Hiburuapụ 13:14 - Ibani New Testament

¹⁴ Bẹ mị tuminikiri wa fịnị gbámásó bẹ ama ofori, wa tọ́rụ́ pa ḅoarị ámá ma dighiarị.

Hiburuapụ 13:14 ပူးပေါင်းရင်းမြစ်များ

1 Kọrịntịapụ 7:29

I jẹa mininiapụ, a dughoarị nyẹ anịị ḅẹẹ, sáá ma ịrụm, mị́sa sághị bịpị muu, taa nyánáapụ duma kọọ sọ́ḅọ́rọ́ n táa nyanagha;

2 Kọrịntịapụ 4:17

Ḅẹ́ mị kálá sáátụọ ḅụ wámịnị arịarị tọ́rụ́siarị ma, dụḅa wásáma gbámásó boma akuoo wa pịrịbẹm wamịnị árị ḅụḅáláḅálá ma nẹ́ngịbẹm.

Ẹ́fịsọsapụ 2:19

Anịgosi ọmịnị Juughaapụ ọmịnị mị́nị́ biaapụ na igoniapụghaa. Wamịnị kị́nị́mamgba furoawọ dighimam, ọmịnị na Tamuno tọ́ntọ́apụ mamgba, ọmịnị mị́sa Tamuno wárịapụ.

Filipaiapụ 3:20

Wamịnị sobie amaapụ anịgosi wa wa ḅụ sẹ́ghịma wámịna dụaḅọ́rọ́ma ḅo Kị́nị́nyánáḅọ Jizọs Krais kúruarị sị o sobie saghị ḅoo.

Hiburuapụ 10:34

Ọ pịghị ikólinaapụ dua tọ́rụ́siarịm nnị pịghị ọmịna ngọ kaakị sa, ọ pịghị bieḅẹlẹ ḅara pa ọmịna faá ma akịm, tegó o nimim ḅẹ́, ọmịna nyẹ ma nẹ́ngị nyẹ nyánam, pịghị fịnị mú gbámásó láa ḅẹnyẹ.

Hiburuapụ 12:22

Tụ́ma Zayọn tụ́ndụ́ anị o tándị ḅo nyẹ dumafịnị Tamuno ma opu ama, sobie Jerusalem na pịghị tọgha tọgha mmẹẹ́ a ndẹ́ẹ oyia si findi sookumuapụ bieḅẹlẹ kubiri ogbo.

Hiburuapụ 12:27

Mị ẹ́gẹ́rẹ́ ma, <> gbụ́nụ́nụ́ ḅara pa diearị ḅẹẹ, nnị tẹ́mẹ́nyẹ ma, nnị anị jighebẹm sị anị sii, sị nnị ine jighebịgha nyẹ na fịnịbẹ ḅara.

Hiburuapụ 2:5

Tamuno náa sookumuapụ ma pa ḅoarị ịwọ tuminikiri ma taa ḅẹapụ mịẹgha, anịị wa ḅẹarị tuminikiri ma.

Hiburuapụ 4:9

Ịnyọ́sárá pa fịnị Tamuno túminị́ ma kúruarị; Tamuno ịnyọ́sárá ḅara sọ́nọ́ma dii éné ma ḅụ.

Hiburuapụ 9:11

Krais Opu Igwagwaḅọ ḅara ḅụ ḅoo mị́sa wamịnị árịarị ibinyẹ ma pịrịmam, ọ fịnị fịrịnwangịarị Tọ́ntọ́ warị ma ibiḅaa, pịghị kpainm. Túminị́ ḅara pa nama warịịgha anị dughoarị ḅẹẹ anị mịị tuminikiri ḅụ gbẹ́rẹ́ nyẹ́gha, Tamuno tẹ́mẹ́nyẹ.

1 Pita 4:7

Nyẹ́ gonyẹ́ gonyẹ́ kunema kikiamam, anịgosi ọmịnị ọmịna ḅụ ọlọbẹm, ọ pịghị tọ́rụ́ findiwarịbẹm sị ọmịnị ine tẹ́ghẹ̄ bẹ ḅara.

Puu Findi 3:12

Sọḅaḅọ gonyẹ́ gonyẹ́ anịị a pa warị ọkọlọbị pie sị mịẹbẹnyẹ ị́yẹ́ Tamunoopuwarị, ọ pịghị jẹ́ pa anị warịsobịgha. A nna ḅụ i Tamuno ẹ́rẹ́ gịẹbẹm náa i Tamuno ma opuámá ẹrẹ, ịwọ Jerusalem ma, sobie i Tamuno ḅara sághị kóróḅo bẹnyẹ. A pịghị ọ ḅụ ị́yẹ́ ịwọ ẹrẹ gịẹbẹm.