Hiburuapụ 13:22 - Ibani New Testament

²² A ọ tẹ́ghẹ̄m ị́yẹ́ mịnaapụ ḅẹ́ ọmịnị ingịrịma nyáná a gịẹḅọ ọ pịrị tẹ́mẹ́kụ́rọma ábálálá ma pịrị. Mị́sa a gịẹ ábálálá ma opuma nángwọgha.

Hiburuapụ 13:22 ပူးပေါင်းရင်းမြစ်များ

Fịrị Ḅara 13:15

Nnị Mosis ólóghó diri ma bie goo faá ma sáá na pịghị ikiakoroapụ diri ma, kobiri yọ ma sịbịdáḅọ warị oku fịrịma ḅẹẹ, <>

2 Kọrịntịapụ 10:1

Krais ḅụ fịnị diin na ḅụsímínímá, irị Pọl, anịị mị tẹ́ghẹ̄ bịpị ma pa ọ tẹ́ghẹ̄arị nyẹ, ịrị anịị túminị́ ḅẹ́ sị tọ́rụ́kụ́kụ́ḅọ a ọ nana gbẹ́rẹ́ angaá fịnị sáá, kụ́ma tọ́rụ kụ́rọ a ọ nana gbẹ́rẹ́ angaá ófórigha sáá.

2 Kọrịntịapụ 5:20

Wamịnị anị mị́sa sẹ Krais pịrịarịapụ sọ́ḅọ́rọ́ Tamuno wa ḅụ ḅọ́rọ́ túminị́ tẹ́ghẹ̄arị. Wa Krais sịbị go ọ tẹ́ghẹ̄arị; ḅẹẹ Tamuno iruonaapụ ḅụ ọ pịghị mú ọrẹ nangwọapụ sọọ.

2 Kọrịntịapụ 6:1

Wamịnị na Tamuno na nwángị gbólomaarị fịrị ma, wamịnị ọ tẹ́ghẹ̄m, ọmịnị Tamuno tọ́rụ́kụrụkụ́rụ́ nyánámaapụ ḅẹẹ ọmịnị anị guluguluma ma.

Galesiaapụ 6:11

Ọmịnị árịmam i ḅara gịẹnyẹ dụḅa láa ḅara, a i ḅara pa anị gịẹm!

Ẹ́fịsọsapụ 3:3

Tamuno ọ tọ warị sị ḅọghunyẹ ma diefindi i pịrịm, pịghị mịẹsị a anị nimi a pịghị kálá ḅara pa parị anị gịẹ ọ fịrịmamam.

Hiburuapụ 12:5

O bieḅárámá ma, Tamuno kọọ ọ pịrị tẹ́mẹ́ kụ́rọ́ma ẹ́gẹ́rẹ́ ori awọ ḅara ḅẹẹ, <

Hiburuapụ 13:19

A opuma ọ tẹ́ghẹ̄m ḅẹẹ, o tẹ́ghẹ̄ sị Tamuno ḅọlọgha sa ḅụ, i pa ọ fịrịma.

Hiburuapụ 2:1

Mịma go anị wa go ibiḅara pa wa namaa ẹ́gẹ́rẹ́ ma ọlọ bẹnyẹ, sị wa ḅụọ gbisiribịgha ḅara.

Hiburuapụ 3:1

Anịgo ị́yẹ́ tọ́ntọ́ mịnaapụ, Tamuno pịghị ọ ḅara na sịapụ, o Jizọs gboloma kóróma ngéré nyáná nnị nfịrịmaḅọ pa sịḅọ pịghị Tamuno igwagwaá áláḅọ.

Hiburuapụ 4:1

Mị́sa Tamuno minini wa pịrịmam ḅẹẹ ori anị gbolomanyẹ dugho ịnyọ́sárá ma, wa anị nyánáḅobẹm. Anị ibibẹm wa ḅụ ẹḅịị sị, Tamuno mini wa pịrịnyẹ ma anị gbẹ́rẹ́ḅọ sọ gbarịbịgha ḅara.

Hiburuapụ 4:11

Anịgo wamịnị wa ine ḅara mamgba mịẹsị árị ḅẹẹ wamịnị anị ịnyọ́sárá ma nyánam sị gbẹ́rẹ́ḅọ so bịghịbịgha ḅara isiapụ bịghị ḅara nnị minini nyanagha gosi.

1 Pita 5:12

Sailas a minini akị ḅo ḅẹ́ ori karakáráma Krais asọduaḅọ, ori anị ḅárásua si a mị kálá ábálálá ma gịẹ ọ fịrịma ḅọ. A ọmịna tẹ́mẹ́ kụrọma dọ́ghụm sị ị́yẹ́ dugho págháma nyẹ ma dugho ḅẹ́, mị anị Tamuno karakárá tọ́rụ́kụrụkụ́rụ́ ma anị ḅụ sẹ kụrọ.