Hiburuapụ 10:33 - Ibani New Testament

³³ Jẹ́ sáá imi, ámáogbo anịị nnị o wiri sị pịghị ọmịnị mbasị, jẹ́ sáá ọ pịghị ọ ḅụ pa nwọfịnị sii árịarịapụ ma na gbolomam.

Hiburuapụ 10:33 ပူးပေါင်းရင်းမြစ်များ

1 Kọrịntịapụ 4:9

Ḅẹẹ mị́sa anị ịḅụ fịnị ḅara sọ́ḅọ́rọ́ Tamuno wamịnị nfịrịmaapụ ma pa kunema angaá ma ḅụ wárim, n sịbị ḅẹ́rẹ́pẹ́lẹ́máapụ ḅara ḅẹẹ nnị n kpọ ḅáabẹm kị́nị́mamgba tórúku, sị tuminikiri gbọrụ sookumuapụ na tuminikiriapụ árị bẹ ḅara.

2 Kọrịntịapụ 12:10

Anịgo, Krais sịbị go i bieḅẹlẹm ị́yẹ́ tẹ́mẹ́ oḅuu ḅụ, wirinumo daa, ḅụ́kụro árị, tọ́rụ́siarị arịị, ḅụḅáláḅálá arịị, Krais gosi. Ḅẹẹ i tẹ́mẹ́ oḅuu sáá, anịsáa anịị a kụrọnyẹ.

Filipaiapụ 1:7

Sámámgba ọmịnị i tẹ́mẹ́bie imii anịma gosi anị ḅụ́gbẹm ḅẹ́ a kóróma nyáná ọ pịrị mị́sa a mịẹarị ḅara. Ḅẹẹ ọmịnị mamgba diekiri nyánam Tamuno nyáná i pịrị tọ́rụ́kụrụkụ́rụ́ ma ḅụ, mị́sa a ịkóli bie fịnị sa na pịghị a ịkóli bie ófórigha sa sị pịghị sẹ́kụrọ anị ḅụ pịghị anị mịẹ anị kune nyánáa.

Filipaiapụ 4:14

Kụ́ma ọmịnị ibiḅara mịẹm ḅẹ ọ ḅárásua i pịrịị ị́yẹ́ ḅụḅáláḅálá ma ḅụ.

1 Tẹsalonaikaapụ 2:14

Wámịna Daa awọ, ọ ḅụ pághányẹ anị pịghị Judiya ḅụ fịnị Tamuno sọsị sọsị ma ḅụ pághányẹ, na anị ngá fịnị sị Krais Jizọs ḅụ mininiapụ. Ọmịnị árị tọ́rụ́siarị ma ọmịna amaapụ ma ḅara anịị nnị pịghị árị tọ́rụ́siarị Juuapụ ma ḅara.

2 Timoti 1:8

Anịgosi, ḅụ́gịrịrịma sị wámịna Nyánáḅọ ma gbolomanyẹ dugho págháma; anịgha i dighi ḅụ́gịrịrị ịrị ikólinaḅọ Krais sịbị goo. Anịmanakaragha ị́yẹ́ diekiri ákịị si tọ́rụ́siarị ibi oku ma pịrị Tamuno ịnyọ pa ịḅụ sua lama ḅara ḅụ.

Hiburuapụ 11:26

O mininim ḅẹ́ wirinumo daa Mesaya ma ẹ́rẹ́, sọ́nyẹ so Ijipiti ḅụ fịnị ngọ mamgba nẹngịm. O tọ́rụ́ pa tórúku ḅoarị sọ́nyẹ ma dighiarị.

Hiburuapụ 11:36

Nnị n ḅụ jẹ́apụ kombom, jẹ́apụ fom, jẹ́apụ nnị nna ḅụọ na n ḅara fịnam sị jẹ́apụ pa ịkóli bie sua.

Hiburuapụ 12:4

O sii na soarị owu, na ọ pa pulo osu nyẹ laagha.

Hiburuapụ 13:13

Anịgo, wamịnị o dama mú nụ́ngọbie ma ḅụ sị ọ́ nana ḅụ́gịrịrị ma daa.