ nyẹ gonyẹ́ gonyẹ́ dughofindi bẹ sagha.

1 Pita 2:10

Gbẹ́rẹ́sa biri imi o túminị́ ḅụ ofori, kụ́ma mị́sa ọmịnị ori a túminị́, gbẹ́rẹ́sa biri ọ Tamuno lolomakúkúbie nimigha kụ́ma mị́sa ọmịnị ọrẹ lolomakúkúbie nyanaḅomam.