Hiburuapụ 1:14 - Ibani New Testament

¹⁴ Anịsa sookumuapụ ma, nnị ọ tẹ́apụ? Sookumuapụ ma nnị anịị fịrịnwangị Tamuno pịrịarị tẹ́mẹ́, ọ fịrịma sị nnị ḅo fịrịnwangị dụaḅọ́rọ́ma nyánábeapụ pịrị.

Hiburuapụ 1:14 ပူးပေါင်းရင်းမြစ်များ

Matiu 1:20

Kụ́ma ọ sịbịbie kịẹ mịnanyẹ ma pịrịarị sáá, Gbámásóḅọ ma sookumuḅọ ọ ḅụ pa o diem dáwọ́ju, warị ḅẹẹ, <

Matiu 13:41

Tumḅọ yii Tụwọ ma ori sookumuapụ fịrịma pághámabẹm, nnị pịghị ori ásẹ́mẹ́kiri ḅụ siinyẹ mịẹarịnyẹ gonyẹ́ gonyẹ́ na pịghị siinyẹ mịẹarịapụ gonyẹ́ gonyẹ́ isé si.

Matiu 18:10

<<Árị ḅẹẹ i mị dọghụdọghụ awọ ma ḅụ gbẹ́rẹ́ḅọ dighisimagha. Ḅẹẹ a dugho ọ pịrịm ḅẹẹ nna sookumuapụ sámámgba i Daa ma tórúku arịarị sobie. [

Matiu 2:13

Túminị́ ma soo fama sáá, Gbámásóḅọ ma gbẹ́rẹ́ sookumuḅọ ọ ḅụ pa Josẹf diem dáwọ́ju ḅụ, warị ḅẹẹ, <>

Matiu 24:31

Ori opuma fiearị ọdụ pa ori sookumuapụ na fịrịmabẹm, sị nnị ori n sẹlẹakịapụ ma kubiri tuminikiri ínia ọkọlọbị ḅụ, so ma kunema gbẹ́rẹ́ ngaa akị mú jẹ́ láa.

Matiu 25:34

<

Matiu 4:11

Anịsáa ma ḅụ ẹ́kpẹ́dua ma ọ warịsom sookumuapụ warị ḅoo ḅárásua ọ pịrị.

Ibi Oku Ma Mak Anị Gịẹ Ḅara 10:17

Jizọs saghị jẹ́ pa nwángị sáá gbẹ́rẹ́ owitụ́wọ mangị ọ damaḅom, warị o tọ́rụ́kuu ẹkpẹrẹkị sị o gbíla ḅẹẹ, <>

Ibi Oku Ma Luk Anị Gịẹ Ḅara 1:19

Sookumuḅọ ma warị ọ pagharaa ḅẹẹ, <

Ibi Oku Ma Luk Anị Gịẹ Ḅara 1:23

Ọrẹ fịrịnwangị éné kara sáá, ọ warị soo ọ wárị mú.

Ibi Oku Ma Luk Anị Gịẹ Ḅara 16:22

<

Ibi Oku Ma Luk Anị Gịẹ Ḅara 2:13

Buapághá ḅụ tọgha sookumuapụ ḅoo ori na sẹm, n warị núme suu sị Tamuno ma túminíarị ḅẹẹ,

Ibi Oku Ma Luk Anị Gịẹ Ḅara 2:9

Gbámásóḅọ ma gbẹ́rẹ́ sookumuḅọ warị ḅo ọ ḅụ pa n die, Gbámásóḅọ ma ipine warị ngaamamgba kánáma opu ḅáláfa warị ḅo nna bie, sọọ.

Fịrị Ḅara 11:22

Pághárịnyẹ ma muu Jerusalem ḅụ fịnị sọsị ma biri laam, nnị warị Banabas pa Antịọkụ fịrịma.

Fịrị Ḅara 12:23

Anị gbẹ́rẹ́kiri anị Kị́nị́nyánáḅọ sookumuḅọ warị Hẹrọd fom gbi, tegó ọ fịnị Tamuno pịrị kuu ma pa ọ ḅụ pịrịm, ngúle ori oju bie sọm sị ọ pẹẹḅa, ọ warị anị ḅụ ḅọ́rọ́ fịị.

Fịrị Ḅara 12:7

Anị gbẹ́rẹ́kiri anịị gbẹ́rẹ́ sookumuḅọ warị ḅo anị ngaa sẹ nyẹ, baá warị bia ịkóli wárị ma bie, sookumuḅọ ma warị Pita jighe saghịma ori abána ḅụ, warị ḅẹ́, <<Álála saghị!>> Anị gbẹ́rẹ́kiri ịkóli suanyẹ ma pẹlẹ korom ọ ḅara.

Fịrị Ḅara 13:2

Nnị susi Kị́nị́nyánáḅọ pịrị si, ḅurukụ́ma ḅụ tẹ́ghẹ́arị sáá, Tọ́ntọ́ Tẹ́mẹ́ ma dugho nnị pịrịm, Banabas na Sọl sighima i pịrịị, <>

Fịrị Ḅara 16:26

Anị gbẹ́rẹ́kirikiri tuminikiri jighe kiriakịm opuma, mú ikóliwarị ma sughu isé jighema nyẹ. Anị kirikiri ḅụ́pọ́ mamgba findim, nnị pịghị pa ikólinaapụ mamgba kpọ suenị ma pịghị pẹlẹ kóróm.

Fịrị Ḅara 27:23

Bia dii, i Nyáná Tamuno ma pịghị a tẹ́ghẹ̄arị Tamuno ma sookumuḅọ, fịrịma a fịnị ngása ḅom.

Fịrị Ḅara 5:19

Kụ́ma anị dii ma bie Kị́nị́nyánáḅọ sookumuḅọ ma warị mú ịkóli warị ḅụ́pọ́ ma findi sị nnị pághámaḅo warị nnị ḅẹẹ,

Romapụ 11:14

dighidighigha a ine ị́yẹ́ jẹ́ Juuapụ mịẹsị nnị nyẹ́mọ́ni, si anị ḅụ ḅọ́rọ́ nna ḅụ jẹ́apụ dụaḅọ́rọ́ma.

Romapụ 13:6

Mịma go anịị o go ósó igbii gbẹ́ẹ́arị nyẹ, tegó táarịapụ ma nnị anịị Tamuno fịrịnwangịapụ, nna sa mamgba pa taa fịrị ma pịrịmáapụ.

Romapụ 15:16

ḅẹ́ a Krais Jizọs fịrịnwangịḅọ sọọ Juughaapụ ma pịrị sị Tamuno ma igwagwaḅọ ḅara a Tamuno ma ibi oku dugho wásámaarị, Juughaapụ ma warị ḅo Tamuno daakị bẹ agba sọ, Tọ́ntọ́ Tẹ́mẹ́ fófóoma ọ pịrịnyẹ.

Romapụ 15:27

Nnị bieḅẹlẹ ḅụụ anị mịẹm, anịị nnị nna ḅara ọlọ sa. Ḅọ́rọ́ Juughaapụ ma Juuapụ ma tẹ́mẹ́ju karịibima ma ḅụ diekiri nyanam, nnị Juuapụ nna ḅara sa ọlọm sị nna tuminikiri ngọ pa nnị na die.

Romapụ 8:17

Wa Tamuno ma awọ sọmaá ḅara ma, wa pịghị o kóróma ori a túminị́ pịrị karịibima ma nyánábẹm, wa pịghị Krais na nyánábẹm Tamuno kóróma ọ pịrịnyẹ; wa ḅọ́rọ́ Krais ma tọ́rụ́siarị ḅụ diekiri nyánam, wa pịghị ori ipine ḅụ diekiri nyánábẹm.

1 Kọrịntịapụ 1:21

Tamuno ori opu nyẹ́nimi ḅụ mịẹm ḅẹ́ anị opuma ḅụdáa ḅẹ́ túminị́ nna níminyẹ ḅụ ḅọ́rọ́ nnị ḅoo o nimi. Tụ́ma wa dugho wásámaarị oḅori oku ma ḅụ ḅọ́rọ́ Tamuno anị ọ ḅụḅẹlẹ ḅara ḅụ mininiapụ ma duaḅọ́rọ́mam.

2 Kọrịntịapụ 9:12

Ḅẹẹ mị́sa ọ nwángị fịrị ma Tamuno túminị́ ngéréghaa ọmịnị nnị pálịma nyẹ mịẹ pịrịapụ, kụ́ma anị ḅụ ḅọ́rọ́ tọgha boma ḅọ́rọ́ mú Tamun laarị.

Galesiaapụ 3:29

Ọmịnị ḅọ́rọ́ Krais nyẹ nḅẹḅẹ́, ọmịnị Ebraham awọ. Ọ Tamuno mini karịibima ma nyánáḅobẹm.

Galesiaapụ 3:7

O nimiḅo ḅẹẹ, karakárá Ebraham furoawọ anịị minini nyánáapụ ma.

Galesiaapụ 3:9

Anịgo wamịnị arịm ḅẹẹ, minini nyánáapụ gonyẹ́ gonyẹ́ karịibima nyánábẹm nnị Ebraham karịibima ḅara ori minini gosi.

Ẹ́fịsọsapụ 3:6

Mịị ḅọghunyẹ ma dughoarị ḅẹ́ ibi oku ma ḅụ ḅọ́rọ́ Juughaapụ na Juuapụ na diekiri nyánam Tamuno karịibima ḅụ, nnị gbẹ́rẹ́apụ oju ma ḅụ pịghị diekiri nyánam, Tamuno Krais Jizọs ḅụ ḅọ́rọ́ minini nyẹ ma ḅụ.

Filipaiapụ 2:17

Didighigha nnị ị́yẹ́ ọmbịnyẹ́ pa ọmịna minini mịẹ pa Tamuno pịrị ágbáa ma ḅụ karị sárábẹm anị ḅọ́rọ́ ọkọfịnị fịnị. I bieḅẹlẹm ḅẹ a ọmịnị kị́nị́mamgba na bieḅẹlẹ.

Filipaiapụ 2:25

A sịbịbie kiẹarị ḅẹ́ a sima Epaforoditọs wámịna numboru owitụ́wọ pa ọ fịrịma ibima fịrịnwangimaaḅọ pịghị iju owusọ máaḅọ ori ma pịghị ọmịna oku muḅọ sọm o nyána i pịrịarị ḅárásua gosi.

2 Tẹsalonaikaapụ 1:7

ọ pịghị ịnyọ́sárá pa ọmịnị tọ́rụ́siarịarịapụ ma pịrịbẹm na pịghị wamịnị sọ. Ọ mịma mịẹbẹm Kị́nị́nyánáḅọ Jizọs sobie ọ ḅụ die bẹ sáá ori na ori opukuro sookumuapụ.

Taitọs 3:7

sị ori tọ́rụ́kụrụkụ́rụ́ ḅụ ḅọ́rọ́ wa karakárá ibiamịẹnyẹapụ sọ́bẹm Tamuno ma fịnị angaá, sị ḅo wa tọ́rụ́dighi gbámásó duma ma nyáná.

Hiburuapụ 10:11

Juuapụ igwagwaḅọ gonyẹ́ gonyẹ́ ọrẹ fịrịnwangị nwángịm éné mamgba sị pịghị gbẹ́rẹ́ igwa ma gwaa tọgha tọgha sáá ḅụ kụ́ma mịná igwaa ma sii sịrị siigha.

Hiburuapụ 2:3

Anịsa, wa tọ́rọ́ pa fomḅarabie wa ḅụ ḅọ́rọ́ma ḅẹ́, ḅọ́rọ́ wamịnị mịị opu dụaḅọ́rọ́ma ma dighi tọ́rụ́sim? Wámịna Nyánáḅọ Jizọs anịị parị mịị oku ma dugho págháma ḅọ, ọ bịpị anị naapụ onyẹ́sẹ wa pịrịm ḅẹ́ oku ma karakárányẹ.

Hiburuapụ 5:9

Nnị o mịẹ kpainma sa, ọ warị anị ḅụ ḅọ́rọ́ gbámásó dụaḅọ́rọ́ma pa ọ dughonyẹ mịẹapụ gonyẹ́ gonyẹ́ pịrị.

Hiburuapụ 6:12

Wa bighaa o ḅo ịnyọfaapụ sọ, kụ́ma o ḅo mininiapụ kịkáa, inema na minini ḅụ ḅọ́rọ́ Tamuno minini n pịrịnyẹ ma nyáná ḅo bẹapụ.

Hiburuapụ 6:17

Tamuno ọrẹ dima dimagha duma diepágháma ọrẹ awọ o minini nyẹ nyánáakị bẹapụ pịrị dọ́ghụm gosi o minini n pịrịnyẹ ori ọḅọọ fị pa anị mịẹ kụ́rọ́mam.

Hiburuapụ 8:6

Kụ́ma mị́sa nnị igwagwaḅọ fịrị pa Jizọs pịrịmam, nna angaá nyẹ ma nẹ́ngị nyẹ, anị gbẹ́rẹ́ ḅara ma Jizọs sua gboloma ọḅọọ ma Tamuno na ori a túminị́ ogboku ibiḅam tegó nnị ibiḅaa mini nyẹ ḅụ anị wárim.

Hiburuapụ 9:28

Anị gbẹ́rẹ́ ḅara ma n Krais pa igwa gwam gbẹ́rẹ́ sáá sị ọ tọgha tọghaapụ sii sịrị si. O pịghịma ḅobẹm mmẹẹ́ kárámá sa, sii gosigha, kụ́ma ori o kúruarịapụ ma dụaḅọ́rọ́ma bẹ ḅara.

Jems 2:5

O pughu, ị́yẹ́ ibi mịnaapụ, Tamuno mị tuminikiri siminiapụ ma sẹ́lẹ́akịm sị nnị opuma minini nyánáapụ sọ sị nnị ma pịghị amadakiri ma nyáná bẹapụ sọ, Tamuno minini ọ ḅẹlẹmaapụ ma pịrịnyẹ.

1 Pita 1:12

Tamuno diepágháma mịná ikiakoroapụ ma pịrịm ḅẹ́, nna fịrị ma anị nna ḅárákū sọ́nyẹ sọ n pịrịbịgha kụ́ma anị sọọ nyẹ sọ ọmịnị pịrịbẹm, n pịghị dugho sị ọ náa maá oku ma ókumuuapụ ma bịpị, anịị n sobie saghị fịrịma ḅo Tọ́ntọ́ Tẹ́mẹ́ pa dugho ibi oku. Mịnanyẹ ma anị sookumuapụ ma so bii nyẹ nnị akanyaḅo.

1 Pita 1:4

anịma gosi, wa nimim ḅẹ́ Tamuno kóróma warị ori a túminị́ pịrị dumafịnị tọ́rụdighinyẹ ma wámịnị anị nyánáḅobẹm. Ọ pa warị ọ́ pịrịm sobie, n ḅụrụbịghaa angaá anịgha síí, anịgha sịghịrị faá.

1 Pita 3:7

Anị gbẹ́rẹ́ ḅara ma, ọmịnị deeapụ akanyaḅo pa ọmịna taapụ na ngaa, nimi ḅẹ́ nnị kụrọ ọ́ nana gbasịgha, osigha pa n pịrị, tegó nnị sọ pịghị ọ́ nana Tamuno ḅara ọ nyánáḅọ duma ma nyáná bẹ ḅara. Ọ mịma mịẹsị bẹnyẹ bẹnyẹ ọmịna tẹ́ghẹ̄ mgbesẹbịgha ḅara.

Judu 1:14

Enọkụ, ḅụọ ḅụọ ḅụ sọ́nọ́ma kárámáḅọ Adam ḅụọ ḅụ, anị mị íkia ma kórónyẹ Ḅọlọmaa sáá, anị mgbọloma ḅara ḅẹẹ, <

Puu Findi 5:6

Anịsáa a warị gbẹ́rẹ́ ánáná tụwọ arịị sẹ́fịnịarị nyẹ imine ma ogboku, dumafịnị ínia nyẹ ma na sẹ́nịapụ ma anị ikelekelemam. Ánáná tụwọ ma fịnị ḅara sọ́ḅọ́rọ́ nnị anị ḅaamam, anị sọ́nọ́ma ikpangi na sọ́nọ́ma tọ́rụ́ nyanam anịị Tamuno sọ́nọ́ma Tẹ́mẹ́ ma, n pa tuminikiri gbọrụ fịrịma maá nyẹ.