Hiburuapụ 4:12 - Ibani New Testament

¹² Tamuno ẹ́gẹ́rẹ́ ma anị dumam pighi i bịrịm anị oḅú mmẹẹ́ tọ́rụ́ nyáná áláápụ́-ágidi nẹngịm, anị nyẹ gonyẹ́ gonyẹ́ pẹ́lẹ́ mú tumḅọ tẹ́mẹ́ na biebẹ duma dona angaá lam, pịghị mú mgbe na mgbe mẹnị dona ngaa láa. Anị ḅẹ́rẹ́kọ tumḅọ tẹ́mẹ́ kórómaarị nyẹ na tumḅọ tẹ́mẹ́ tarịarịnyẹ mamgba pịrịpịrịm.

Hiburuapụ 4:12 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 8:11

<

Ibi Oku Ma Jọn Anị Gịẹ Ḅara 12:48

I sịghịapụ gonyẹ́ gonyẹ́ sị mịnị ị́yẹ́ oku mininiakịgha, nna sịbị ḅẹ́rẹ́kọ bẹḅọ nyánam. A kọmaá ẹ́gẹ́rẹ́ ma nna sịbị ḅẹ́rẹ́kọbẹm kunema éné ma ḅụ.

Ibi Oku Ma Jọn Anị Gịẹ Ḅara 6:51

Irị anị sobie sághị kóróḅo dúmafịnị fịtúrú ma. Mịị fịtúrú ma fị ḅọ gonyẹ́ gonyẹ́, duma gbámásóbẹm. Mịị fịtúrú ma anịị ị́yẹ́ ojumẹnị, a pịrị sị tuminikiri gbọrụ duma bẹnyẹ.>>

Fịrị Ḅara 2:37

Túminị́ ma mịma náa sáá, anị opuma ḅụḅáláḅálá pa nnị pịrịm, n warị Pita na isi nfịrịmaapụ ma ḅẹẹ, <>

Fịrị Ḅara 4:31

Nnị tẹ́ghẹ̄ fama sáá n fịnịngaa ma warị jighe. Tamuno Tọ́ntọ́ Tẹ́mẹ́ warị nnị kị́nị́mamgba ḅụ sọọ bii, nnị warị ḅáláfaghaa ḅara pa Tamuno ẹ́gẹ́rẹ́ ma dugho wásámáa.

Fịrị Ḅara 5:33

Ámáḅẹ́rẹ́tọ ogboapụ ma mịma náa sa, nnị opuma iganim kálányẹ kọm nnị nfịrịmaapụ ma ḅá.

Fịrị Ḅara 7:38

Ori anịị Izirẹlịapụ elesiri ma ḅụ fịnịapụ ma na fịnịḅọ, ori anịị wámịna tádọ́apụ ma na fịnịḅọ na pịghị ẹ́gẹ́rẹ́ ọ pịrị sookumuḅọ ma na Sainai tụ́ndụ́ ọgọnọ o Tamuno ḅara dumafịnị ọkụ́ ma daaḅom sị ḅọ́rọ́ma wa pịrị.

Romapụ 1:16

Krais ibi oku ma i ḅụgịrịrịmagha, tegó anịma anịị Tamuno kụ́rọ ma, mininiapụ gonyẹ́ gonyẹ́ duaḅọ́rọ́maarị nyẹ, parị Juuapụ ma na pịghị Juughaapụ.

1 Kọrịntịapụ 1:24

kụma Tamuno sịmáapụ ma, Juu na Juughaapụ mịị oku ma anịị Krais Tamuno ma kụrọ na pịghị Tamuno níminyẹ.

2 Kọrịntịapụ 2:17

Wamịnị wa isi tọghaapụ fịnị ḅara fịnịgha, Tamuno oku ma pa fẹ́ dẹrị sị sọnyẹ mịẹ, kụ́ma Tamuno wa fịrịmamam gosi, ọrẹ fịrịnwangịapụ ḅara, wa karakárá ḅara pa ẹ́gẹ́rẹ́ ma kọọm Tamuno tórúku.

2 Kọrịntịapụ 4:2

Wa ḅọghu na pịghị ḅụ́gịrịrịma fịrị mamgba sịghịmam, anịmanakaragha wa karakárá mamgba dughom túminị́ tórúku anị fịnị na ibiḅara, sị túminị́ wa nimi bẹ ḅara, pịghị nimi nna tẹ́mẹ́bie ḅẹ́ wa kọọ ẹ́gẹ́rẹ́ ma karakárányẹ Tamuno tórúku.

Ẹ́fịsọsapụ 5:13

Kụ́ma baá ma ḅụ biakoro nyẹ gonyẹ́ gonyẹ́ túminị́ anị fịnị ḅara árịbẹm.

Ẹ́fịsọsapụ 5:26

Ọ mịma mịẹm pa Tamuno kubiri ogbo ma fófóoma Tamuno pịrị, ori ẹ́gẹ́rẹ́ ḅụ ḅọ́rọ́, ọ tárị mingi pa anị sịrị fiafiama fama sa.

Ẹ́fịsọsapụ 6:17

Dụaḅọ́rọ́ma daakị sịbị ḅụ sua ọ́mụ́gbi suu ḅara. Pịghịị Tamuno ẹ́gẹ́rẹ́ ma akị ḅẹ́ mịị Tẹ́mẹ́ ma pa i pịrị áláápụ́-ágidi.

1 Tẹsalonaikaapụ 2:13

Jẹ́nyẹ imi wa go sámámgba ịmịẹḅam pa Tamuno ḅẹ́arịnyẹ, wa Tamuno oku ma akuoo ọ pịrị sáá, ọmịnị anị naam pịghị anị daakị, o tumḅọ ḅara ḅo oku pa anị daákịgha kụ́ma Tamuno ḅara saghị ḅo oku, anịị pịghị anịị, ḅẹ́ Tamuno ọmịnị mininiapụ ma duma bie fịrịnwangịarị.

1 Tẹsalonaikaapụ 5:23

Diin pa wa pịrịarị Tamuno ma, mịẹsị ọ tọ́ntọ́ ḅụ fịnị asọ mamgba ḅụ, sị pịghị ọmịna duma gbọrụ, tẹ́mẹ́ na biebẹ duma na oju ma wárii, bịpị anị ḅụ labịgha ḅara ḅụ, wámịna Nyánáḅọ Jizọs Krais ma ḅo ḅụ.

Hiburuapụ 13:7

Ọmịnị ọmịna ḅọ́rọ́maa sịḅidaapụ pa biekóróma, Tamuno ẹ́gẹ́rẹ́ ma kọọ ọ pịrịapụ, okórómaḅo, n ḅárá warị duma kọ ḅara na pịghị n fịị ḅara sị nna minini daa nyẹ mịẹ.

Hiburuapụ 6:5

Nnị ḅara na árịnyẹ ḅụ n nimim bẹ Tamuno ẹ́gẹ́rẹ́ ma ibim, n pịghị ḅoarị sa ma kụ́rọ nimimam.

Jems 1:18

Ọ tọ ḅara ḅụ ọ duma pa wa pịrịm, ori karakárá ẹ́gẹ́rẹ́ ḅụ ḅọ́rọ́ sị wa tarị kiri nyánábeḅara ọ tẹ́mẹ́nyẹ mamgba ḅụ.

1 Pita 1:23

Nnị sima o yiimam, dumafịnị pịghị gbámásó Tamuno ẹ́gẹ́rẹ́ ma ḅụ ḅọ́rọ́, n sima o yiigha fịị bẹ tumḅọ duma pághámaḅoarị sịmgbọlụ ḅụ ḅọ́rọ́.

Puu Findi 1:16

Ọ sọ́nọ́ma ḅálōló ọlọm ori amaḅara na mmẹẹ́ a tọ́rụ́ nyáná oḅu áláápụ́-ágidi ọ bịpịbie saghị págháḅom. O tórúku éné ogbo ịrụa biarị ḅara pa biarị.

Puu Findi 19:15

Ọ bịpịbie anịị áláápụ́-ágidi sághị págháḅo nyẹ, ọ pa sẹ ma sọ́ḅa bẹnyẹ. <> Ọ Tamuno, Kụrọmamgba nyánáḅọ ma opu igani sarapágháma ḅobẹm sọ́ḅọ́rọ́ n grepụ mingi sarapágháma ḅoarị ḅara grepụ pọnjị pọnjị ịrụ mịẹarị angaá.

Puu Findi 19:21

Ásụ ma dọghụarịḅọ ma bịpịbie págháḅo áláápụ́-ágidi anịị nnị pa nna ọ́mụ́gbiapụ ḅáfama nyẹ; fíní mamgba warị nnị ine ḅara pa nna ojumẹnị pẹ́ẹ́m.

Puu Findi 2:16

Mị́sa ọmịnị ọmịna sii ḅụ pịghị! Ọ ḅọ́rọ́ minigha, a ḅọlọgha sáá ḅụ ọ́ dámáḅobẹm sị i bịpịbie saghị págháḅo áláápụ́-ágidi ma pa owu pa n págháma.

Puu Findi 2:23

A pịghị árị awọ ḅaabẹm, anịsáa sọsị mamgba minibẹm ḅẹẹ ịrị anịị kị́nị́mamgba kóróma na n biiarị nyẹ nimiḅọ. A pịghị ọ́rụ́ḅọ ọ́rụ́ḅọ gbẹ́bẹm n ḅo fịrị ḅara láa ḅara.

Puu Findi 20:4

Anịsáa a tọgha imine arịm, anị ọ́gọ́nọ kpọrọfịnịapụ nnị kụrọ pa n pịrịm ḅẹẹ nnị ḅẹ́rẹ́kọọ. A pịghị n sịbị pẹ́lẹ́apụ ma biebẹ duma arịm ḅẹẹ nnị Jizọs diepágháma karakárá ma na Tamuno ẹ́gẹ́rẹ́ ma dugho wásámam. Na nnị susi ḅáláfama nama ma pịrịgha anịgha n tẹ́mẹ́ sị pa anị pa biekóróma bẹnyẹ, anịgha anị ilíghíma nyáná nna fụ́ḅára ogbo anịgha nna ḅara. Nnị pịghị ḅoo dumam sị Krais na taa ámányánáapụ ḅara kụ́rá a mmẹẹ́ ndẹ́ẹ oyia si findi.