Hiburuapụ 12:15 - Ibani New Testament

¹⁵ Ọmịnị árị ḅẹẹ, ọ Tamuno tọ́rụ́kụrụkụ́rụ́ pa ọḅụgbigha. Gbẹ́rẹ́ḅọ sọ si lakpo nyánáma sị anị wáriso anị sẹnị ḅo opuma ḅẹ́rẹ́ dighi kị́nị́mamgba pịrị.

Hiburuapụ 12:15 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 22:32

Kụ́ma, Saimọn, a tẹ́ghẹ̄ ị pịrịmam ḅẹẹ ị́yẹ́ minini bịghịbịgha ḅara. I pịghịma i damaḅo sa ị́yẹ́ amịna owiapụ kụrọma.>>

1 Kọrịntịapụ 10:12

Ị ḅọ́rọ́ sị ḅẹẹ ị́ ibima sẹ́fị́nịarị ịḅụ ẹbị, sị ịbịghịbịgha ḅara.

1 Kọrịntịapụ 13:8

Ḅẹlẹma fịnị gbámásom, ikiakoro imi, kụ́ma mịnanyẹ mamgba fịnị gbámásogha, kịrị ọwụ pa ẹ́gẹ́rẹ́kọọ dienyẹ imi, kụ́ma mịma sọ bibẹm níminyẹ imi kụ́ma anị ḅo ḅọ́rọ́bẹm.

1 Kọrịntịapụ 15:33

Minima nnị oḅori pa ị́ sị, <>

1 Kọrịntịapụ 5:6

Ị́yẹ́ bịpịkpọ ma ibighaa, ọ mịị kaḅụ ma nimigha dughonyẹ ḅẹẹ, kálá yisti tụ́wọ anịị fịtúrú kpo ma gbọrụ sughumaarị nyẹ?

2 Kọrịntịapụ 13:5

Ọmịnị ọmịna ḅụ pa daádighi ma ḅụ sua ọ ḅẹ́rẹ́kọ ọmịna ḅụ pịrị, sị o nimi bẹ ḅara ọ ḅọ́rọ́ pa minini ma ḅụ duma kọọarị. Ọmịnị árịbẹm ḅẹ́ Jizọs Krais ọmịna bie ḅụ imii, ḅọ́rọ́ ọmịnị epeletigha tigha ḅẹ́ ọmịnị ọ ḅụ mininim.

2 Kọrịntịapụ 6:1

Wamịnị na Tamuno na nwángị gbólomaarị fịrị ma, wamịnị ọ tẹ́ghẹ̄m, ọmịnị Tamuno tọ́rụ́kụrụkụ́rụ́ nyánámaapụ ḅẹẹ ọmịnị anị guluguluma ma.

Galesiaapụ 2:13

Isi Juu mịnaapụ ma warị Pita dua nyẹ mịẹ sọ́ḅọ́rọ́ mmẹẹ́ tọ́rụ́ agidi, nna mmẹẹ́ tọ́rụ́ agidi ma ḅụ ḅọ́rọ́ Banabas irimam.

Galesiaapụ 5:4

Ọmịnị ólóghó ma koko ḅụ ḅọ́rọ́ Tamuno na karakárá ḅụ fịnị dọghụapụ, ọmịnị ọmịna ḅụ fófóomámam Krais ḅụ, ọ Tamuno ma tọ́rụ́kụrụkụ́rụ́ ḅụ sóóró pághámam.

Ẹ́fịsọsapụ 5:3

Ọmịnị kọkọ Tamuno túminị́, anịgo anị ibighaa ḅẹ́ yáakuu ḅụ ófórigha nwángị kọọ anịgha, ịlọ́lị duma anịgha oputọrụ, ḅẹ́ nnị anị gbolomanyẹ goo o mịná bie.

Kolosiapụ 3:5

Anịgosi, mịẹsị anị fịị, tuminikiri ị́yẹ́ duma bie fịnị pụghọ tarịarịnyẹ ma: yáakuu ḅụ ofori nwángị duma, ámánwángị ịlọ́lị duma, ámánwángị pughotarị, siinyẹ pughotarị na oputọrụ mịma sị ḅara sọ́ḅọ́rọ́ susi n kara tamuno pịrị.

Taitọs 1:15

Siiamịẹnyẹ kóróma nyánágháapụ nna tẹ́mẹ́bie nyẹ gonyẹ́ gonyẹ́ ibima fiafiam. Kụ́ma ịlọ́lị kóróma nyánáapụ pịghị Krais ḅụ mininighaapụ, nna tẹ́mẹ́bie na nna kóróma gbẹ́rẹ́sa pilemam.

Hiburuapụ 3:12

I jẹa mininiapụ, ọ ḅụ ẹḅịị sị ọmịna bie gbẹ́rẹ́ḅọ sọ mininigha sị kúkúbie nyánábịgha ḅara sị n ḅọ ọḅụ pa dumafịnị Tamuno ma gbiibiegha ḅara.

Hiburuapụ 4:1

Mị́sa Tamuno minini wa pịrịmam ḅẹẹ ori anị gbolomanyẹ dugho ịnyọ́sárá ma, wa anị nyánáḅobẹm. Anị ibibẹm wa ḅụ ẹḅịị sị, Tamuno mini wa pịrịnyẹ ma anị gbẹ́rẹ́ḅọ sọ gbarịbịgha ḅara.

Hiburuapụ 4:11

Anịgo wamịnị wa ine ḅara mamgba mịẹsị árị ḅẹẹ wamịnị anị ịnyọ́sárá ma nyánam sị gbẹ́rẹ́ḅọ so bịghịbịgha ḅara isiapụ bịghị ḅara nnị minini nyanagha gosi.

Hiburuapụ 6:11

Wamịnị opuma biarị nyẹ anịị ḅẹẹ ọmịnị ọmịna tẹ́mẹ́bie o binyẹ ma ọmịnị anị ḅụ sẹ́ mú kunema la si ọmịna tọ́rụ́ dighinyẹ ma ḅo karakárá nyẹ́sọ́beḅara.

2 Pita 1:10

Anịgo ị́yẹ́ ibi mịnaapụ, ọmịnị ibima ḅụ́kọ́rọ́ma árị ḅẹ́, Tamuno pa ọ sị́ sị ma, na pịghị ọ pa ọ sẹ́lẹ́akị sẹ́lẹ́ ma, anị ọ nana fịnị gbámásom. Ọ ḅọ́rọ́ ọkọ mịẹmịẹ, jẹ́ éné jẹ́ éné ọmịnị ọmịna minini pa ọḅụ gbibịgha.

2 Pita 2:18

Nnị bịpịkpọ na oḅori ẹ́gẹ́rẹ́kọọ kọọm, pịghị ojumẹnị tarịarị siinyẹ ma pa diatughu irima asọ ma bie fịnịapụ ogbobie págháḅoarịapụ pịrị.

2 Pita 3:11

Mịnanyẹ ma mị ḅara pa gulugulufama bẹ ḅara ma, ọmịnị anịị tọ́rọ fịnị túminị́ ḅara? Ọ tọ́ntọ́ duma kọọ, pịghị ọmịna ḅụ saghị Tamuno ḅárásua,

2 Pita 3:14

Anịgo ị́yẹ́ ibi nangwọapụ, ọmịnị anị éné ma kúruarị sáá, ọmịnị ọmịna ịnyọ láa ḅara mịẹsị ọmịna ḅụ mịẹ kpainma warị, bịpị ḅụ laagha pa Tamuno tórúku, pịghị ọ nana diin ḅụ fịnị.

2 Jọn 1:8

Tọ́rụ́ findi warị, sị ị tọ́rụ́siarị gbálanyẹ i ḅara fabịgha ḅara, kụ́ma nnị bii ḅara pa ị gbẹ bẹ ḅara.