Hiburuapụ 10:36 - Ibani New Testament

³⁶ Í ingịrịma nyáná na ibim, si ị ine Tamuno tọ́nyẹ mịẹbẹ ḅara, si o minini nyẹ mamgba nyánáḅoo.

Hiburuapụ 10:36 ပူးပေါင်းရင်းမြစ်များ

Matiu 10:22

Túminị́ mamgba tarịgha ḅụ ọmịnị na fịnịbẹm i sịbị go, kụ́ma sẹ kụ́rọ muu kunema láa ḅo dụaḅọ́rọ́ma nyánábẹm.

Matiu 12:50

Ḅẹẹ i Daá sobie fịnịḅọ ma ḅụḅẹ́lẹ́nyẹ mịẹarịḅọ gonyẹ́ gonyẹ́ anị tumḅọ ma anịị ị́yẹ́ amịna owiḅọ, ị́yẹ́ amịna ọ́rụ́ḅọ na pịghị ị́yẹ́ nyingiḅọ.>>

Matiu 21:31

<> Nnị pagharam, <> Jizọs warị dugho n pịrị ḅẹẹ, <

Matiu 24:13

Kụ́ma sẹ kụrọ muu kunema láa ḅo dụaḅọ́rọ́ma nyánábẹm.

Matiu 7:21

<< pa i sịapụ mamgbagha ásẹ́mẹ́kiri ma sọbẹm, kụ́ma ị́yẹ́ Daá sobie fịnịḅọ ma binyẹ mịẹḅọ gonyẹ́ gonyẹ́.

Ibi Oku Ma Mak Anị Gịẹ Ḅara 3:35

I daa ma binyẹ mịẹḅọ gonyẹ́ gonyẹ́, n ḅo anịị ị́yẹ́ mịná owiḅọ na ị́yẹ́ amịna ọ́rụ́ḅọ na pịghị ị́yẹ́ nyingiḅọ.>>

Ibi Oku Ma Luk Anị Gịẹ Ḅara 21:19

Sẹ́ kụ́rọ, anịsáa ị ịḅụ duaḅọ́rọ́mabẹm.

Ibi Oku Ma Luk Anị Gịẹ Ḅara 8:15

Ibikiri ḅụ kóró sịmgbọlụ ma sẹ oku ma naapụ pịrịm sị ibi na pịghị bịpị osii tẹ́mẹ́bie pa anị kokom, anị warị ngịrịma nyáná wárii sị ḅo sịmgbọlụ suam.

Ibi Oku Ma Jọn Anị Gịẹ Ḅara 7:17

Ḅọ́rọ́ Tamuno binyẹ mịẹ dọghụḅọ fịnịfịnị n dọghụ pághámaḅobẹm ḅọ́rọ́ ị́yẹ́ dienyẹ ma Tamun ḅara saghị ḅo anịgha a ị́yẹ́ kụ́rọ pa anị diearị.

Fịrị Ḅara 13:22

Tamuno Sọl sịị́ sa, ọ Deviti pa ámányánáḅọ mịẹm. Mị o gboloma sị Tamuno dughonyẹ:

Fịrị Ḅara 13:36

<

Romapụ 12:12

Ị́yẹ́ tọ́rụ́ dighinyẹ ịbieḅẹ́lẹ́ma, ingịrịma nyáná ị́yẹ́ ḅụḅáláḅálá mamgba ḅụ, tẹ́ghẹ̄ sámámgba ḅụ.

Romapụ 12:2

Mịnị tuminikiriapụ dua nnị nyẹ mịẹmịẹ ḅara pa nyẹ mịẹma, kụ́ma wárịso Tamuno biebẹ ọ dima, anịị káara ḅara pa ọmịna kúkúbie dima. Anịsa, o nimibẹm Tamuno ma tọ́nyẹ, ibi nyẹẹ, ọḅụ ḅẹ́lẹ́nyẹ pịghị kpain nyẹ.

Romapụ 2:7

Jẹ́apụ ibinyẹ mịẹmịẹ tórúku mú ḅụ boma na kuu na gbámásó duma bim, nnị ma Tamuno duma gbámásó pa n pịrịbẹm.

Romapụ 8:25

Kụ́ma ḅọ́rọ́ wa tọ́rụdighinyẹ nyáná wamịnị arịgha nyẹ ḅụ, wa ingịrịma nyáná sị anị kurubẹm.

1 Kọrịntịapụ 13:7

Ḅẹlẹma ngịrịma nyána nyẹ gonyẹ́ gonyẹ́ pịrịm, nyẹ gonyẹ́ gonyẹ́ mininim, nyẹ gonyẹ́ gonyẹ́ ḅụ tọ́rụ́ dighinyẹ nyánam, inema nyána nyẹ gonyẹ́ gonyẹ́ pịrịm.

Galesiaapụ 6:9

Ịnyọ wa ḅụ fama ibinyẹ mịẹ ḅụ, tegó wa mịẹ bịpị mumu, sáá ḅobẹm wamịnị anị sịmgbọlụ sughuakị bẹ sáá.

Ẹ́fịsọsapụ 6:6

Ọ mịma mịẹma nnị tọ́rụ́ pa o dighiarị sa ngéré, tegó ọ dọ́ghụm ḅẹ́ nnị ibi ẹrẹ pa ọ sị, kụ́ma ọ mịnị ọ tẹ́mẹ́ gbọrụ pa Tamuno dọghụnyẹ mịẹ, Krais ómóniapụ ḅara.

Kolosiapụ 1:11

Wa pịghị tẹ́ghẹ́arị ḅẹ́ Kị́nị́nyánáḅọ ori ipine kụ́rọ mamgba pa ịnyọ pa ọ ḅụ sua, anị ḅụ ḅọ́rọ́ ọmịnị ine opu ngịrịma na inema nyáná bẹ ḅara, sị bieḅẹlẹ pịghị ọmịna tẹ́mẹ́bie bii.

Kolosiapụ 3:24

O biekóróma ḅẹ́ ọmịnị ilanyẹ nyánáḅobẹm Kị́nị́nyánáḅọ ma ḅara gbẹ́nyẹ ḅara. Kị́nị́nyánáḅọ Krais ma anịị ọ fịrịnwangị pịrịarịḅọ.

Kolosiapụ 4:12

Epafras ọmịna ḅụ́gbẹrẹḅọ pịghị Krais Jizọs fịrịnwangịḅọ fịrịmam ḅẹ́ a obii. Sámámgba ori ọ tẹ́mẹ́ gbọrụ pa ịnyọsua tẹ́ghẹ̄ ọ pịrịarị ḅẹ́ ọ sẹ kụrọ, Tamuno bii ḅara mamgba ḅụ ọ sẹnị tumḅọ láa minini ma ḅụ pịghị tẹ́mẹ́ kụrọ nyáná.

1 Tẹsalonaikaapụ 1:3

Wa tẹ́ghẹ̄ Tamuno Daḅọ ma pịrị sa gonyẹ́ gonyẹ́, wamịnị ọ pa biekórómáarị pịghị dugho ọmịnị ọmịna míníni pa fịrị ḅụ sua ḅara. Ọmịna ḅẹlẹma mịẹsị ọmịnị ibima fịrịnwangị ḅara. Na pịghị ọmịna tọ́rụ́dighi Wányánáḅọ Jizọs Krais ḅụ kụ́rọ sẹ ḅara.

Hiburuapụ 11:39

Mịnaapụ ma n túminí nyánaḅom nna minini ḅụ ḅọ́rọ́, kụ́ma Tamuno minini n pịrịnyẹ ma n nyánaḅogha.

Hiburuapụ 12:1

Wamịnị, wa mị tọgha túminị́ nyanam, wa gbiri ikelekelé si onyẹ́sẹ wa pịrịapụ, anịgo anị ibim ḅẹẹ wa pa ngása, warịị wa pụ́nụ́marịnyẹ gonyẹ́ gonyẹ́ na pịghị wa fángálámaarị sii ma, sị wa pịghị ingịrịma nyána si wámịnị ine kụ́rọ́ma si wámịna tórúku fịnị mangị ma mangịị.

Hiburuapụ 13:21

ibi gonyẹ́ gonyẹ́ ḅụ ḅárásua ọ pịrị, ọmịnị o binyẹ mịẹarị sáá ọ pịghị wámịna duma bie o tẹ́mẹ́ ḅẹlẹma nyẹ mịẹ Jizọs Krais ḅụ ḅọ́rọ́, Boma fịnị pịrịḅọ akị mú ḅẹ́ sa láa. Anị ọkọ fịnịị.

Hiburuapụ 6:12

Wa bighaa o ḅo ịnyọfaapụ sọ, kụ́ma o ḅo mininiapụ kịkáa, inema na minini ḅụ ḅọ́rọ́ Tamuno minini n pịrịnyẹ ma nyáná ḅo bẹapụ.

Hiburuapụ 6:15

Ebraham inema nyanam anịgosi ori ine Tamuno minini o pịrịnyẹ ma nyánaḅom.

Hiburuapụ 6:17

Tamuno ọrẹ dima dimagha duma diepágháma ọrẹ awọ o minini nyẹ nyánáakị bẹapụ pịrị dọ́ghụm gosi o minini n pịrịnyẹ ori ọḅọọ fị pa anị mịẹ kụ́rọ́mam.

Hiburuapụ 9:15

Krais anị ịwọ ọḅọọ ma ḅara saghị ḅoḅọ, sị Tamuno simaapụ ine o minini gbámásó boma ma nyáná bẹ ḅara. Mịma ine kiriakịbẹm ọ fịịmam go, sị siiamịẹnyẹapụ ḅọ́rọ́ma nna siiamịẹnyẹ ḅụ, parị ọḅọọ ma sọ pa imi sa.

1 Pita 1:9

ọmịnị ọmịna biebẹ duma dụaḅọ́rọ́ma nyánáarị gosi, anịma mịẹm sị ọ minini nyáná ọ ḅụ.

1 Jọn 2:17

Tuminikiri ma na anị bie fịnị sị túminị́ tarịarịnyẹ ma, káaḅọ́rọ́arị; kụ́ma Tamuno ma tọ́nyẹ mịẹapụ duma gbámásóbẹm.

Puu Findi 13:10

<>

Puu Findi 14:12

Mịma biiarị ḅẹ́, Tamuno túminị́ inema nyánáa anịị Tamuno ologho ma kokoarịapụ na pịghị sẹ́kụrọ Jizọs pịrịapụ.