Hiburuapụ 10:14 - Ibani New Testament

¹⁴ Gbẹ́rẹ́ igwa ma anịị o pa nnị mịẹ fiafiama mú gbámásó la nyẹ n sii sịrịsiapụ nna ḅụ.

Hiburuapụ 10:14 ပူးပေါင်းရင်းမြစ်များ

Fịrị Ḅara 20:32

<

Fịrị Ḅara 26:13

Ị́yẹ́ Pẹ́rẹ́, asọogbo, énéḅa so ogbo ogbo anịị a ḅo baá arịị nyẹ bia ịrụa nẹngịma baá sobie saghị ḅoarị nyẹ, bia ikelekele nyẹ na pịghị i nana nyẹ ma muarịapụ ma.

Romapụ 15:16

ḅẹ́ a Krais Jizọs fịrịnwangịḅọ sọọ Juughaapụ ma pịrị sị Tamuno ma igwagwaḅọ ḅara a Tamuno ma ibi oku dugho wásámaarị, Juughaapụ ma warị ḅo Tamuno daakị bẹ agba sọ, Tọ́ntọ́ Tẹ́mẹ́ fófóoma ọ pịrịnyẹ.

1 Kọrịntịapụ 1:2

wa gịẹ pa ọmịnị Kọrịntị ḅụ fịnị Tamuno sọsị ma pịrịm. Tamuno ọ mịẹm sị o ḅo ori tọ́ntọ́apụ sọọ, Krais Jizọs ḅụ ḅọ́rọ́, ọ pịghị mịẹ kị́nị́mamgba pịrị ḅara ngaa mamgba ḅụ, Krais Jizọs ẹrẹ ma sịapụ ḅẹ́ anị ẹ́rẹ́ ma nna Nyáná ḅo pịghị wámịna Nyánáḅọ:

Ẹ́fịsọsapụ 5:26

Ọ mịma mịẹm pa Tamuno kubiri ogbo ma fófóoma Tamuno pịrị, ori ẹ́gẹ́rẹ́ ḅụ ḅọ́rọ́, ọ tárị mingi pa anị sịrị fiafiama fama sa.

Hiburuapụ 10:1

Mosis ólóghó ma anị ḅoarị nyẹ ma tẹ́mẹ́ kịkam mị nyẹ ma ibinyẹ ma anịgha, tegó anị ine túminị́ duaḅọ́rọ́magha nna sii ḅụ. Kụ́rá gonyẹ́ gonyẹ́ ḅụ n gwarị igwaa ma anị pịghị ine Tamuno damaḅoapụ ma mịẹ fịafịamagha.

Hiburuapụ 10:10

Jizọs Krais Tamuno o ḅara binyẹ mịẹm gosi wámịna sii ḅụ, n wa sịrị simam, ori ọḅụ pa gwaa igwaa gbẹ́rẹ́sa, sámámgba pịrị.

Hiburuapụ 10:12

Krais gbẹ́rẹ́ igwagwaá sii gonyẹ́ gonyẹ́ pịrịm, kụrọ sẹ mú ḅẹ sa ḅẹ sa la, anịsa ọ warị kpọrọfịnị Tamuno ma ámáḅara angaá.

Hiburuapụ 13:12

Mịma go, Jizọs sọ ama bie fịịgha, ori ine ori ọmbịnyẹ́ pa n sịrị si bẹ ḅara nna sii ḅụ.

Hiburuapụ 2:11

Ori túminị́ mịẹarịḅọ sị n fíafía, na pịghị ọ miẹmaapụ sị n fíafía nnị kị́nị́mamgba gbẹ́rẹ́ Daḅọ nyáná bẹ ḅara. Anịgosi Jizọs ḅụ́gịrịrịgha nnị sị yọ ḅẹ́ nnị ori a minaowiapụ.

Hiburuapụ 7:19

Mosis ólóghó ma bẹnyẹ bẹnyẹ mịẹ kpainmagha. Kụ́ma mị́sa, ibiḅaa tọ́rụ́ dighinyẹ imi wa ḅọ́rọ́ ine sọma Tamuno damaḅo bẹnyẹ.

Hiburuapụ 7:25

Anịma go ori ine mị́sa pịghị sámámgba ọḅụ ḅọ́rọ́ Tamuno damaḅoapụ ma duaḅọ́rọ́mam o duma gbámásom gosi Tamuno tẹ́ghẹ̄m nna sịbị ọ́gọ́nọ.

Hiburuapụ 9:10

Mịná mịẹmịẹnyẹ ma fị́nyẹ na iru na pịghị tọ́rụ́kịrịkị́rị́ oju sịrị nyẹ ngéré gbólómam, mịnanyẹ mamgba anịị ojumẹnị ólóghó, anị kụrọ nyánam ákị mú Tamuno ḅo ịwọ nyẹ akuoo bẹ sa la.

Hiburuapụ 9:14

Mịma karakárányẹ sáá, Krais pulo mịma nẹ́ngịma nyẹ́ mịẹbịgha? Ori gbámásó Tẹ́mẹ́ ma ḅụ ḅọ́rọ́ ọrẹ oju pa kpain agbā mịẹ Tamuno pịrịm. Ọrẹ pulo wa sịrịbẹm ofori ofori mịẹmịẹnyẹ, ḅụ sị wamịnị ine dumafịnị Tamuno ma tẹ́ghẹ̄ bẹ ḅara.

Judu 1:1

Irị Judu, Jizọs Krais fịrịnwangịḅọ na pịghị Jems numboru owitụ́wọ, mịị diri ma gịẹ pa ọ fịrịmam Tamuno sịmáapụ, pịghị Tamuno Daḅọ ma ḅẹlẹma bie duma kọọapụ, pịghị Jizọs Krais ọ ḅara na kokoapụ.