Hiburuapụ 11:26 - Ibani New Testament

²⁶ O mininim ḅẹ́ wirinumo daa Mesaya ma ẹ́rẹ́, sọ́nyẹ so Ijipiti ḅụ fịnị ngọ mamgba nẹngịm. O tọ́rụ́ pa tórúku ḅoarị sọ́nyẹ ma dighiarị.

Hiburuapụ 11:26 ပူးပေါင်းရင်းမြစ်များ

Matiu 10:41

Ikiakoroḅọ dakóróma ḅọ gonyẹ́ gonyẹ́ ḅẹ́ n ḅọ ikiakoroḅọ gosi, ikiakoroḅọ gbẹ́nyẹ nyánáḅobẹm, pịghị karakárá ibiamịẹnyẹ tumḅọ dakóróma ḅọ gonyẹ́ gonyẹ́ ḅẹ́ n ḅo karakárá ibiamịẹnyẹ tumḅọ gosi pịghị karakárá ibiamịẹnyẹ gbẹ́nyẹ nyánáḅobẹm.

Matiu 5:12

Bieḅẹlẹ dụrụkụ tegó ọmịna gbẹ́ẹ̄ nyẹ opuma dụḅam sobie, ḅẹ́ anị gbẹ́rẹ́ ḅara ma anịị nnị ọ tórúku fịnị ikiakoroapụ ma pa tọ́rụ́siarịma ḅara.

Matiu 6:1

<<Ọmịnị ọmịna ḅụ ẹbị sị ọmịnị ọmịna ibiamịẹnyẹ fịrị nwángịgha túminị́ tórúku sị nnị ọmịnị árị bẹ ḅara. Ọmịnị ọkọ mịẹmịẹ, ọmịnị gbẹ́nyẹ nyánáḅobịgha ọmịna sobie Daḅọ ḅara.

Ibi Oku Ma Luk Anị Gịẹ Ḅara 14:14

mịma ḅụ ḅọ́rọ́ nnị ị karịibimabẹm, tegó mịnaapụ ma nnị ine sima igbẹbịgha. Tamuno sima igbẹbẹm ibiapụ ma fịị ḅụ saghị bẹ éné ma.>>

Ibi Oku Ma Luk Anị Gịẹ Ḅara 14:33

Anị gbẹ́rẹ́ ḅara ma, ọmịna ḅụ gbẹ́rẹ́ḅọ so ine ị́yẹ́ asọ duabịgha n ḅọ, n ḅọ nyánányẹ gonyẹ́ gonyẹ́ sịghịgha nḅẹḅẹ́.

Fịrị Ḅara 5:41

Nnị ámáḅẹ́rẹ́dughoapụ ma fịnị angaá wáriso sa nnị opuma bieḅẹlẹm ḅẹ́ nnị nkie sua sị, tọ́rụ́siarị naibiapụ pịrịm Jizọs Krais go.

2 Kọrịntịapụ 12:10

Anịgo, Krais sịbị go i bieḅẹlẹm ị́yẹ́ tẹ́mẹ́ oḅuu ḅụ, wirinumo daa, ḅụ́kụro árị, tọ́rụ́siarị arịị, ḅụḅáláḅálá arịị, Krais gosi. Ḅẹẹ i tẹ́mẹ́ oḅuu sáá, anịsáa anịị a kụrọnyẹ.

2 Kọrịntịapụ 6:10

Nnị wa biesimam, wa pa sámámgba bieḅẹlẹarị, wa igonyinapụ kịkam, kụ́ma wa tọgha tọghaapụ pa álásọ́maarị, wa ḅẹnyẹ ḅẹnyẹ nyánágháapụ kịkam, anịsọ wa nyẹ gonyẹ́ gonyẹ́ nyánam.

Ẹ́fịsọsapụ 1:18

A tẹ́ghẹ̄arị ḅẹẹ ọmịna tẹ́mẹ́ findi sị ọmịnị ori baá ma arịị, o nimi bẹ ḅara o go ọ sị tọ́rụ́ dighinyẹ, ọ pịghị mini ori tọ́ntọ́apụ pịrị karịibima anị dụḅa na anị ḅụ́gbérépuma láa ḅara,

Ẹ́fịsọsapụ 3:8

Tamuno tọ́ntọ́apụ mamgba ḅụ irịị ịrụ́ḅam, anịsọ Tamuno pa mị opuma nyẹ́la fịrị ma pa i pịrịm ḅẹ́ a muu dugho wásáma Juughaapụ ma pịrị Krais ḅụ fịnị sị tumḅọ ine dọghụpágháma ḅofámábịghaa ngọ,

Filipaiapụ 3:7

Kụ́ma a pa sọnyẹ kiẹbe nyẹ ma gonyẹ́ gonyẹ́, anịị a pa faá kịẹnyẹ Krais sịbị goo.

Hiburuapụ 10:33

Jẹ́ sáá imi, ámáogbo anịị nnị o wiri sị pịghị ọmịnị mbasị, jẹ́ sáá ọ pịghị ọ ḅụ pa nwọfịnị sii árịarịapụ ma na gbolomam.

Hiburuapụ 10:35

Ọ mịnị ọmịna biekpọma pa ngúmá ma tegó anị opu gbẹ́nyẹ pa ḅo ḅom.

Hiburuapụ 11:6

Minini ofori gbẹ́rẹ́ḅọ sọ ine Tamuno tẹ́mẹ́ mịẹḅẹ́lẹ́mabịgha, Tamuno damaḅoarị ḅo gonyẹ́ gonyẹ́ mininibẹm ḅẹ́ Tamuno imi, ori o pịghị ịnyọsua ọ tẹ́ghẹ̄arịapụ gbẹgbẹm.

Hiburuapụ 13:13

Anịgo, wamịnị o dama mú nụ́ngọbie ma ḅụ sị ọ́ nana ḅụ́gịrịrị ma daa.

Hiburuapụ 2:2

Ḅọ́rọ́ sookumuapụ ma pa wámịna tádọ́apụ fịrịma oku ma ḅo kiriakị nḅẹḅẹ́, anịị mịẹ irimaapụ pịghị anị osighaapụ nna karakárá fomḅara nyánaḅom.

1 Pita 1:11

Nnị warị ḅụ́kọ́rọ́ma dọghụ, sa ma láa bẹ sa, anị pịghị tọrọ́ pa ḅo bẹ. Mị́sa ma anị n ḅụ fịnị Krais Tẹ́mẹ́ ḅara tụ́ghụ́máarị, die pághámaarị Krais árị bẹ tọ́rụ́siarị pịghị anị dua bẹ ipine.

1 Pita 4:14

Bieḅẹlẹ ọmịnị a nyẹ, n ḅọ́rọ́ ọ dughosima ḅẹ́ ọmịnị Krais asọduaapụ ẹrẹ́sị, mịma dughoarị ḅẹ́ ipine Tẹ́mẹ́ ma anịị Tamuno Tẹ́mẹ́ ma ọmịna ḅụbie ngáarị.

Puu Findi 2:9

A ọmịna ḅụḅáláḅálá nimim; a pịghị ọmịna ịgónyí nimim anịsọ ọ pa ngọ nyánam! A nimim nnị ọ ḅụ ḅụ dugho síí ẹ́gẹ́rẹ́, ḅẹ́eapụ ḅẹẹ nnị Juuapụ kụ́ma nnị Juuapụgha; nnị anịị Satanị kubiri ogbo!

Puu Findi 3:18

A ọmịnị againmam, ḅẹ́ ọmịnị i ḅara odoḅala fẹ́ẹ, n fịnịbie dọ́ghụ́ma yóri yóri odoḅala sị ọmịnị ála sọọ bẹ ḅara. Pịghị pị́na pị́na bịtẹ fẹ́ẹ sị pa ọmịna ḅụ sua sị ọmịna ḅụ́gịrịrịma papa ḅụ ma gbẹ́ẹ̄ bẹ ḅara. Pịghị pulo fẹ́ẹ sị pa ị tọ́rụ taa, si i ine nyẹ árị bẹ ḅara.