Hiburuapụ 10:34 - Ibani New Testament

³⁴ Ọ pịghị ikólinaapụ dua tọ́rụ́siarịm nnị pịghị ọmịna ngọ kaakị sa, ọ pịghị bieḅẹlẹ ḅara pa ọmịna faá ma akịm, tegó o nimim ḅẹ́, ọmịna nyẹ ma nẹ́ngị nyẹ nyánam, pịghị fịnị mú gbámásó láa ḅẹnyẹ.

Hiburuapụ 10:34 ပူးပေါင်းရင်းမြစ်များ

Matiu 19:21

Jizọs pagharam, <>

Ibi Oku Ma Luk Anị Gịẹ Ḅara 10:42

Gbẹ́rẹ́nyẹ ngéré anịị ị binyẹ. Meri karakárányẹ ma sẹ́lẹ́akịmam, gbẹ́rẹ́ḅọ sọ pịghị ine a ḅara anị daákịbịgha.>>

Ibi Oku Ma Luk Anị Gịẹ Ḅara 12:33

Ọmịna nyánányẹ mamgba dẹrị sị igbii ma pa igonyiapụ pịrị, ọmịnị anị ḅụ ḅọ́rọ́ olombịgha igbii sua akpa nyáná ọ ḅụ pịrị, pịghị sobie fabịgha ngọ nyáná bẹ ḅara, furuapụ anịgha ọbịọ fị́nyẹ kikia ḅobịghaa ngaa.

Ibi Oku Ma Luk Anị Gịẹ Ḅara 9:25

Tumḅọ tẹ́ sọnyẹ nyáná ḅo bẹ, ḅọ́rọ́ n ḅọ tuminikiri gbọrụ nyánaḅom, kụ́ma n ḅo ḅụgbọrụ fama?

Fịrị Ḅara 21:33

Sịbịdáaḅọ ma warị Pọl dama mú sị o kuu, warị ḅẹ́ nnị mmẹẹ́ ịkóli pa Pọl kpọọ, ọ warị anịsáa gbíla ḅẹẹ, <>

Fịrị Ḅara 28:20

Anị a go bii nyẹ ḅẹ́ a ọmịnị arịị sị ọ nana ẹ́gẹ́rẹ́kọọ. Karakárányẹ nwọpa anịị nnị ịkóli pa i ḅárásua nyẹ, ori ma gosi, wámịna túminị́ Izirẹlịapụ ọ ḅụ tọ́rụ́ dighinyẹ nyánáḅọ.>>

Fịrị Ḅara 5:41

Nnị ámáḅẹ́rẹ́dughoapụ ma fịnị angaá wáriso sa nnị opuma bieḅẹlẹm ḅẹ́ nnị nkie sua sị, tọ́rụ́siarị naibiapụ pịrịm Jizọs Krais go.

2 Kọrịntịapụ 5:1

Mị́sa wa nimim ḅẹ́ ḅọ́rọ́ wa bie angaá wárị ma mịẹ tuminikiri kaaka, wa Tamuno ḅara saghị ḅo wárị nyánam sobie, túminị́ ḅara pa namaghaa nyẹ, sị fịnị mú gbámásó la bẹnyẹ.

Ẹ́fịsọsapụ 3:1

Mịma gosi, irị Pọl, Jizọs Krais ikólinaḅọ ọmịnị Juughaapụ ma sịbị goo.

Ẹ́fịsọsapụ 4:1

Anịgosi a ọ tẹ́ghẹ̄m ịrị mị́sa ikólinaḅọ a fịrịnwangị Kị́nị́nyánáḅọ ma pịrịarị goo ḅẹ́, ọ duma kọọ Tamuno bi ḅara ḅẹẹ o duma kọọ, ori ọ sị sáá.

Ẹ́fịsọsapụ 6:20

Mịị ibi oku ma gosi, ịrị sẹ oku muḅọ kụ́ma mị́sa ikóliwarịbie a imim. Ọ tẹ́ghẹ̄ i pịrị ḅẹ́ a ine ḅáláfagha ḅara pa ibi oku ma dugho wásámabẹm anị ḅụ́gbẹ́ ḅara.

Filipaiapụ 1:7

Sámámgba ọmịnị i tẹ́mẹ́bie imii anịma gosi anị ḅụ́gbẹm ḅẹ́ a kóróma nyáná ọ pịrị mị́sa a mịẹarị ḅara. Ḅẹẹ ọmịnị mamgba diekiri nyánam Tamuno nyáná i pịrị tọ́rụ́kụrụkụ́rụ́ ma ḅụ, mị́sa a ịkóli bie fịnị sa na pịghị a ịkóli bie ófórigha sa sị pịghị sẹ́kụrọ anị ḅụ pịghị anị mịẹ anị kune nyánáa.

Kolosiapụ 1:5

Minini na ḅẹlẹma ḅụ sághị ḅọ tọ́rụ́ dighinyẹ, sobie n kokowarị ọ pịrịnyẹ, ọ pịghị anị gbolomanyẹ namaa nyẹ karakárá ẹ́gẹ́rẹ́ ma ḅụ anịị ibi oku ma, nnị akuoo

1 Timoti 6:19

Mị ḅara ma nnị tụ́ma ngọ koko nna ḅụ pịrịarị, karakárá sughu isé nyẹ so n pịrịbẹnyẹ ḅoarị sáá ma ḅụ. Anịsáa anịị nnị ine tụ́ma duma nyáná ḅo bẹnyẹ anịị duma ma.

2 Timoti 1:16

Tamuno lolomakúkúbie nyána Onesiforọs wárị pịrị, tegó tọgha sáá ori i tẹ́mẹ́ mịẹ saghịmam, anị pịghị ọ ḅụgịrịrịmagha ḅẹ́ a ikólibie imii.

2 Timoti 2:9

A ibi oku ma dugho wásámam gosi a tọ́rụ́siarịm n pịghị ịkóli pa i ḅara suam sọ́ḅọ́rọ́ ịrị ologho kaa ḅo, kụ́ma Tamuno ẹ́gẹ́rẹ́ ma ịkóli anị ḅụ ofori.

2 Timoti 4:8

Mị́sa sághị bịpị muu karakárá ibiamịẹnyẹ ogunu fịnị ikuruarị anịị Kị́nị́nyánáḅọ ma karakárá ḅẹ́rẹ́kọḅọ ma pa ị pịrịbẹnyẹ anị éné ma, ịrị ngéréghaa, kụma ḅẹlẹma ḅụ ori ḅoo ma kúruarịapụ mamgba.

Hiburuapụ 11:16

Tụ́ma ibiḅaa ama anị n tọ́rụ́ pa dighiarị nyẹ sobie ama ma. Anịma go Tamuno ḅụgịrịrịgha ḅẹ́ nnị nna Tamuno pa osim, tegó ori ama tẹ́lẹ́ma n pịrịmam.

Hiburuapụ 13:14

Bẹ mị tuminikiri wa fịnị gbámásó bẹ ama ofori, wa tọ́rụ́ pa ḅoarị ámá ma dighiarị.

Hiburuapụ 13:3

Ikólibie fịnịapụ pa biekóróma, sọ́ḅọ́rọ́ ọmịnị na nnị na ikólibie ma ḅụ imii, ọ tọ́rụ́siarịarịapụ ma pa biekóróma sọ́ḅọ́rọ́ ọmịnị na nnị na tọ́rụ́siarị ma árịarị.

Hiburuapụ 9:15

Krais anị ịwọ ọḅọọ ma ḅara saghị ḅoḅọ, sị Tamuno simaapụ ine o minini gbámásó boma ma nyáná bẹ ḅara. Mịma ine kiriakịbẹm ọ fịịmam go, sị siiamịẹnyẹapụ ḅọ́rọ́ma nna siiamịẹnyẹ ḅụ, parị ọḅọọ ma sọ pa imi sa.

Jems 1:2

Ḅẹ́ anị o bieḅẹlẹma, tọ́rụ́kịrịkị́rị́ daádighi ọmịna asọ mgbẹsẹ sa.

1 Pita 1:4

anịma gosi, wa nimim ḅẹ́ Tamuno kóróma warị ori a túminị́ pịrị dumafịnị tọ́rụdighinyẹ ma wámịnị anị nyánáḅobẹm. Ọ pa warị ọ́ pịrịm sobie, n ḅụrụbịghaa angaá anịgha síí, anịgha sịghịrị faá.

1 Jọn 3:2

Ị́yẹ́ ibi nangwọapụ, mị́sa wamịnị Tamuno awọ, kụ́ma túminị́ na nimigha wa kịka bẹnyẹ, kụ́ma wa nimim ḅẹ́ Krais ọ ḅụ die sa, wamịnị ọ fịnị ḅara fịnịbẹm, tegó wamịnị ori árịbẹm ọ fịnị ḅara.