Hiburuapụ 13:17 - Ibani New Testament

¹⁷ Ọmịnị ọmịna sịbịdaapụ osii, pịghị n dughonyẹ mịẹ. Nnị ọmịna tẹ́mẹ́ kúruarị ịnyọsáragha pa, n pịghị dugho Tamuno pịrịbẹ ḅara n ḅárá warị o didighi ḅara. Ọ ḅọ́rọ́ nnị osisii, n bieḅẹlẹ ḅara pa nna fịrị nwángịbẹm, anịgha n sitẹ́mẹ́ pa nna fịrị nwángịbẹm. Anịma sọ́nyẹ sọọ ọ pịrịbịgha.

Hiburuapụ 13:17 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 16:2

Ọ warị ọ sịị sị o gbíla ḅẹẹ,

Fịrị Ḅara 20:28

Ọ tọ́rụ́ pa kiri lama ọmịna ḅụ pịrị, na pịghị Tọ́ntọ́ Tẹ́mẹ́ ma saghị ọ ḅarabie sua ánáná awọ ma pịrị. Ọmịnị ánánákúrúapụ dighi Tamuno sọsị ma pịrị, ori ọ tụwọ ọmbịnyẹ́ pa fẹ nyẹ.

Romapụ 14:12

Anịgo, wamịnị kị́nị́mamgba wámịna bịpị dugho Tamuno pịrịbẹm n ḅọ mịẹnyẹ, nḅọ pịghị go anị mịẹnyẹ.

1 Kọrịntịapụ 16:16

ọ nwọfịnị túminị́ sịbịdá ma dua, na pịghị nnị na mịị fịrị ma nwangịarịḅọ gonyẹ́ gonyẹ́.

Ẹ́fịsọsapụ 5:21

Ọmịnị ọmịna ḅụ siterema jụghọ jụghọ pịrị ọ nyáná Krais pịrị osigha gosi.

Filipaiapụ 1:4

A pịghị tẹ́ghẹ́ ọ pịrị sa gonyẹ́ gonyẹ́, bieḅẹlẹ anịị a pa tẹ́ghẹ̄arị nyẹ.

Filipaiapụ 2:12

Anịgosi, ịyẹa nángwọ́apụ, ọmịnị i bịpị pughuarị ḅara ma a ọ nana fịnị sáá, anị kọkọ ibi ḅẹẹ ọmịnị i bịpị púghú mị ḅara nẹ́ngịma mị́sa a ọ nana ófórigha sáá. Ọ pa ḅáláfá na oju sẹ́ghị pa ọmịna fịrịnwangị sị mịẹsị ọmịna dụaḅọ́rọ́ma káara.

Filipaiapụ 2:16

Ọmịnị duma pịrị oku ma pa n pịrịarị sáá ọ ḅọ́rọ́ ọkọ mịẹmịẹ, a ḅara pụ́nụ́ nyẹ nyánábẹm a goo ọ pa bịpịkpọ ḅẹnyẹ Krais éné ma ḅụ tegó anị diebẹm ḅẹ́ a ịnyọ pa nwángị fịrị mamgba papa faghaa.

Filipaiapụ 2:29

O bieḅẹlẹ ḅụ ọ datérémaa Kị́nị́nyánáḅọ ḅụ minini ḅo ḅara, osigha pa ọ fịnị ḅara fịnịapụ pịrị.

Filipaiapụ 3:18

Mịma a parị tọgha sáá ḅụ anị dugho o pịrịmam a pịghị owu mingi pa sima anị dugho ọ pịrịarị: ḅẹ́ jẹ́apụ imi nna duma mịẹsị nnị Krais iruonaapụ soom ori fịị mgbẹsẹ sị́ ọgọnọ ḅọ́rọ́.

Filipaiapụ 4:1

Anịma gosi, ịyẹa nángwọ́apụ, ọmịnị a ḅẹlẹma sị anị dọghụapụ, ị́yẹ́ bieḅẹlẹ na ị́yẹ́ ogunu. Mị ḅara ma anịị ọ pa sẹ́kụrọ bẹnyẹ Kị́nị́nyánáḅọ ma bie, ịyẹa nángwọ́apụ.

2 Tẹsalonaikaapụ 3:14

Jẹ́apụ ine imibẹm anị ngá mini wa pa fịrịmaarị oku ma osiibịghaapụ. Ọmịnị ọ ḅụ ẹbị anị túminị́ ma fịnị angaá ọ pịghị nnị na mịẹgbólóma nyẹ nyánáma, sị n ḅụ́gịrịrị ḅẹ́ ḅara.

1 Timoti 5:17

Ibifịrị nwángịarị sẹ́nịapụ ma sịbịdaapụ ḅara ma anị ḅụ́gbẹm ḅẹ́ nnị mmẹẹ́ kiri kuu pa n pịrị, nyẹ mamgba nẹ́ngị nyẹ, anịị ịnyọsua fịrị nwángịarịapụ ma oku ma dugho wásáma na nyẹ́die ḅụ.

Hiburuapụ 13:24

Ọmịnị ọmịna sịbịdaapụ bii wa piri, na pịghị Tamuno túminị́ mamgba, Ịtalị ḅụ fịnị mininiapụ oku fịrịmam ḅẹ́ nnị obii.

Hiburuapụ 13:7

Ọmịnị ọmịna ḅọ́rọ́maa sịḅidaapụ pa biekóróma, Tamuno ẹ́gẹ́rẹ́ ma kọọ ọ pịrịapụ, okórómaḅo, n ḅárá warị duma kọ ḅara na pịghị n fịị ḅara sị nna minini daa nyẹ mịẹ.

Jems 4:7

Anịgo ọmịnị ọmịna ḅụ sịghị Tamuno ma súghúbie sua, ẹ́kpẹ́dua ma daá sẹmáa anịsáa ọ pịghị mangị sọ́bẹm ọ fịnịanga.

1 Pita 5:5

Anị gbẹ́rẹ́ ḅara ma ọmịnị ásáawọ ọmịnị ọ tórúku sẹ́nịapụ ma osii. Ọ ḅụ́sitéréma fịrịnwangị jụghọ jụghọ pịrị. Tọ́ndiri ma dugho ḅara ḅẹ́, Tamuno opuamịẹnyẹapụ ma daá sẹ́ma sẹ́mam kụ́ma ọrẹ ḅẹlẹma pa ḅụ sitérémaapụ ma die.