Hiburuapụ 13:15 - Ibani New Testament

¹⁵ Anịgo wa sámámgba túminí igwagwaá pa Tamuno pịrị Jizọs ẹrẹ ḅụ. Mịma anịị wa dugho págháma igwaa ḅẹẹ Jizọs anịị Kị́nị́nyánáḅọ.

Hiburuapụ 13:15 ပူးပေါင်းရင်းမြစ်များ

Matiu 11:25

Anịsáa ma ḅụ Jizọs ḅẹm, <

Ibi Oku Ma Luk Anị Gịẹ Ḅara 10:21

Anịsáa ma ḅụ Tọ́ntọ́ Tẹ́mẹ́ ma warị ḅo Jizọs bieḅẹlẹma, Jizọs warị ḅẹẹ, <

Ibi Oku Ma Jọn Anị Gịẹ Ḅara 10:9

Ịrị anịị opu ḅụ́pọ́ ma, ịḅụ ḅọ́rọ́ sọḅo ḅọ gonyẹ́ gonyẹ́ dụaḅọ́rọ́ma nyánábẹm. O sọḅobẹm pịghị saghị pághá, sị ịwọ osuka dọghụḅo.

Ibi Oku Ma Jọn Anị Gịẹ Ḅara 14:6

Jizọs pagharam, <

Romapụ 12:1

Anị ẹrẹ́sị, mịnaapụ, Tamuno ma nyáná wa pịrị opu lolomakúkúbie gosi, a ọ tẹ́ghẹ̄m ḅẹ́ ọmịnị ọmịna ḅụ pa duma igwagwaá Tamuno pịrị, n fófóoma ori fịrị pịrịnyẹ na pịghị ọ ḅẹlẹma nyẹ. Mịma anịị ọmịnị pa ọ pịrịbẹ tụ́ma susi.

Romapụ 6:19

A éné gonyẹ́ gonyẹ́ ḅụ ọ naarị ẹ́gẹ́rẹ́ pa nyẹ pa o diem ọmịna pologha akanyaḅo gosi. Gbẹ́rẹ́sa biri ọmịnị ọmịna ḅụgbọrụ saghị pa ómóniapụ mịẹ ịlọ́lị duma na ólóghó bịpị pughugha duma pịrịm, anị gbẹ́rẹ́ ḅara ma ọmịnị ọmịna ḅụgbọrụ saghị pa ómóniapụ mịẹ karakárá ibiamịẹnyẹ pịrị, tumḅọ dighi mú tọ́ntọ́ duma bie súúarị nyẹ.

Ẹ́fịsọsapụ 2:18

Krais ḅụ ḅọ́rọ́ wamịnị kị́nị́mamgba, Juu na Juughaapụ ine Daḅọ ma fịnị angaá ḅobẹm, gbẹ́rẹ́ Tọ́ntọ́ Tẹ́mẹ́ ma ḅụ.

Kolosiapụ 1:12

Bieḅẹlẹ ḅụ ịmịẹḅam pa Daḅọ ma pịrị mịẹḅọ sị o diekiri nyána Tamuno kokowarị ori tọ́ntọ́apụ pịrị ilanyẹ, baá amadakiri ma ḅụ.

Hiburuapụ 12:28

Wamịnị ịmịẹḅam pa Tamuno ḅẹẹ, ḅẹẹ wa nnị ine jighemabịgha amadakiri nyánáakịarị. Wa bieḅẹlẹ sị susi Tamuno pịrị anị ọ tẹ́mẹ́ ḅẹlẹma bẹ ḅara, osigha na ḅáláfa na, ḅụ.

Hiburuapụ 7:25

Anịma go ori ine mị́sa pịghị sámámgba ọḅụ ḅọ́rọ́ Tamuno damaḅoapụ ma duaḅọ́rọ́mam o duma gbámásom gosi Tamuno tẹ́ghẹ̄m nna sịbị ọ́gọ́nọ.

1 Pita 2:5

Mị́sa ọ fịnị ḅara sọ́ḅọ́rọ́ dumafịnị dapịrị nnị pa tẹ́mẹ́ju warị námáarị nyẹ. Ọmịnị sọ pịghị tọ́ntọ́ igwagwaapụ, Jizọs Krais ḅárásua ḅụ ḅọ́rọ́ ọ Tamuno ḅẹ́lẹ́maarị igwaa gwaabẹm.

1 Pita 4:11

Ẹ́gẹ́rẹ́ dugho wásaámaarịḅọ gonyẹ́ gonyẹ́ Tamuno ẹ́gẹ́rẹ́ ma dugho wásámáa, fịrịnwangịapụ Tamuno pa n pịrị ịnyọ mamgba pa fịrịnwangị, sị nyẹ́ gonyẹ́ gonyẹ́ ḅụ túmíní fịnị Tamuno pịrịbẹ ḅara Jizọs Krais ḅụ ḅọ́rọ́. Ipine na kụ́rọ na fịnị pịrịḅọ mú ḅẹsá ḅẹsá la. Anị ọkọ fịnị.