Hiburuapụ 10:25 - Ibani New Testament

²⁵ Wamịnị wámịna kobiri ma pa ọḅụ gbima, jẹ́apụ mị́sa mịẹarị ḅara, kụ́ma anị ibim ḅẹ́ wa jụghọ jụghọ mịẹ kụrọma tẹ́lẹ́ma, wa nimi sa ḅẹẹ Kị́nị́nyánáḅọ ma éné kịkịaarị.

Hiburuapụ 10:25 ပူးပေါင်းရင်းမြစ်များ

Matiu 10:15

A karakárányẹ ma dugho ọ pịrịm ḅẹ́ ḅẹ́rẹ́kọ éné ma ḅụ Tamuno tọ́rụ́kụrụkụ́rụ́ nyáná Sodom na Gomora amaapụ pịrị mịná amaapụ ma nẹ́ngịbẹm.

Matiu 18:20

Ḅẹẹ mmẹapụ na tẹ́rẹ́apụ na kubiri sáá ị́yẹ́ ẹ́rẹ́ ḅụ, anị ngaa a nnị na imi.>>

Ibi Oku Ma Jọn Anị Gịẹ Ḅara 12:48

I sịghịapụ gonyẹ́ gonyẹ́ sị mịnị ị́yẹ́ oku mininiakịgha, nna sịbị ḅẹ́rẹ́kọ bẹḅọ nyánam. A kọmaá ẹ́gẹ́rẹ́ ma nna sịbị ḅẹ́rẹ́kọbẹm kunema éné ma ḅụ.

Fịrị Ḅara 16:16

Gbẹ́rẹ́ éné wa tẹ́ghẹ̄ yọ muarị sáá, wa gbẹ́rẹ́ omoni ọ́rụ́ḅọ tụwọ na donam, sitẹ́mẹ́ nyánáḅọ, mịẹsị árị ine tórúku mịẹbẹnyẹ dugho págháma, a pịghị opu igbii mịẹ a nyánáapụ pịrịm, a tórúku mịẹbẹnyẹ dugho pághámarị ḅara.

Fịrị Ḅara 2:1

Dii a mmẹẹ́ si oyi findi Ḅọ́rọ́ Álálị ma ḅoo sáá, mininiapụ mamgba kobirim gbẹ́rẹ́ angaá ḅụ.

Fịrị Ḅara 2:42

Nnị warị sáá ngúmá nfịrịmaapụ ma ḅárabie nyẹ dáwọ pịghị mịẹgbólóma nyáná nnị pịghị mịẹgbólóma nyánam fị́nyẹ ḅụ na tẹ́ghẹ̄ ḅụ.

Fịrị Ḅara 20:7

Ịnyọ́sárá Éné ma ḅupiri, wa kobirim mịẹgbólóma fị́nyẹ ma gosi, Pọl ẹ́gẹ́rẹ́ kọọ túminị́ ma pịrịm, warị pịghị ẹ́gẹ́rẹ́ ma kọọ warịị dii ogbo láa, tegó ori anị ama ma warịsoarị anị ḅụ éné ḅáa.

Romapụ 12:8

ḅọ́rọ́ kị́nị́ tẹ́mẹ́ kụrọma, n ḅọ ọkọ mịẹ. Nyẹ die jẹapụ pịrịarịḅọ gonyẹ́ gonyẹ́ ḅara findi ma pịrị, ḅọ́rọ́ sịbịdá anị ị́yẹ́ dienyẹ i Tẹ́mẹ́ mamgba pa anị mịẹ, ḅọ́rọ́ lolomakúkúbie bieḅẹlẹ pa anị mịẹ.

1 Kọrịntịapụ 11:20

Ó ḅo kobiri sáá, Tọ́ntọ́ fị́nyẹ ma anịị ọ fịarị nyẹ́gha,

1 Kọrịntịapụ 14:23

Ḅọ́rọ́ sọsị gbọrụ ma ḅo kobirim, sị kị́nị́mamgba warị sághị kịrị ḅẹ́lẹ̄ pa ẹ́gẹ́rẹ́kọọ, ḅọ́rọ́ jẹ́ pápáapụ anịgha mininighaapụ wárị sọ ḅo, nnị n ḅẹẹbịgha ḅẹ́ ọmịnị kị́nị́mamgba ọ nọmụarị?

1 Kọrịntịapụ 14:3

Kụ́ma ikiakoroarịḅọ gonyẹ́ gonyẹ́ ẹ́gẹ́rẹ́ túminị́ pịrịarị sị pa ịnyọ pa nna ḅụ sua, nna tẹ́mẹ́ kụ́rọ́ma na pịghị nna bie diinma.

1 Kọrịntịapụ 3:13

Tumḅọ nwángị fịrị fịnị ḅara, kị́nị́ anị árịbẹm Krais ḅo ḅẹ́rẹ́kọ bẹ éné. Anị éné ma ḅụ fịnị ọ́rụ́ḅọ ọ́rụ́ḅọ fịrị ḅara diepághámabẹm; fịnị ma anị daádighibẹm sị tụ́ma sị anị fịnị ḅara die.

1 Kọrịntịapụ 5:4

O kobirimaẹrẹ wámịna Nyánáḅọ Jizọs ẹ́rẹ́ ḅụ a pịghị ọ nana imi ḅara tẹ́mẹ́ ḅụ wámịna Nyánáḅọ Jizọs kụ́rọ ma sọ imi,

Filipaiapụ 4:5

Diin ḅara pa kị́nị́mamgba na ngaa Kị́nị́nyánáḅọ ma ḅọlọgha sáá ḅụ ḅoarị.

1 Tẹsalonaikaapụ 4:18

Anịgo ọ mịị ẹ́gẹ́rẹ ma pa jụghọ jụghọ tẹ́mẹ́ kụ́rọ́ma.

1 Tẹsalonaikaapụ 5:11

Anịgo, ọ jụghọ jụghọ tẹ́mẹ́ kụrọma ọ pịghị ḅárásua jụghọ jụghọ pịrị, mị́sa ọ mịẹarị ḅara ma.

Hiburuapụ 10:24

Wa jụghọ jụghọ bala pịghị ḅárásua jụghọ jụghọ pịrị, ḅẹlẹma diepágháma pịghị ibinyẹ mịẹ.

Hiburuapụ 10:37

Tọ́ndiri ma dugho ḅara ḅụ ḅẹẹ, <

Hiburuapụ 13:22

A ọ tẹ́ghẹ̄m ị́yẹ́ mịnaapụ ḅẹ́ ọmịnị ingịrịma nyáná a gịẹḅọ ọ pịrị tẹ́mẹ́kụ́rọma ábálálá ma pịrị. Mị́sa a gịẹ ábálálá ma opuma nángwọgha.

Hiburuapụ 3:13

Anịmanakaragha ọmịnị ịnyọ pa jụghọ jụghọ ḅụ sua éné gbọrụ. Anịị nnị pa <> sị nyẹ gonyẹ́ gonyẹ́ sị sii oḅori pa kị́nị́ sị mịẹbịgha ḅara sị wa kụ́rọ kúkúbie sua.

Jems 5:8

Ịrịsọ ingịrịma nyánábẹm, ọmịnị ọmịna tẹ́mẹ́bie mịẹ kụ́rọ́ma, Kị́nị́nyánáḅọ ma ḅo ma kikiamam.

1 Pita 4:7

Nyẹ́ gonyẹ́ gonyẹ́ kunema kikiamam, anịgosi ọmịnị ọmịna ḅụ ọlọbẹm, ọ pịghị tọ́rụ́ findiwarịbẹm sị ọmịnị ine tẹ́ghẹ̄ bẹ ḅara.

2 Pita 3:11

Mịnanyẹ ma mị ḅara pa gulugulufama bẹ ḅara ma, ọmịnị anịị tọ́rọ fịnị túminị́ ḅara? Ọ tọ́ntọ́ duma kọọ, pịghị ọmịna ḅụ saghị Tamuno ḅárásua,

2 Pita 3:14

Anịgo ị́yẹ́ ibi nangwọapụ, ọmịnị anị éné ma kúruarị sáá, ọmịnị ọmịna ịnyọ láa ḅara mịẹsị ọmịna ḅụ mịẹ kpainma warị, bịpị ḅụ laagha pa Tamuno tórúku, pịghị ọ nana diin ḅụ fịnị.

2 Pita 3:9

Kị́nị́nyánáḅọ ma o sa ngumabịgha o minini nyẹ mịẹ, jẹ́apụ si ḅara. Tụ́ma ori ngịrịma nyáná ọ pịrịm, dọghụgha gbẹ́rẹ́ḅọ sọ papa fịịfaa, o bim ḅẹ́ kị́nị́mamgba nna sii ḅụ pịghịị.

Judu 1:19

Mịnaapụ ma, anịị puama dighiapụ, nnị nna ojumẹnị tarịarịnyẹ anịị n sumaarịnyẹ, Tọ́ntọ́ Tẹ́mẹ́ ma nyánágháapụ.