Galesiaapụ 6:3 - Ibani New Testament

³ Ḅọ́rọ́ tumḅọ sị ḅẹ́, n ḅọ nyẹ ḅụ imi, nḅọ nyẹ ḅụ ófórigha sáá, anị tumḅọ ma oḅori pa nḅọ ḅụ sịarị.

Galesiaapụ 6:3 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 18:11

Farisiiḅọ ma warị fofoo sẹ sị tẹ́ghẹ̄ ḅẹẹ,

Fịrị Ḅara 5:36

Ọ kọkọ biekóróma ḅọ́rọ́ma ndẹa kụ́rá ḅụ, Tiyudas págháḅom, ḅẹ́ ori ọ́ gbẹ́rẹ́ kụrọ tumḅọ, túminị́ a ndẹ́ẹ pịghị o duam, kụ́ma nnị ọ ḅám, ori ọḅụduaapụ ma so gálágálá, kị́nị́ mịnị anị asọduaapụ ma ọwụ naagha.

Romapụ 12:16

Diin ḅụ kị́nị́mamgba na ngaa. Opuamịẹnyẹ mịẹma, kụ́ma mịẹkụ oforiapụ ma na nangwọ mịẹ. Nyẹ́nimiḅọ ḅara pa ịḅụ arịma.

Romapụ 12:3

Tamuno ma ori tọ́rụ́kụrụkụ́rụ́ ḅụ ḅọ́rọ́ pa die i pịrịnyẹ gosi, a dugho ọmịnị kị́nị́mamgba pịrịarị ḅẹ́ gbẹ́rẹ́ḅọ sọ kóróma ma ḅẹ́ n ḅọ opuma duḅamam, n ḅọ ọkọ fịnịgha sa, anịmanakaragha ḅụsímínímá ị́yẹ́ kóróma ḅụ, pịghị ḅẹ́rẹ́kọ ịḅụ pịrị Tamuno ma pa ị pịrị minini láa ḅara ḅụ.

1 Kọrịntịapụ 13:2

A ine ikiakoro dienyẹ ma nyánábẹm, a ine akanyaḅo nyánábẹm, sị ḅọghunyẹ gonyẹ́ gonyẹ́ akanyaḅo; a ine minini mamgba nyánábẹm a pa ine opu tụ́ndụ́ sumasi bẹnyẹ, kụ́ma a ḅẹlẹma nyanagha nyanagha, ịrị papanyẹ.

1 Kọrịntịapụ 3:18

Ọmịnị oḅori pa ọmịna ḅụ sị ma. Ḅọ́rọ́ o kórómam mḅẹ́ḅẹ́ ḅẹẹ tuminikiri asọ ḅụ ọ nyẹ́nimim ọ tụ́ma oḅori sọọ sị ọmịnị ibima nyẹ́nimi bẹ ḅara.

1 Kọrịntịapụ 8:2

Sịḅọ ḅẹẹ ọ nyẹ nimim, karakárá ma nimigha ọ nimi na ibiḅara.

2 Kọrịntịapụ 12:11

A oḅori ḅara pa nyẹ mịẹarị, kụ́ma ọmịnị anịị ị mịẹnyẹ, ọmịnị anịị i túminí na ibinyẹ, a ḅọ́rọ́ ḅẹnyẹ ḅẹnyẹ ḅụ ofori sọ, ọmịnị pa opuma <> sịapụ ma, nnị gbẹ́rẹ́ asọ ḅụ sọ ibi inẹ́ngịgha.

2 Kọrịntịapụ 3:5

Wámịna ḅụbie ḅẹnyẹ ḅẹnyẹ ofori, mịẹsị wa go ine dughoarịnyẹ ḅẹẹ, wa ine mị fịrị ma nwángịbẹm. Wa nyáná ịnyọ ma Tamuno ḅara anị́ị́ anị sághị ḅo nyẹ.

Galesiaapụ 2:6

Nna ḅụ jẹ́apụ fịnịapụ sọ́ḅọ́rọ́ nnị sịbịdaapụ a mịma dughoarị tegó a jẹ́ kịrịnyẹ arịgha nna ḅụ na pịghị jẹ́apụ ḅụ; Tamuno ọ ḅẹ́rẹ́kọkọgha túminị́ tọ́rụ́ pa árịarị nyẹ ḅụ ḅọ́rọ́. Nna sịbịdaapụ ma ḅụ gbẹ́rẹ́ḅọ sọ nyanagha n ḅárị bẹnyẹ a dugho pághámaarị ibi oku ma ḅụ.

Galesiaapụ 2:9

Jems, Pita na Jọn kubiri ogbo ma ákịapụ ḅẹ́ nnị sịbịdaapụ arịḅom ḅẹ́ Tamuno mịị opu fịrị ma pa i pịrịmam, nnị ịrị na Banabas ḅara dam, pa die ḅẹ́ wamịnị mamgba fịrị ma nwángị gbólomaarị, n minim ḅẹ́ ịrị na Banabas Juughaapụ ma ogbobie fịrịnwangị, nnị warị Juuapụ ma ogbobie fịrịnwangị.

2 Timoti 3:13

Kụ́ma sị a túminị́ na oḅori pa kịnịsịapụ gbẹ́rẹ́ sii ḅụ akị muu siḅaá angaá nyẹ ḅụ sọọbẹm, oḅori pa jẹ́apụ sịarị jẹ́apụ pịghị oḅori pa nna ḅụ sịarị.

Jems 1:22

Ọmịnị oḅori pa ọ ḅụ suama ḅẹ́, ọmịnị ọrẹ ẹ́gẹ́rẹ́ ma naábẹm, kụ́ma ọmịnị anị pa fịrị ḅụ suabịgha.

Jems 1:26

Ọmịna bie sịḅọ imi ḅẹ́ nḅọ Tamuno nimim, kụ́ma ine nḅọ ḅẹ́lẹ̄ ọlọgha, anị tumḅọ ma Tamuno nimi ọ́ papanyẹ, n ḅo oḅori pa n ḅo ḅụ siim.

1 Jọn 1:8

Ḅọ́rọ́ wa ḅẹ́ sii wámịna ḅụ ofori, wamịnị oḅori pa wa ḅụ sịarị, karakáráma sọ wámịna bie ofori.