Galesiaapụ 6:14 - Ibani New Testament

¹⁴ Ịrị ọkụ́ma Tamuno minini ma ḅẹ́ a jẹ́nyẹ pa bịpịkpọ wámịna Nyánáḅọ Jizọs Krais mgbẹsẹ sị́ ma sima, anị ḅụ ḅọ́rọ́ tuminikiri ma fịịmam a fịnị angaá, a pịghị fịịmam tuminikiri ma fịnị angaá.

Galesiaapụ 6:14 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 20:16

O ḅo anị owiapụ ma ḅaabẹm sị vainị duakiri ma ḅọ́rọ́ma jẹ́ ọkọapụ pịrị.>> Túminị́ ma mịma náa sáá, n dughom ḅẹẹ, <>

Romapụ 1:16

Krais ibi oku ma i ḅụgịrịrịmagha, tegó anịma anịị Tamuno kụ́rọ ma, mininiapụ gonyẹ́ gonyẹ́ duaḅọ́rọ́maarị nyẹ, parị Juuapụ ma na pịghị Juughaapụ.

Romapụ 6:2

Ọkọfịnị nyẹ ofori! Wa fịị sii pịrịmam, wa tegósi pa anị bie duma kọ bẹ?

Romapụ 6:6

Wa nimim ḅẹ́ wámịna olom ojumẹnị ma nnị anị na Krais ḅaupálịm mgbẹsẹ sị́ ọ́gọ́nọ, sị n siiamịẹnyẹ ojumẹnị ma guluguluma bẹ ḅara, sị anị ḅụ ḅọ́rọ́ wamịnị jẹ́ pa siiamịẹnyẹ ómóniapụ sọbịgha ḅara

1 Kọrịntịapụ 1:23

Wamịnị ma, wa n ḅaupálị Krais ma dugho wásámaarị, mị oku ma anị Juuapụ iganịmaarị, Juughaapụ ma anị nyẹ ḅụ oforighaa nyẹ sọm;

1 Kọrịntịapụ 15:58

Anịgosi, ibi ijẹa mịnaapụ, ọ sẹ kụrọ, minima gbẹ́rẹ́nyẹ sọ ọ jighema ma. Sámamgba ọ mịnị ọmịna ḅụgbọrụ pa Kị́nị́nyánáḅọ fịrị ma pịrị, tegó o nimim ḅẹ́ ọmịna tọ́rụ́siarị Tamuno fịrị ma ḅụ papa faghaa.

1 Kọrịntịapụ 2:2

A ọ́ nana fịnị sáá, a tẹ́mẹ́bie dighim ḅẹẹ a ị́yẹ́ kóróma pa ḅẹnyẹ ḅẹnyẹ ḅụ warịbịgha kụ́ma, Jizọs Krais na pịghị ori fịị, mgbẹsẹ sị́ ma ọ́gọ́nọ.

1 Kọrịntịapụ 3:21

Anịgosi gbẹ́rẹ́ḅọ sọ bịpịkpọ ma tumḅọ ine mịẹbẹnyẹ ḅụ. Karakárányẹ ḅụ nyẹ gonyẹ́ gonyẹ́ ọ́ ọmịna nyẹ.

2 Kọrịntịapụ 11:12

A pa a mịẹarịnyẹ ma mịẹbẹm mị́sa, sị isi <> ma n go pa bịpịkpọ ḅẹnyẹ nyánábịgha ḅara, sị dugho ḅẹ́ wa fịrị ma nwángịarị ḅara anịị nnị sọ nwángịarị ḅara.

Galesiaapụ 1:4

Krais ori duma pa igwagwaá wa pịrịm wámịna sii gosi, Tamuno Daḅọ ma bi ḅara.

Galesiaapụ 2:17

Dighi mị́sa wa dọghụarị wamịnị ine Tamuno kuu karakárá ḅụ sẹ bẹ ḅara Krais ḅụ wa nyáná minini ḅụ ḅọ́rọ́. Ḅọ́rọ́ ḅẹ́ nnị wamịnị arịm ḅẹ́ wamịnị siiapụ Juughaapụ ma fịnị ḅara, anịma dugho ḅẹ́ Krais siinyẹ ḅẹ́lẹ́mam? Ọkọfịnịnyẹ ofori.

Galesiaapụ 2:19

Anị ólóghó ma gboloma ḅara ḅụ, a fịị ólóghó ma pịrịm sị a duma Tamuno ma pịrịbẹ ḅára.

Galesiaapụ 2:20

Nnị ịrị na Krais na ḅaupálịmam a pịghị mịnị dúmaghaá, kụ́ma Krais i biebẹ dumafịnịm. Ojumẹnị ma ḅụ a kọarị duma ma, a anị kọm Tamuno Tụ́wọ ma ḅụ a nyáná minini ḅụ ḅọ́rọ́, i ḅẹlẹma ḅọ pịghị i sịbị gosi fịịḅọ.

Galesiaapụ 3:21

Mịma anị die ḅẹ́ ólóghó ma anị Tamuno mini nyẹ na kuragha? Ọkọfịnị nyẹ ofori! Ḅọ́rọ́ tuminikiriapụ duma pịrịbẹ ólóghó nyanaḅomam anị sáá, kị́nị́mamgba karakárá ibiamịẹnyẹapụ sọ́bẹm nnị anị kokoarị sáá.

Galesiaapụ 5:24

Krais Jizọs ḅụ fịnịapụ ma gonyẹ́ gonyẹ́ nna ojumẹnị na anị tarịarịnyẹ ma ḅamam sị ánị fịị.

Filipaiapụ 3:18

Mịma a parị tọgha sáá ḅụ anị dugho o pịrịmam a pịghị owu mingi pa sima anị dugho ọ pịrịarị: ḅẹ́ jẹ́apụ imi nna duma mịẹsị nnị Krais iruonaapụ soom ori fịị mgbẹsẹ sị́ ọgọnọ ḅọ́rọ́.

Filipaiapụ 3:3

Wamịnị anịị karakárá tọ́ngọ̄ pẹ́lẹ́apụ ma nnigha, wamịnị wa Tamuno tẹ́ghẹ̄arị ori Tẹ́mẹ́ ḅụ ḅọ́rọ́, pịghị bieḅẹlẹ nyáná wámịna duma Krais Jizọs bie. Wa tẹ́mẹ́ pa ojumẹnị mịẹ mịẹnyẹ ḅụ gbánāgha.

Kolosiapụ 2:20

Ḅọ́rọ́ ọmịnị Krais na fịịm, si dụapaghama nyáná tuminikiri táarị tẹ́mẹ́ ma ḅụ, o tegósi duma kọarị sọ́ḅọ́rọ́ ọmịnị pa tuminikiri bẹapụ, o tegó mini si mịná ologho ma ọ ḅụ kụ́rọ nyáná?