Galesiaapụ 6:8 - Ibani New Testament

⁸ Tumḅọ ḅọ́rọ́ nḅọ ojumẹnị tárịnyẹ dipi dipi anị ḅụ ḅọ́rọ́ nḅọ fịị sughuḅobẹm, kụ́ma nḅọ ḅọ́rọ́ Tẹ́mẹ́ ma ḅụ dipi dipi nḅọ anị ḅụ ḅọ́rọ́ gbámásó duma sughuḅobẹm.

Galesiaapụ 6:8 ပူးပေါင်းရင်းမြစ်များ

Matiu 19:29

Pịghị warị warịsomáaḅọ gonyẹ́ gonyẹ́ anịgha mịná owiapụ anịgha ẹ́rẹ́mịnaapụ anịgha daapụ anịgha nyingiapụ anịgha awọ anịgha duakiri i sịbị gosi, sọ́nọ́a si kiri pa anị nẹ́ngị nyẹ nyánábẹm sị pịghị gbámásó duma nyánáḅobẹm.

Matiu 25:46

<>

Ibi Oku Ma Luk Anị Gịẹ Ḅara 18:30

ḅẹẹ mịị tuminikiri ḅụ nnị anịma nẹ́ngịma nyẹ nyánábẹm, sị pịghị ḅoarị sáá ma ḅụ duma gbámásó.>>

Ibi Oku Ma Jọn Anị Gịẹ Ḅara 4:14

kụ́ma a pịrịbẹ mingi ma ḅuu ḅọ gonyẹ́ gonyẹ́ n ḅo pụghọ mịnị jẹ́ pa sámụ́nọbịgha. A pịrị ḅuu bẹ mingi karakáráma mingi du igbe dighibẹm n ḅo bie, sẹnị sị duma gbámásó pịrịbẹnyẹ.>>

Ibi Oku Ma Jọn Anị Gịẹ Ḅara 4:36

Mị́sa ori duasughuarịḅọ ma gbẹ́nyẹ nyanaḅoarị, n ḅọ pịghị sịịmgbọlụ kobiri pa duma gbámásó pịrịarị, sị dụadipiḅọ na pịghị ori duasughuḅọ nnị mamgba bieḅẹlẹ dụrụkụbẹm.

Ibi Oku Ma Jọn Anị Gịẹ Ḅara 6:27

Fịrịnwangị síi bẹ fị́nyẹ ma pịrịma kụ́ma fịrịnwangị fịnị muu gbámásó duma láa bẹnyẹ pịrị, Tumḅọ yii Tụwọ ma pa ọ pịrịbẹnyẹ, tegó ori ma anịị Tamuno Daḅọ ma ḅara pụnụ pịrịmaá ḅọ pa die ḅẹ́ ori anịị kụ́rọ pa ọ pịrịḅọ.>>

Romapụ 13:14

Tụ́ma bịtẹ sua ḅara Kị́nị́nyánáḅọ Jizọs Krais ma sua si mịnị sịbịbie kiẹma ị ḅara warị ojumẹnị ma biiarị siinyẹ pa anị pịrịbẹ ḅara.

Romapụ 6:13

Ọmịnị ọmịna oju gbẹ́rẹ́ angaá sọ saghị sii pịrịma ḅẹ́ nnị anị pa sii fịrị nwángị. Anịmanakaragha ọmịnị nnị fịị ḅụ ḅọ́rọ́ma duma bie suaapụ, ọmịnị ọ ḅụ pa Tamuno pịrị, ọmịnị ọmịna oju gbọrụ mamgba saghị Tamuno pịrị sị nnị anị pa karakárá ibiamịẹnyẹ fịrịnwangị.

Romapụ 6:23

Fịị anịị sii gbẹfịnyẹ, kụ́ma Tamuno diepịrịnyẹ anịị duma gbámásó wámịna Nyánáḅọ Krais Jizọs bie.

Romapụ 8:11

Ḅọ́rọ́ fịị ḅụ Jizọs Krais saghịma Tamuno Tẹ́mẹ́ ma ọmịna biebẹ ngam, anịsa ori Krais saghịma ḅọ fịị ḅụ pịghị duma pa ọmịna fịị bẹ ojumẹnị ma pịrịbẹm. Ọ Tẹ́mẹ́ ọmịna oju bie ngáarị nyẹ ma ḅụ ḅọ́rọ́ mịma mịẹbẹm.

Romapụ 8:13

Ḅẹẹ ọ duma kọ ọmịna ojumẹnị ma dọghụarị ḅara, ọ fị́ị́bẹm; kụ́ma ḅọ́rọ́ ọ Tẹ́mẹ́ ḅụ ọmịnị ojumẹnị siiamịẹnyẹ ma ḅa nḅẹḅẹ́ o dumabẹm.

Romapụ 8:6

Ojumẹnị ma ḅẹrẹtọ pịrị fịị dighiḅọ ḅom; Tẹ́mẹ́ ma ḅẹrẹtọ pịrị duma na diin dighiḅọ dighiḅom.

1 Kọrịntịapụ 15:42

Mịị anị fịnị bẹ ḅara n fịịapụ saghịma bẹ sáá fịị ḅụ. Nnị dipi oju ma ḅụrụ́bẹm, nnị anị saghịma sáá anị mịnị ḅụrụbịghaa.

Galesiaapụ 6:7

Oḅori pa ịḅụ sịma, Tamuno kombo bẹḅọ ofori, tumḅọ dipinyẹ anịị nḅọ sughu bẹnyẹ.

1 Timoti 1:16

Kụ́ma mịma gosi Tamuno tọ́rụ́kụrụkụ́rụ́ nyáná i pịrịm, sị ịḅụ ḅọ́rọ́ siiapụ mamgba ḅụ siiḅáapụ, Krais Jizọs ọrẹ kunema nyanagha ngịrịma ma diepághámam pa ọ ḅụ ḅoo minini bẹapụ ma die ọ ḅụ minini sị gbámásó duma nyáná.

Taitọs 3:7

sị ori tọ́rụ́kụrụkụ́rụ́ ḅụ ḅọ́rọ́ wa karakárá ibiamịẹnyẹapụ sọ́bẹm Tamuno ma fịnị angaá, sị ḅo wa tọ́rụ́dighi gbámásó duma ma nyáná.

Jems 3:18

Diin miẹmiẹapụ sị diin dipi pịghị karakárá ibiamịẹnyẹ sughu sughum túminị́ ma ogbobie.

2 Pita 2:12

Kụ́ma, mịná nyẹ́dieapụ ma fịnị ḅara sọ́ḅọ́rọ́ pirinama, kóróma nyánágháapụ. Nnị n yiim ḅẹ́ nnị nku si n ḅáa. Nnị wirinumo pa nnị akanyaḅogha nyẹ wirim. Nnị pirinama ḅáa ḅara pa n ḅáabẹm.

2 Pita 2:19

Nnị ḅara na ḅụ nyáná mini mịná túminị́ ma pịrịm, kụ́ma nnị omoni so kị́nị́ḅáa duma pịrịm. Ine tumḅọ sọ́ḅányẹ gonyẹ́ gonyẹ́ anị ḅo omoni sọ anị nyẹ ma pịrịm.

Judu 1:21

Ọ Tamuno ḅẹlẹma ḅụ ọmịna ḅụ warị ọmịnị Wányánáḅọ Jizọs Krais kụ́rụ́arịsa ḅẹ́ o ḅọ sị duma gbámásó pá ọ́ pịrị ori lolomakúkúbie ḅụ.

Puu Findi 22:11

Siinyẹ mịẹarị ḅo gonyẹ́ gonyẹ́ pa fịnị siinyẹ mịẹ, ịlọlịfịnị ḅo gonyẹ́ gonyẹ́ pa ịlọ́lị fịnịị, ibi tumḅọ gonyẹ́ gonyẹ́ pa fịnị ibinyẹ mịẹ, tọ́ntọ́ fịnị ḅo gonyẹ́ gonyẹ́ pa tọ́ntọ́ fịnịị.>>