Hiburuapụ 11:6 - Ibani New Testament

⁶ Minini ofori gbẹ́rẹ́ḅọ sọ ine Tamuno tẹ́mẹ́ mịẹḅẹ́lẹ́mabịgha, Tamuno damaḅoarị ḅo gonyẹ́ gonyẹ́ mininibẹm ḅẹ́ Tamuno imi, ori o pịghị ịnyọsua ọ tẹ́ghẹ̄arịapụ gbẹgbẹm.

Hiburuapụ 11:6 ပူးပေါင်းရင်းမြစ်များ

Matiu 11:26

Innh Daḅọ, mịị anị ị ḅụ́ḅẹlẹḅara.

Matiu 5:12

Bieḅẹlẹ dụrụkụ tegó ọmịna gbẹ́ẹ̄ nyẹ opuma dụḅam sobie, ḅẹ́ anị gbẹ́rẹ́ ḅara ma anịị nnị ọ tórúku fịnị ikiakoroapụ ma pa tọ́rụ́siarịma ḅara.

Matiu 6:16

<<Ọ ḅurukumáarị sáá, ọ minima túminị́ nimi mmẹẹ́ a tọ́rụ́ kingiapụ ma ḅara, ḅẹ́ nnị nna tórúku pa jẹ́ ḅara warịmabẹm pa túminị́ die ḅẹ́ nnị ḅurukumáarị. A karakárányẹ ma dugho ọ pịrịm nnị bi ḅara pa nna gbẹ́nyẹ nyanaḅomam.

Matiu 6:33

Kụ́ma Tamuno ásẹ́mẹ́kiri ma dọghụ na pịghị ọ dọghụnyẹ, anịsáa nnị mịnanyẹ mamgba pa ọ pịrịbẹm.

Matiu 6:5

<

Ibi Oku Ma Mak Anị Gịẹ Ḅara 16:17

Mininiapụ nnị kụ́rọ pa nnị pịrịbẹm n pa ḅụ́gbérépuma fịrịnwangị: nnị sitẹ́mẹ́ deesibẹm, ị́yẹ́ ẹ́rẹ́ ḅụ: n jẹ́ ḅẹ́lẹ̄ pa ẹ́gẹ́rẹ́kọbẹm.

Ibi Oku Ma Luk Anị Gịẹ Ḅara 12:31

Anịị go parị Tamuno Ásẹ́mẹ́kiri ma dọghụ, anịsáa mịnanyẹ mamgba ọmịna nyẹ soobẹm.

Ibi Oku Ma Luk Anị Gịẹ Ḅara 6:35

Kụ́ma ị́yẹ́ iruonaapụ ḅẹlẹma, ibinyẹ mịẹ n pịrị, igbii pa n ḅọlọ, tọ́rụ́ pa ị́ n ḅarabie nyáná ḅo ḅẹnyẹ dighigha pa. Anịsáa, anịị ọmịnị opu gbẹ́ẹnyẹ nyáná bẹnyẹ ọ pịghị sóghólóḅa Tamuno awọ ma sọọ bẹnyẹ tegó ọ ḅẹlẹma nyáná, nyẹ tọ́rụ́ sọghaapụ ma pịrịm na pịghị sii túminị́ na.

Ibi Oku Ma Jọn Anị Gịẹ Ḅara 14:6

Jizọs pagharam, <

Ibi Oku Ma Jọn Anị Gịẹ Ḅara 8:24

A dugho ọ pịrịm ḅẹ́ ọmịnị ọmịna sii ḅụ fị́ị́bẹm; ḅọ́rọ́ ọ mininigha ḅẹẹ, Irị anịị Irị Ma, ọ tụ́ma ḅara pa ọmịna sii ḅụ fị́ị́bẹm.>>

Romapụ 10:14

Nnị tọ́rọ́ pa na nnị ḅụ mininighaḅọ ma sị bẹ? Nnị pịghị tọrọ́ pa na nnị o gbolomanyẹ naaghaḅọ ma ḅụ minini bẹ? Nnị pịghị tọ́rọ́ pa náa bẹ ḅọ́rọ́ kị́nị́ oku ma dugho wásáma nnị pịrịgha?

Galesiaapụ 5:6

Wa ḅo Krais Jizọs na gbẹ́rẹ́nyẹ mịẹ sáá, tumḅọ tọ́ngọ̄ pẹ́lẹ́ na tumḅọ tọ́ngọ̄ pẹ́lẹ́gha na mịẹnyẹ ofori. Nyẹ ḅụ sọnyẹ anịị minini ḅẹlẹma ḅụ ḅọ́rọ́ anị ḅụ die pághámaarị nyẹ.

Hiburuapụ 11:26

O mininim ḅẹ́ wirinumo daa Mesaya ma ẹ́rẹ́, sọ́nyẹ so Ijipiti ḅụ fịnị ngọ mamgba nẹngịm. O tọ́rụ́ pa tórúku ḅoarị sọ́nyẹ ma dighiarị.

Hiburuapụ 3:12

I jẹa mininiapụ, ọ ḅụ ẹḅịị sị ọmịna bie gbẹ́rẹ́ḅọ sọ mininigha sị kúkúbie nyánábịgha ḅara sị n ḅọ ọḅụ pa dumafịnị Tamuno ma gbiibiegha ḅara.

Hiburuapụ 4:2

Wamịnị ibi oku ma naamam, nnị sọ náaḅara. Nnị oku ma naam, kụ́ma anị pa nnị mịẹibi ofori, nnị anị náa sa nnị minini ḅụ ḅọ́rọ́ anị akịịghaa.

Hiburuapụ 4:6

Tarị ibi oku ma naapụ, ịnyọ́sárá ma nyánaḅogha, tegó nnị mininigha. Kụ́ma jẹ́apụ imi nnị warisoapụ ḅẹẹ nnị anị daákịị.

Hiburuapụ 7:19

Mosis ólóghó ma bẹnyẹ bẹnyẹ mịẹ kpainmagha. Kụ́ma mị́sa, ibiḅaa tọ́rụ́ dighinyẹ imi wa ḅọ́rọ́ ine sọma Tamuno damaḅo bẹnyẹ.

Hiburuapụ 7:25

Anịma go ori ine mị́sa pịghị sámámgba ọḅụ ḅọ́rọ́ Tamuno damaḅoapụ ma duaḅọ́rọ́mam o duma gbámásom gosi Tamuno tẹ́ghẹ̄m nna sịbị ọ́gọ́nọ.

2 Pita 1:10

Anịgo ị́yẹ́ ibi mịnaapụ, ọmịnị ibima ḅụ́kọ́rọ́ma árị ḅẹ́, Tamuno pa ọ sị́ sị ma, na pịghị ọ pa ọ sẹ́lẹ́akị sẹ́lẹ́ ma, anị ọ nana fịnị gbámásom. Ọ ḅọ́rọ́ ọkọ mịẹmịẹ, jẹ́ éné jẹ́ éné ọmịnị ọmịna minini pa ọḅụ gbibịgha.

2 Pita 1:5

Mịma go, ọmịnị ọmịna ịnyọ la ḅara mịẹsị ọmịna minini ḅụ ibiamịẹnyẹ pa anị ḅụ sua, ibiamịẹnyẹ ḅụ níminyẹ pa anị ḅụ sua.

2 Pita 3:14

Anịgo ị́yẹ́ ibi nangwọapụ, ọmịnị anị éné ma kúruarị sáá, ọmịnị ọmịna ịnyọ láa ḅara mịẹsị ọmịna ḅụ mịẹ kpainma warị, bịpị ḅụ laagha pa Tamuno tórúku, pịghị ọ nana diin ḅụ fịnị.

Puu Findi 21:8

Kụ́ma ḅáláfaapụ, mininighaapụ, pilemaapụ, kị́nị́ ḅáapụ, yáakuu ḅụ ofori nwángị kọọarịapụ, tọ́rụ́kịrịkị́rị́ dirikọ́rịapụ, susi n kárányẹ pịrịrịarịapụ, na iruonyẹ dughoapụ mamgba nna fịnị yọ anịị ọpọlịḅuruma pa dọghụarị kọrịfịnị ésiḅe ma, anịị mmẹẹ́ kárámá fịị ma.>>