Hiburuapụ 10:12 - Ibani New Testament

¹² Krais gbẹ́rẹ́ igwagwaá sii gonyẹ́ gonyẹ́ pịrịm, kụrọ sẹ mú ḅẹ sa ḅẹ sa la, anịsa ọ warị kpọrọfịnị Tamuno ma ámáḅara angaá.

Hiburuapụ 10:12 ပူးပေါင်းရင်းမြစ်များ

Ibi Oku Ma Mak Anị Gịẹ Ḅara 16:19

Kị́nị́nyánáḅọ Jizọs nnị na ẹ́gẹ́rẹ́ fama sáá, nnị ori akị sobie múm, sị muu Tamuno amaḅaranga kpọrọfịnị.

Romapụ 8:34

Tụọ anịsa ḅẹ́rẹ́ pa nna ḅarasima bẹ? Krais Jizọs fịịḅọ ma, pịghị fịị ḅụ n saghịma ḅọ ma, ọ pịghị Tamuno ma amaḅara angaá imi, wa sịbị go ọ tẹ́ghẹ̄arị.

Ẹ́fịsọsapụ 5:2

Ḅẹlẹma pịghị ọmịna duma bie ḅẹrẹtọ, Krais sọ wa ḅẹlẹma ḅara sị ọ ḅụ pa ibima kụ́nụ́ agbaa mịẹ na igwagwaá Tamuno pịrị.

Kolosiapụ 3:1

Anịsáa éné éné ọ Krais na fịị ḅụ saghịmáa ḅara, ọmịnị ọmịna tẹ́mẹ́bie pa sobie fịnịnyẹ ḅụ gbánaá Krais Tamuno ámáḅara angaá kpọrọfịnị angaá.

Hiburuapụ 1:3

Tụwọ ma anịị Tamuno ipine ma bia ḅára diepághámaarịḅọ, Ọ Tamuno na kịkam asọ gonyẹ́ gonyẹ́ ḅụ, ọ pịghị ori kụ́rọ nyáná ẹ́gẹ́rẹ́ pa so na kiri ma dighi sẹ́mam, ọ wámịna sii sịrị si faá ma sáá, ọ kpọrọfịnịm Tamuno ámáḅara angaá, kụrọmamgba nyánáḅọ sobie.

Hiburuapụ 10:10

Jizọs Krais Tamuno o ḅara binyẹ mịẹm gosi wámịna sii ḅụ, n wa sịrị simam, ori ọḅụ pa gwaa igwaa gbẹ́rẹ́sa, sámámgba pịrị.

Hiburuapụ 10:14

Gbẹ́rẹ́ igwa ma anịị o pa nnị mịẹ fiafiama mú gbámásó la nyẹ n sii sịrịsiapụ nna ḅụ.

Hiburuapụ 5:1

Igwagwaá áláḅọ gonyẹ́ gonyẹ́ Tamuno n ḅọ sẹ́lẹ́akịm ọ jẹa túminị́ ogbo ḅẹẹ o fịrịwangi Tamuno pịrị nna sịbị, sị ori agba mịẹ pịghị igwagwaá sii pịrị.

Hiburuapụ 5:3

Ori ma so itila ḅara, ma, ori igwa gwaabẹm, túminị́ ma sii ngéréghaa kụ́ma ori igwagwaá ọrẹ a sii sọ pịrịbẹm.

Hiburuapụ 7:27

Ori isi opu igwagwaapụ ma kịkagha, éné gonyẹ́ gonyẹ́ ḅụ ọ parị igwagwaá ọri sii pịrịbịgha, sị pịghị igwagwaá túminị́ ma pịrị, ọ gbẹ́rẹ́ igwagwaá sámámgba pịrịm ori ọrẹ ojumẹnị pa pịrị sa.

Hiburuapụ 8:1

Wa dughoarị nyẹ́mámgba ḅẹarị ḅẹẹ wa ọkọfịnị igwagwaalaḅọ nyánam Opu Tamuno opu imine ma ámáḅara ḅụ kpọrọfịnị ḅo sobie.

Hiburuapụ 9:12

Krais Tamunowarị ma bie ḅọ́rọ́ sáá, gbẹ́rẹ́ sáá ngéré anị ọ pa Opu Tọ́ntọ́ḅa Yọ ma so nyẹ ori oḅori na nambulo pulo pa mugha sị mú igwagwaá kụ́ma ọrẹ pulo anịị ọ pa mú sị gbámásó dụaḅọ́rọ́ma nyáná ḅo wa pịrịnyẹ.

Hiburuapụ 9:14

Mịma karakárányẹ sáá, Krais pulo mịma nẹ́ngịma nyẹ́ mịẹbịgha? Ori gbámásó Tẹ́mẹ́ ma ḅụ ḅọ́rọ́ ọrẹ oju pa kpain agbā mịẹ Tamuno pịrịm. Ọrẹ pulo wa sịrịbẹm ofori ofori mịẹmịẹnyẹ, ḅụ sị wamịnị ine dumafịnị Tamuno ma tẹ́ghẹ̄ bẹ ḅara.