Hiburuapụ 12:14 - Ibani New Testament

¹⁴ Ḅụ́kọ́rọ́ma diin pa kị́nị́mamgba na fịnị pịghị ḅụ́kọ́rọ́ma tọ́ntọ́ duma kọọ mịma ofori, gbẹ́rẹ́ḅọ sọ ine Kị́nị́nyánáḅọ arịbịgha.

Hiburuapụ 12:14 ပူးပေါင်းရင်းမြစ်များ

Ibi Oku Ma Mak Anị Gịẹ Ḅara 9:50

<>

Ibi Oku Ma Luk Anị Gịẹ Ḅara 1:75

Tọ́ntọ́ na pịghị karakárá mịẹnyẹ ḅụ fịnị ọ tórúku wámịna duma éné mamgba.

Romapụ 12:18

Ị́yẹ́ ịnyọ láa ḅara mịẹsị kị́nị́mamgba na diin ḅụ fịnịị.

Romapụ 14:19

Anịma go, wamịnị wámịna ịnyọ láa ḅara mịẹsị diin akuo bẹnyẹ ma mịẹ, pịghị jụghọ jụghọ kụrọma bẹnyẹ.

Romapụ 6:22

Kụ́ma mị́sa n sii ḅárabie ọ duapághámaḅomam sị ọmịnị Tamuno ómóniapụ sọ. Ọmịna sọnyẹ anịị n gbẹ́rẹ́sa saghị ḅọrọma Tamuno pịrị duma, anị kunema anịị duma gbámásó.

1 Kọrịntịapụ 1:10

I jẹa mininiapụ a ọ́ tẹ́ghẹ̄m wámịna Nyánáḅọ Jizọs Krais ẹrẹ ḅụ ḅẹẹ ó gbẹ́rẹ́ bịpịfie si puama ọmịna ogboku bie fịnịbịgha ḅara. Ọ ḅụ pa gbẹ́rẹ́nyẹ mịẹ ọmịna kúkúbie na ọmịna kóróma ḅụ.

1 Kọrịntịapụ 13:12

kụ́ma mị́sa wa tẹ́mẹ́ dighinyẹ ḅụ ḅuruḅuru ma árịarị, anịsáa, wa ḅo árịbẹm tọ́rụ́ na tọ́rụ́ na. Mị́sa a níminyẹ mpara mpara ḅụ imi; anịsáa anị ḅo karabẹm, Tamuno káara ḅara pa ị nimiḅara.

2 Kọrịntịapụ 6:17

Kị́nị́nyánáḅọ warị nnị ḅẹẹ, <

2 Kọrịntịapụ 7:1

Ị́yẹ́ ibi nángwọ́apụ mịnanyẹ mamgba n minini pa wa pịrịm, anịgo wa wámịna ḅụ mịẹ fiafiama, wámịna oju anịgha wámịna tẹ́mẹ́ ịlọlịma bẹnyẹ gonyẹ́ gonyẹ́ ḅụ, wa pịghị káara ḅara ḅụ tọ́ntọ́ duma kọọ Tamuno ḅụ.

Galesiaapụ 3:21

Mịma anị die ḅẹ́ ólóghó ma anị Tamuno mini nyẹ na kuragha? Ọkọfịnị nyẹ ofori! Ḅọ́rọ́ tuminikiriapụ duma pịrịbẹ ólóghó nyanaḅomam anị sáá, kị́nị́mamgba karakárá ibiamịẹnyẹapụ sọ́bẹm nnị anị kokoarị sáá.

Ẹ́fịsọsapụ 5:5

Ọmịnị ine nimitélémabẹm ḅẹ́ yáakuu ḅụ ofori nwángị kọarịḅọ, ịlọ́lị tumḅọ anịgha oputọrụ nyanaḅọ, ọkọ fịnịị nyẹ mịẹapụ diekiri nyánábịgha Krais na Tamuno amadakiri. Oputọrụ fịnị ḅara so ḅọ́rọ́ susi jẹ́ tamuno pịrị.

Filipaiapụ 3:12

Ḅẹgha ḅẹ́ a saḅa ḅọ́rọ́mam anịgha ḅẹ́ a kpainfamamam, a pa ịnyọ suarị a ine daḅo bẹ ḅara Krais Jizọs goo i daḅo ọ ḅụ pịrịnyẹ ma.

1 Tẹsalonaikaapụ 3:13

Mịị ḅara ma ori ịnyọ pa ọ ḅụ suabẹm sị mịẹsị ọ kpain pịghị tọ́ntọ́ ḅụ fịnị wámịna Tamuno na Daḅọ ma toruku, wámịna Nyánáḅọ Jizọs ḅo bẹ sa ori na ori tọ́ntọ́apụ.

1 Tẹsalonaikaapụ 4:7

Tamuno wa sịgha ḅẹẹ wa ḅo yáakuu ḅụ ofori nwángị kọọ, kụ́ma wa tọ́ntọ́ ḅụ fịnị.

1 Tẹsalonaikaapụ 5:15

Arịị ḅẹ́ gbẹ́rẹ́ḅọ sọ siinyẹ pa siinyẹ gbẹ́gha, kụ́ma sámámgba pa ọmịna mịẹmịẹnyẹ mịẹsị ibi mịẹ jụghọ jụghọ pịrị na pịghị kị́nị́mamgba pịrị.

1 Timoti 6:11

Kụ́ma ịrịị, Tamuno tumḅọ ịḅụ darịma mịnanyẹ mamgba ḅụ, karakárá ibiamịẹnyẹ dọghụ pa sịbị sághị, Tamuno nimi, minini, ḅẹlẹma, ngịrịma na diin mịẹnyẹ.

2 Timoti 2:22

Ọmịnị ọ ḅụ si ásáawọ na ẹ́rẹ́maawọ ojumẹnị tarịarịnyẹ ma ḅụ, sị ịnyọ pa karakárá ibiamịẹnyẹ dua, minini, ḅẹlẹma na diin na. Ị mịma mịẹbẹm ịrị na tẹ́mẹ́ fíafía ḅụ Kị́nị́nyánáḅọ ma sịarịapụ mamgba ḅẹ́ ọ ḅárásua n pịrị.

Hiburuapụ 12:10

Wámịna tuminikiri daapụ kálá sáá tụ́wọ ḅụ wa datụ́ghụ́mam anị nna tọ́rụ́ karakárá ḅara, kụ́ma Tamuno mịẹarị angaá nyẹ ma ọ́ wámịna ibi gosi. Wamịnị ine ọrẹ tọ́ntọ́ duma ḅụ diekiri nyáná bẹ ḅara.

Hiburuapụ 9:28

Anị gbẹ́rẹ́ ḅara ma n Krais pa igwa gwam gbẹ́rẹ́ sáá sị ọ tọgha tọghaapụ sii sịrị si. O pịghịma ḅobẹm mmẹẹ́ kárámá sa, sii gosigha, kụ́ma ori o kúruarịapụ ma dụaḅọ́rọ́ma bẹ ḅara.

1 Pita 3:11

Nnị ḅọ siinyẹ ḅụ pịghị si ibinyẹ mịẹ, nnị nna tẹ́mẹ́ gbọrụ pa diin asọ ma dua.

1 Pita 3:13

Tụọ nyẹ pa ọ lama bẹ, o ḅọ́rọ́ ibinyẹ ma mịẹ dọghụ?

2 Pita 3:11

Mịnanyẹ ma mị ḅara pa gulugulufama bẹ ḅara ma, ọmịnị anịị tọ́rọ fịnị túminị́ ḅara? Ọ tọ́ntọ́ duma kọọ, pịghị ọmịna ḅụ saghị Tamuno ḅárásua,

2 Pita 3:18

Kụ́ma ọ pa senị́ị́ Wányánáḅọ na wámịna Ḅọ́rọ́maḅọ Jizọs Krais tọ́rụ́kụrụkụ́rụ́ na ori níminyẹ ḅụ. Ipine fịnị ọ pịrị mị́sa akị mú ḅẹsá ḅẹsá la. Anị ọkọ fịnịị.

3 Jọn 1:11

Ị́yẹ́ ibi nangwọḅọ, Gayọs siiamịẹnyẹ daa nyẹ mịẹma, kụ́ma ibinyẹ daa nyẹ mịẹ. Ibinyẹ mịẹarịḅọ gonyẹ́ gonyẹ́ Tamuno ju saghịḅom. Siinyẹ mịẹarịḅọ gonyẹ́ gonyẹ́ na Tamuno nimigha.