Hiburuapụ 4:14 - Ibani New Testament

¹⁴ Wamịnị dụḅa Igwagwaá Áláḅọ nyánam, sobie sọọmaaḅọ ori anịị Jizọs Tamuno Tụ́wọ ma. Anị wa go wa dugho págháma minini ma ọlọ sẹ́ma bẹnyẹ.

Hiburuapụ 4:14 ပူးပေါင်းရင်းမြစ်များ

Matiu 4:3

Ẹ́kpẹ́dua ma warị ọ damaḅo sị ḅẹẹ, <<Ịrị ḅọ́rọ́ Tamuno Tụwọ, dugho mịná dapịrị ma pịrị ḅẹ́ n pịghị fịtúrú sọọ.>>

Ibi Oku Ma Mak Anị Gịẹ Ḅara 1:1

Mịị anịị Jizọs Krais Tamuno Tụ́wọ gboloma ibi oku.

Ibi Oku Ma Mak Anị Gịẹ Ḅara 16:19

Kị́nị́nyánáḅọ Jizọs nnị na ẹ́gẹ́rẹ́ fama sáá, nnị ori akị sobie múm, sị muu Tamuno amaḅaranga kpọrọfịnị.

Ibi Oku Ma Luk Anị Gịẹ Ḅara 24:51

Ori n Karịibimaarị sa, ọ kẹ́lẹ́ n ḅụ fofoom, n warị o dighiákị sobie muu.

Fịrị Ḅara 1:11

Warị ḅẹẹ, <>

Fịrị Ḅara 3:21

O sobie fịnịbẹm sị nnị nyẹ gonyẹ́ gonyẹ́ mịẹsị anị ịwọ sa láa, Tamuno ori tọ́ntọ́ ikiakoroapụ ḅụ ḅọ́rọ́ dugho págháma ma ḅara ḅọlọ sáá éné éné.

Romapụ 8:34

Tụọ anịsa ḅẹ́rẹ́ pa nna ḅarasima bẹ? Krais Jizọs fịịḅọ ma, pịghị fịị ḅụ n saghịma ḅọ ma, ọ pịghị Tamuno ma amaḅara angaá imi, wa sịbị go ọ tẹ́ghẹ̄arị.

2 Kọrịntịapụ 12:2

A gbẹ́rẹ́ Krais asọ duarị owitụ́wọ nimim, ḅọ́rọ́maa oyi ínia kụ́rá findi ḅụ, nnị dighi akị sóghóloḅa so ma múm, mịma duma ḅụ anị kiriakị-o, múnogha dáwọ ḅụ kiriakị-o, a nimigha, Tamuno ngéré anịị nimiḅọ.

2 Kọrịntịapụ 9:13

Ọ nwángị fịrị ma nyána sị die pághámaarị nyẹ gosi tọghaapụ boma pa Tamuno pịrịbẹm ọmịnị Krais ibi ọkụ́ ma osii ḅara, ọ pịghị dugho pághámaarị nyẹ, ọ pịghị ḅara findi nnị na diearị ḅara na pịghị kị́nị́mamgba na.

Ẹ́fịsọsapụ 4:10

Téré koro gbẹ́rẹ́ḅọ ma anị pịghị iwóo sóghóloḅa so ma nẹ́ngị so ma sọọ ḅọ ọ ḅụgbọrụ angaá mamgba bi bẹ ḅara.

Hiburuapụ 1:8

Kụ́ma ọ Tụwọ gbolomanyẹ Tamuno ḅẹm, <

Hiburuapụ 10:12

Krais gbẹ́rẹ́ igwagwaá sii gonyẹ́ gonyẹ́ pịrịm, kụrọ sẹ mú ḅẹ sa ḅẹ sa la, anịsa ọ warị kpọrọfịnị Tamuno ma ámáḅara angaá.

Hiburuapụ 10:23

Wa ibiḅara pa wa dugho págháma tọ́rụ́ dighinyẹ ma ọlọ, wa nimi sa ḅẹẹ Tamuno ọ minini nyẹ ọ mịẹbẹm.

Hiburuapụ 10:29

Anị tọ́rọ fịnị n pịrịbẹ, Tamuno Tụ́wọ ma dighisima ḅọ? Si ori ọmbịnyẹ́ ọḅọọ ma pa papanyẹ mịẹ, sii ḅụ n siri pághámaḅo nyẹ, tọ́rụ́kụrụkụ́rụ́ Tẹ́mẹ́ ma wiri ḅọ. Sịbịbie kịẹ anị pịrị n ḅo árị bẹ tọ́rụ́siarị la bẹ ḅara.

Hiburuapụ 12:2

Wamịnị wámịna tọ́rụ́ pa Jizọs ḅụ gbánā, wámịna minini ḅára fịnịḅọ, saghị sị mú kunema la. Ori ọḅụ daagha mgbẹsẹ sị ma go, kụ́ma tórúku fịnị o kuruarị bieḅẹlẹ gosi, ori ingịrịma nyáná mgbẹsẹ sị ma pịrịm, ori mgbẹsẹ sị́ ọgọ́nọ́ fịị ma ḅụ́gịrịrị balagha. Mị́sa ọ Tamuno imine ma ámáḅara ngá kpọrọfịnịarị.

Hiburuapụ 2:1

Mịma go anị wa go ibiḅara pa wa namaa ẹ́gẹ́rẹ́ ma ọlọ bẹnyẹ, sị wa ḅụọ gbisiribịgha ḅara.

Hiburuapụ 2:17

Mịma dughoarị ḅẹẹ, ori ọrẹ a mịnaapụ fịnị ḅára fịnịbẹm asọ mamgba ḅụ si ori ine nna tọ́rụ́kụrụkụ́rụ́ nyáná sẹ kụrọ igwagwaá áláḅọ sọ bẹ ḅara ọ nwángị Tamuno pịrịarị fịrị, sị ori ine túminị́ ma sii sịrị si bẹ igwagwaá bẹ ḅara.

Hiburuapụ 3:1

Anịgo ị́yẹ́ tọ́ntọ́ mịnaapụ, Tamuno pịghị ọ ḅara na sịapụ, o Jizọs gboloma kóróma ngéré nyáná nnị nfịrịmaḅọ pa sịḅọ pịghị Tamuno igwagwaá áláḅọ.

Hiburuapụ 3:14

Wa ḅo Krais bie diekiri nyánámam, wa ḅọ́rọ́ wámịna tarị minini ma ọlọ kụrọma mú kunema ma láa.

Hiburuapụ 6:20

Wámịna sịbị go Jizọs parị anị angaá ma sọmam si pịghị gbámásó igwagwaá áláḅọ sọ wa pịrị Melkịzedek igwagwaḅọ ma ḅara ḅụ.

Hiburuapụ 6:6

Anị ḅụdam mịị bịghịmáa túminị́ ma akuoo sị, n sima sii ḅụ pịghịị, nna mịẹnyẹ ma diearị ḅara ḅẹ́, nnị mmẹẹ́ kárámá sáá ḅụ, Tamuno Tụ́wọ ma báupálịarị, warị pịghị ọ pa opu ḅụ́gịrịrị bie sua.

Hiburuapụ 7:3

Melkịzedek ma ọ daa na o nyingi nimiḅọ ofori, anịgha ọrẹ tádọ́apụ, nnị o yii sa, anịgha ọ fịị sa nimiḅọ ofori o Tamuno Tụ́wọ kịkam, ori gbámásó igwagwaḅọ.

Hiburuapụ 8:1

Wa dughoarị nyẹ́mámgba ḅẹarị ḅẹẹ wa ọkọfịnị igwagwaalaḅọ nyánam Opu Tamuno opu imine ma ámáḅara ḅụ kpọrọfịnị ḅo sobie.

Hiburuapụ 9:12

Krais Tamunowarị ma bie ḅọ́rọ́ sáá, gbẹ́rẹ́ sáá ngéré anị ọ pa Opu Tọ́ntọ́ḅa Yọ ma so nyẹ ori oḅori na nambulo pulo pa mugha sị mú igwagwaá kụ́ma ọrẹ pulo anịị ọ pa mú sị gbámásó dụaḅọ́rọ́ma nyáná ḅo wa pịrịnyẹ.

Hiburuapụ 9:24

Krais o tumḅọ ḅara pa nama Tọ́ntọ́ yọ sọgha, mị anị karakárányẹ ma kịkányẹ, kụ́ma o so sobie múm si mú Tamuno tórúku fịnị wámịna sịbị go.

1 Pita 3:22

Krais iwóo sobie mumam ọ pịghị Tamuno amaḅaranga imii, sookumuapụ na tẹ́mẹ́ju táarịapụ mamgba táarị, na pịghị sobie kụrọnyanáapụ mamgba.