Hiburuapụ 10:19 - Ibani New Testament

¹⁹ Anịgo, ịyẹa mịnaapụ wamịnị mị́sa ine Opu Tọ́ntọ́ḅa Yọ ma sọmubẹm Jizọs fịị ma gosi, bẹnyẹ bẹnyẹ wamịnị ọ́lọ́gha pa.

Hiburuapụ 10:19 ပူးပေါင်းရင်းမြစ်များ

Romapụ 5:2

O minini ḅụ wamịnị akuoo mịị Tamuno tọ́rụ́kụrụkụ́rụ́ ma bie suam, wa bie mị́sa duma kọarị nyẹ. Anịgosi wa bịpịkpọm wa tọ́rụ́ dighinyẹ nyánam ḅẹ́, Tamuno ma ipine ḅụ wa diekiri nyánábẹm.

Romapụ 8:15

Tegó Tamuno pa ọ pịrịmaá Tẹ́mẹ́ ma omoni pa ọ mịẹgha, mịẹsị ọ ḅáláfa bẹnyẹ; anịmanakaragha, Tẹ́mẹ́ ma Tamuno awọ pa ọ mịẹm, pịghị Tẹ́mẹ́ ma kụ́rọ ḅụ ḅọ́rọ́ wamịnị owu Tamuno pịrịarị, <>

Ẹ́fịsọsapụ 2:18

Krais ḅụ ḅọ́rọ́ wamịnị kị́nị́mamgba, Juu na Juughaapụ ine Daḅọ ma fịnị angaá ḅobẹm, gbẹ́rẹ́ Tọ́ntọ́ Tẹ́mẹ́ ma ḅụ.

Ẹ́fịsọsapụ 3:12

Krais na gbẹ́rẹ́ḅụ ḅụ fịnị na wámịna minini ọ ḅụ, wamịnị ine Tamuno tórúku ḅobẹm ḅáláfaghaa ḅụ, pịghị biegbana ḅụ.

2 Timoti 1:7

Ḅẹ́ Tamuno pa wa pịrịmaá Tẹ́mẹ́ ma minigha wa ḅáláfaapụ sọọ; tụ́ma ọ Tẹ́mẹ́ ma ịnyọ pa wa ḅụ suam, ḅẹlẹma na pịghị ḅụ ọlọọ.

Hiburuapụ 10:18

Nnị siiḅụḅárási mịnaapụ ma pịrịmaá sáá tumḅọ mịnị siiḅụḅarasipịrị igwaa bibieghaa.

Hiburuapụ 10:35

Ọ mịnị ọmịna biekpọma pa ngúmá ma tegó anị opu gbẹ́nyẹ pa ḅo ḅom.

Hiburuapụ 12:28

Wamịnị ịmịẹḅam pa Tamuno ḅẹẹ, ḅẹẹ wa nnị ine jighemabịgha amadakiri nyánáakịarị. Wa bieḅẹlẹ sị susi Tamuno pịrị anị ọ tẹ́mẹ́ ḅẹlẹma bẹ ḅara, osigha na ḅáláfa na, ḅụ.

Hiburuapụ 3:1

Anịgo ị́yẹ́ tọ́ntọ́ mịnaapụ, Tamuno pịghị ọ ḅara na sịapụ, o Jizọs gboloma kóróma ngéré nyáná nnị nfịrịmaḅọ pa sịḅọ pịghị Tamuno igwagwaá áláḅọ.

Hiburuapụ 3:6

Kụ́ma Krais Tamuno Tụ́wọ, ọ sẹ kụrọm Tamuno wárị ma bie, ori anịị sịbịdáḅọ, wamịnị anịị wárị ma, wa ḅọ́rọ́ wámịna biekpọ na tẹ́mẹ́kụ́rọ ọlọsẹma nḅẹḅẹ́, wa pa ine bịpịkpọ ḅẹnyẹ.

Hiburuapụ 4:16

Wa tẹ́mẹ́kụ́rọ nyáná sị sọma Tamuno imine ma fịnị angaá ḅo, tọ́rụ́kụrụkụ́rụ́ fịnị angaá. Anị angaá wa lolomakúkúbie nyánáḅobẹm pịghị tọ́rụ́kụrụkụ́rụ́ dọghụḅọ pa ḅárásua wa pịrị wamịnị anị dọghụ sa.

Hiburuapụ 7:25

Anịma go ori ine mị́sa pịghị sámámgba ọḅụ ḅọ́rọ́ Tamuno damaḅoapụ ma duaḅọ́rọ́mam o duma gbámásom gosi Tamuno tẹ́ghẹ̄m nna sịbị ọ́gọ́nọ.

Hiburuapụ 9:12

Krais Tamunowarị ma bie ḅọ́rọ́ sáá, gbẹ́rẹ́ sáá ngéré anị ọ pa Opu Tọ́ntọ́ḅa Yọ ma so nyẹ ori oḅori na nambulo pulo pa mugha sị mú igwagwaá kụ́ma ọrẹ pulo anịị ọ pa mú sị gbámásó dụaḅọ́rọ́ma nyáná ḅo wa pịrịnyẹ.

Hiburuapụ 9:3

Mmẹẹ́ kárámá sị n pa Tamunowarị ma ḅụ́pọ́ gbẹ́ẹ̄ bịtẹ ma ọḅụju gbẹ́rẹ́ bie imi anị n pa Opu Tọ́ntọ́ḅa Yọ sị ngaa.

1 Jọn 4:17

Mịị ḅara ma, ḅẹlẹma anị ḅụ mịẹ kpainmamam wámịna bie, wa pịghị ine tẹ́mẹ́kụ́rọ nyánábẹm ḅẹ́rẹ́kọ éné ma, tegó mị tuminikiri ma ḅụ, ọ fịnị ḅára anịị wa fịnị ḅara.