Hiburuapụ 10:22 - Ibani New Testament

²² Anịgo wa ibi kúkúbie na karakárá minini pa sọma Tamuno fịnị angaá ḅo, pịghị nnị ibima sịrị maá ḅẹ́rẹ́ḅarasi kúkúbie na pịghị n fíafía mingi pa sịrịmaa oju.

Hiburuapụ 10:22 ပူးပေါင်းရင်းမြစ်များ

Matiu 3:11

<

Ibi Oku Ma Luk Anị Gịẹ Ḅara 1:1

Ị́yẹ́ opu Tiofilọs, kuu ḅụgbẹḅọ, tọghaapụ nna ịnyọ la ḅara mịẹmam sị nyẹ gịẹ diri bie sua, mịẹmáa nyẹ wámịna ogboku bie.

Ibi Oku Ma Jọn Anị Gịẹ Ḅara 3:5

Jizọs pagharam, <

Ibi Oku Ma Jọn Anị Gịẹ Ḅara 8:9

Nnị ọ náa sáá, gbẹ́rẹ́ḅọ gbẹ́rẹ́ḅọ, saghị ọ warị so sọm, parị sẹ́nịapụ ma ḅụ saghị, Jizọs ngéré ḅo kọọ, ọ́rụ́ḅọ ma anị ngá pa sẹ́fịnịarị.

Fịrị Ḅara 22:16

Anịgo ị pịghị tẹ́ go sáá ngumaarị? Saghị sị mingi sara, sị ị́yẹ́ sii siri si bẹ ḅara ịrị ori ẹ́rẹ́ ma sị tẹ́ghẹ̄arị ḅara.>

Fịrị Ḅara 8:21

I diekiri nyánágha wámịna fịrị ma ḅụ tegó ị tẹ́mẹ́ karakáragha Tamuno ma tórúku.

1 Kọrịntịapụ 6:11

Ọmịna ḅụ jẹ́apụ anịị ọ fịnị ḅara; kụ́ma nnị ọ mịẹ fiáfiámamám sii ḅụ; nnị o fóofóo ma Tamuno pịrịmam; Kị́nị́nyánáḅọ Jizọs Krais ma ẹ́rẹ ḅụ nnị o mịẹ karakárámamam; na pịghị wamịna Tamuno ma Tẹ́mẹ́ pa.

2 Kọrịntịapụ 7:1

Ị́yẹ́ ibi nángwọ́apụ mịnanyẹ mamgba n minini pa wa pịrịm, anịgo wa wámịna ḅụ mịẹ fiafiama, wámịna oju anịgha wámịna tẹ́mẹ́ ịlọlịma bẹnyẹ gonyẹ́ gonyẹ́ ḅụ, wa pịghị káara ḅara ḅụ tọ́ntọ́ duma kọọ Tamuno ḅụ.

Ẹ́fịsọsapụ 3:12

Krais na gbẹ́rẹ́ḅụ ḅụ fịnị na wámịna minini ọ ḅụ, wamịnị ine Tamuno tórúku ḅobẹm ḅáláfaghaa ḅụ, pịghị biegbana ḅụ.

Ẹ́fịsọsapụ 5:26

Ọ mịma mịẹm pa Tamuno kubiri ogbo ma fófóoma Tamuno pịrị, ori ẹ́gẹ́rẹ́ ḅụ ḅọ́rọ́, ọ tárị mingi pa anị sịrị fiafiama fama sa.

Ẹ́fịsọsapụ 6:5

Ómóniapụ ọ ḅáláfa na osigha pa tuminikiri ọmịna nyánáapụ dughonyẹ mịẹ, pịghị fíafía tẹ́mẹ́ pa anị mịẹ, sọ́ḅọ́rọ́ ọ fịrịnwangị Krais pịrịarị.

1 Timoti 4:2

Ọkọfịnị nyẹ́die ma dugho wásámáarịapụ anịị mmẹẹ́ a tọ́rụ́ agidi epeletiapụ, nna tẹ́mẹ́bie fịịmam sọ ḅọ́rọ́ nnị ọfịrị ikúlélu pa dọ́ghụ́ma nyẹ.

Taitọs 3:5

ọ wa duaḅọ́rọ́mam, ḅẹgha ḅẹ́ wa mịẹ ọ pịrị ibinyẹ gosi kụ́ma ori lolomakúkúbie ḅụ ḅọ́rọ́ ọ wa ḅọ́rọ́mam. Ọ wa duaḅọ́rọ́mam Tọ́ntọ́ Tẹ́mẹ́ ma ḅụ ḅọ́rọ́, sii ḅụ wa sịrị siḅọ sị ịwọma wa yii na pịghị ịwọ duma pa wa pịrị.

Hiburuapụ 10:1

Mosis ólóghó ma anị ḅoarị nyẹ ma tẹ́mẹ́ kịkam mị nyẹ ma ibinyẹ ma anịgha, tegó anị ine túminị́ duaḅọ́rọ́magha nna sii ḅụ. Kụ́rá gonyẹ́ gonyẹ́ ḅụ n gwarị igwaa ma anị pịghị ine Tamuno damaḅoapụ ma mịẹ fịafịamagha.

Hiburuapụ 10:19

Anịgo, ịyẹa mịnaapụ wamịnị mị́sa ine Opu Tọ́ntọ́ḅa Yọ ma sọmubẹm Jizọs fịị ma gosi, bẹnyẹ bẹnyẹ wamịnị ọ́lọ́gha pa.

Hiburuapụ 11:28

Minini anị ọ mịẹsị Sáḅáḅọ́rọ́ Álálị ma kórómanyẹ, sị bịpị pịrị ḅẹ́ nnị ọmbịnyẹ́ ma pa ḅụ́pọ́ ma ḅụ sánị sị fịị sookumuḅọ ma Izirẹlị parị owiapụ awọ ḅábịgha ḅara.

Hiburuapụ 12:24

O Jizọs dámáḅómam, ịwọ ọḅọọ ma dẹghẹ karakárámaḅọ, na pịghị n sanị ọmbịnyẹ́ ibinyẹ mini Ebẹl ọmbịnyẹ́ nẹ́ngị nyẹ.

Hiburuapụ 4:16

Wa tẹ́mẹ́kụ́rọ nyáná sị sọma Tamuno imine ma fịnị angaá ḅo, tọ́rụ́kụrụkụ́rụ́ fịnị angaá. Anị angaá wa lolomakúkúbie nyánáḅobẹm pịghị tọ́rụ́kụrụkụ́rụ́ dọghụḅọ pa ḅárásua wa pịrị wamịnị anị dọghụ sa.

Hiburuapụ 6:11

Wamịnị opuma biarị nyẹ anịị ḅẹẹ ọmịnị ọmịna tẹ́mẹ́bie o binyẹ ma ọmịnị anị ḅụ sẹ́ mú kunema la si ọmịna tọ́rụ́ dighinyẹ ma ḅo karakárá nyẹ́sọ́beḅara.

Hiburuapụ 7:19

Mosis ólóghó ma bẹnyẹ bẹnyẹ mịẹ kpainmagha. Kụ́ma mị́sa, ibiḅaa tọ́rụ́ dighinyẹ imi wa ḅọ́rọ́ ine sọma Tamuno damaḅo bẹnyẹ.

Hiburuapụ 9:10

Mịná mịẹmịẹnyẹ ma fị́nyẹ na iru na pịghị tọ́rụ́kịrịkị́rị́ oju sịrị nyẹ ngéré gbólómam, mịnanyẹ mamgba anịị ojumẹnị ólóghó, anị kụrọ nyánam ákị mú Tamuno ḅo ịwọ nyẹ akuoo bẹ sa la.

Hiburuapụ 9:19

Mosis parị goo págháma túminị́ ma pịrịm ólóghó mamgba anị fịnị ḅara ólóghó diri ma bie. Anịsáa ọ warị nambulo tụ́wọ pulo na oḅori pulo akị sị mingi pa anị na gwaa na hesop sị ḅara na áwụ bia ánáná osuka pa su su sị pa ólóghó diri ma na anị angaá fịnị túminị́ ma sánị.

Jems 1:6

Kụ́ma i tẹ́ghẹ̄ bẹ sa mịnị mmẹẹ́ tẹ́mẹ́ nyánáma. Mmẹẹ́ tẹ́mẹ́ nyánáarị ḅọ gonyẹ́ gonyẹ́ tọ́rụ́bie fịnị dinọngụ anị n ḅo kịkanyẹ, mingi dighi pịghị fọ́rụ́ ofuro ma ḅọ́rọ́arị nyẹ.

Jems 4:8

Kikia Tamuno damaḅo, ori sọ kikia ọ dámáḅobẹm. Ọmịnị ọmịna ḅara sịrị si siinyẹ bie, ọ pịghị ọmịna tẹ́mẹ́bie mịẹ fiafiama ọmịnị mmẹẹ́ a tọ́rụ́ kingi.

1 Pita 1:2

Nnị ọ sẹ́lẹ́akịm, Tamuno Daḅọ ma níminyẹ ḅụ ḅọ́rọ́, ọ Tẹ́mẹ́ pịghị ọ pa tọ́ntọ́ ḅụ wárị, si ọ Jizọs Krais osii, ọrẹ ọmbịnyẹ́ pịghị ọmịnị sịrị fiafiamaa. Tọ́rụ́kụrụkụ́rụ́ na diin, bí ḅara pa ọmịna nyẹ sọ.

1 Pita 3:21

Mị́ị́ mingi ma sẹ mingi sara pịrịm anị ḅụ ḅọ́rọ́ ọmịnị mị́sa dụaḅọ́rọ́ma nyánam. Mingi sara ma anị pápá ịlọ́lị sịrịsigha oju ḅụ. Anịma anịị ọmịnị ọmịna tẹ́mẹ́bie pa mini Tamuno pịrịnyẹ, ịlọ́lị ọmịna tẹ́mẹ́bie ófórigha ḅụ. Túminị́ mingi sara ḅụ ḅọ́rọ́ dụaḅọ́rọ́ma nyánam Jizọs Krais fịị ḅụ saghị gosi.

Puu Findi 1:5

Na pịghị Jizọs Krais ḅara, karakárá onyésẹ̄ḅọ ma, parị fịị ḅụ saghị ḅọ ori anịị pịghị tuminikiri ámányánáapụ ma táarịḅọ. Ọ wa ḅẹ́lẹ́mam, ori ọrẹ ọmbịnyẹ́ pa wa dụaḅọ́rọ́māmám wámịna sii ḅụ.