Hiburuapụ 12:28 - Ibani New Testament

²⁸ Wamịnị ịmịẹḅam pa Tamuno ḅẹẹ, ḅẹẹ wa nnị ine jighemabịgha amadakiri nyánáakịarị. Wa bieḅẹlẹ sị susi Tamuno pịrị anị ọ tẹ́mẹ́ ḅẹlẹma bẹ ḅara, osigha na ḅáláfa na, ḅụ.

Hiburuapụ 12:28 ပူးပေါင်းရင်းမြစ်များ

Matiu 25:34

<

Ibi Oku Ma Luk Anị Gịẹ Ḅara 1:33

Ori ámányánáḅọ sọọ Jekọpụ furoawọ ma pịrị gbámásó lábẹm, ori ásẹ́mẹ́kiri kunema nyánábịgha!>>

Romapụ 11:20

Mịma karakárányẹ. Nnị nna anyịmasim nnị mininigha gosi, nnị warị ọ pa nna kiri ḅụ warị, ọ mininim gosi. Kụ́ma anịma pa bịpịkpọ ma; anịmanakaragha ḅáláfaa.

Ẹ́fịsọsapụ 1:6

O ḅo wa Tamuno túminí ori ḅụ́gbérépuma tọ́rụ́kụrụkụ́rụ́ ḅụ ọ pa wa pịrịnyẹ ọ ḅẹlẹma Tụ́wọ ḅụ ḅọ́rọ́, wámịna ḅara nyẹ́ bigha ḅụ.

Ẹ́fịsọsapụ 5:10

pịghị ḅụ́kọ́rọ́ma Kị́nị́nyánáḅọ ma ḅẹlẹma nyẹ dọghụ pághámaḅo.

Filipaiapụ 4:18

A nyẹ gonyẹ́ gonyẹ́ nyanaḅomam bi ḅara ḅụ, anị bi wasam! A binyẹ gonyẹ́ gonyẹ́ a nyánam mị́sa Epaforoditọs ọmịna dienyẹ akuoo i pịrịmaá sáá. Anị nnị mịẹ Tamuno pịrị akị dọghụ igwaa.

Hiburuapụ 10:19

Anịgo, ịyẹa mịnaapụ wamịnị mị́sa ine Opu Tọ́ntọ́ḅa Yọ ma sọmubẹm Jizọs fịị ma gosi, bẹnyẹ bẹnyẹ wamịnị ọ́lọ́gha pa.

Hiburuapụ 13:15

Anịgo wa sámámgba túminí igwagwaá pa Tamuno pịrị Jizọs ẹrẹ ḅụ. Mịma anịị wa dugho págháma igwaa ḅẹẹ Jizọs anịị Kị́nị́nyánáḅọ.

Hiburuapụ 13:21

ibi gonyẹ́ gonyẹ́ ḅụ ḅárásua ọ pịrị, ọmịnị o binyẹ mịẹarị sáá ọ pịghị wámịna duma bie o tẹ́mẹ́ ḅẹlẹma nyẹ mịẹ Jizọs Krais ḅụ ḅọ́rọ́, Boma fịnị pịrịḅọ akị mú ḅẹ́ sa láa. Anị ọkọ fịnịị.

Hiburuapụ 3:6

Kụ́ma Krais Tamuno Tụ́wọ, ọ sẹ kụrọm Tamuno wárị ma bie, ori anịị sịbịdáḅọ, wamịnị anịị wárị ma, wa ḅọ́rọ́ wámịna biekpọ na tẹ́mẹ́kụ́rọ ọlọsẹma nḅẹḅẹ́, wa pa ine bịpịkpọ ḅẹnyẹ.

Hiburuapụ 4:16

Wa tẹ́mẹ́kụ́rọ nyáná sị sọma Tamuno imine ma fịnị angaá ḅo, tọ́rụ́kụrụkụ́rụ́ fịnị angaá. Anị angaá wa lolomakúkúbie nyánáḅobẹm pịghị tọ́rụ́kụrụkụ́rụ́ dọghụḅọ pa ḅárásua wa pịrị wamịnị anị dọghụ sa.

Hiburuapụ 5:7

Jizọs mị tuminikiri fịnị sáá ọ kụ́rọ owu pụghọ pa ọrẹ tẹ́ghẹ̄ na obiarị nyẹ bim, ine o dụapághámaḅo bẹḅọ fịị ḅarabie, ori ọḅụ siteremam gosi Tamuno sughubie Tamuno o naam.

1 Pita 1:17

Ọ Tamuno ma tẹ́ghẹ̄arị sa, ọ Daḅọ pa ọ sim. Ori anị gbẹ́rẹ́ ḅara pa ḅẹ́rẹ́kọ kị́nị́mamgba pịrịarịḅọ, ọ́rụ́ḅọ ọ́rụ́ḅọ mịẹnyẹ labiri ḅụ. Anịma go, ị́yẹ́ duma éné kọnyẹ́ ma tuminikiri, árị bẹ, ịrị anị pa opu osigha nyáná pa ọ pịrịm.

1 Pita 2:20

Anị tẹ́ sọ́nyẹ sọ ọ pịrịbẹ, ọ ḅọ́rọ́ fomḅara daá ọ mịẹ siiamịẹnyẹ gosi, warị ngịrịma nyáná anị pịrị? Kụ́ma ḅọ́rọ́ o fomḅara dam o karakárányẹ ma mịẹ sáá sị ngịrịma nyáná anị pịrịị, Tamuno o dighi bieḅẹlẹbẹm.

1 Pita 2:5

Mị́sa ọ fịnị ḅara sọ́ḅọ́rọ́ dumafịnị dapịrị nnị pa tẹ́mẹ́ju warị námáarị nyẹ. Ọmịnị sọ pịghị tọ́ntọ́ igwagwaapụ, Jizọs Krais ḅárásua ḅụ ḅọ́rọ́ ọ Tamuno ḅẹ́lẹ́maarị igwaa gwaabẹm.

Puu Findi 1:6

Warị pịghị igwagwaapụ amadakiri pa wa mịẹsị wa fịrịnwangị ọ Daa na Tamuno ma pịrịị. Boma na ịnyọ fịnị Jizọs Krais pịrị ákị mú ḅẹsá ḅẹsá láa! Anị ọkọ fịnịị.

Puu Findi 15:4

Kị́nị́nyánáḅọ tụọ i dighi ḅáláfābịgha? Tụọ minibịgha sị ị́yẹ́ opu dugho págháma? Ịrị ngéré anịị Tọ́ntọ́ ḅọ. Sẹ gonyẹ́ gonyẹ́ ḅoo susi ị pịrịbẹm, túminị́ mamgba ị́yẹ́ karakárá fịrị arịm gosi.>>

Puu Findi 5:10

I mịẹmam nnị igwagwaapụ amadakiri sọọ sị n fịrịnwangị wámịna Tamuno pịrị, n pịghị tuminikiri ma ḅụ taábẹm.>>