Galesiaapụ 6:1 - Ibani New Testament

¹ Ị́yẹ́ amịna owiapụ, nnị ḅọ́rọ́ kị́nị́ kuu ọkụ́ma siiamịẹnyẹ ḅụ, ọmịnị Tọ́ntọ́ Tẹ́mẹ́ ma nyánáapụ diin ḅara pa n pa karakárá asọ ma ḅụ warị. Kụ́ma ḅụ ẹbị sị ịrịsọ daádighi bie sọbịgha ḅara.

Galesiaapụ 6:1 ပူးပေါင်းရင်းမြစ်များ

Matiu 11:29

Iyẹ kọ́ngọ sua sị ma sua, sị i ḅara nyẹ dáwọ, ḅẹẹ a diin pịghị ḅụ sitéréma tẹ́mẹ́ nyánam, ọ pịghị ịnyọ́sárá nyáná ḅo ọmịna tẹ́mẹ́ pịrịbẹm.

Matiu 26:69

Pita pa kpọrọfịnịarị sá wárị ma nụ́ngọ ma ḅụ fịrịnwangị gbẹ́rẹ́ ọrụḅọtụ́wọ ọ damaḅom, warị ọ ḅẹẹ, <<Ịrị so kọkọ Jizọs, Galili ḅụ saghị ḅoḅọ ma na imi.>>

Matiu 26:75

Anịsáa Pita warị Jizọs kọọ ẹ́gẹ́rẹ́ pa biekóróma: <<Ọbịọ ma na págháa sáá i tẹ́rẹ́ a sáá pa i pighibẹm.>> Ọ warị pághá nụ́ngọbie muu sị ibima owu.

Matiu 9:13

Kụ́ma muu mịma dughonyẹ nimiḅo: A ḅogha ḅẹẹ a ḅo ibiamịẹnyẹapụ sị, kụ́ma siiamịẹnyẹapụ.>>

Romapụ 14:1

Ori minini kụrọghaḅọ ma daá ḅụ pịrị, kụ́ma ori na nyẹ nụná ma ọ mịẹbẹnyẹ na ọ mịẹbịgha nyẹ.

Romapụ 15:1

Wamịnị kụ́rọ sẹapụ wámịna minini ḅụ ḅárásua nna minini kụrọghaapụ ma pịrị na ibim sị nna ikúnyẹ ma dighi. Wamịnị wámịna bie ngéré mịẹ ḅẹ́lẹ́mabịgha.

Romapụ 8:6

Ojumẹnị ma ḅẹrẹtọ pịrị fịị dighiḅọ ḅom; Tẹ́mẹ́ ma ḅẹrẹtọ pịrị duma na diin dighiḅọ dighiḅom.

1 Kọrịntịapụ 10:12

Ị ḅọ́rọ́ sị ḅẹẹ ị́ ibima sẹ́fị́nịarị ịḅụ ẹbị, sị ịbịghịbịgha ḅara.

1 Kọrịntịapụ 14:37

Siḅọ fịnịfị́nị́ị́ ḅẹ́ n ḅọ ikiakoroḅọ anịgha ibima tẹ́mẹ́ dienyẹ ma nyánam, anị tumḅọ ma nimi ḅẹ́ a gịẹárị nyẹ ma anịị Kị́nị́nyánáḅọ ma tọ ólóghó.

1 Kọrịntịapụ 2:15

Tẹ́mẹ́ ma nyánáḅọ anịị ine nyẹ gonyẹ́ gonyẹ́ ḅụ ḅẹ́rẹ́kọọ bẹnyẹ, kụ́ma gbẹ́rẹ́ḅọ sọ ine ọ ḅụ ḅẹ́rẹ́kọbịgha.

1 Kọrịntịapụ 3:1

Karakárányẹ ḅụ, ịyẹa nángwọ́apụ a ine ẹ́gẹ́rẹ́kọọ ọ pịrịbịgha a ẹ́gẹ́rẹ́kọọ tẹ́mẹ́ ma nyánáapụ pịrịbẹ ḅara; a ẹ́gẹ́rẹ́kọọ ọ pịrịbẹm sọ́ḅọ́rọ́ ọmịnị mị tuminikiriapụ na pịghị káláawọ ọmịna minini Krais ḅụ.

1 Kọrịntịapụ 4:21

I tẹ́ angaá nyẹ ḅẹlẹma? Ị́yẹ́ ḅoo ma a fom nyẹ́ akuoo anịgha ḅẹlẹma na diin tẹ́mẹ́?

1 Kọrịntịapụ 7:5

Ḅuru ḅara ma, o ḅuru pa jụghọ jụghọ ḅáma ma, ḅọ́rọ́ ọmịnị mmẹapụ mininigha ḅẹẹ mịẹ kálá sáátụọ ḅụ ọ fofoobẹm sị ọmịnị sáá ngúmá sị ine tẹ́ghẹ̄ anịsáa ma ḅọ́rọ́maẹrẹ ọ sághị deeḅọ na táaḅọ fịrịnwangị. Mị ḅara ma Satanị ọ dadighibịgha ḅara ọmịnị ine ḅụ ọlọgha gosi.

2 Kọrịntịapụ 10:1

Krais ḅụ fịnị diin na ḅụsímínímá, irị Pọl, anịị mị tẹ́ghẹ̄ bịpị ma pa ọ tẹ́ghẹ̄arị nyẹ, ịrị anịị túminị́ ḅẹ́ sị tọ́rụ́kụ́kụ́ḅọ a ọ nana gbẹ́rẹ́ angaá fịnị sáá, kụ́ma tọ́rụ kụ́rọ a ọ nana gbẹ́rẹ́ angaá ófórigha sáá.

2 Kọrịntịapụ 2:7

Ḅẹ́ mị́sa, o siiḅụḅárasi ọ pịrị sị ọ tẹ́mẹ́ mịẹ kụ́rọ́ma sị opu tẹ́mẹ́sii gbẹ́rẹ́sa o dighiákị so bigha ḅara.

2 Kọrịntịapụ 2:8

Anịgo a ọ́ tẹ́ghẹ̄m ọ mịẹsị o nimi ḅẹ́ ọmịnị ibima ọ ḅẹ́lẹ́mam.

Galesiaapụ 5:23

ḅụ sitéréma na ḅụ ọlọ. Mịma nẹ́ngị nyẹ ólóghó bịpị ḅụ ofori.

Galesiaapụ 6:18

Ị́yẹ́ amịnáapụ, wa Nyánáḅọ Jizọs Krais tọ́rụ́kụrụkụ́rụ́ ọmịnị kị́nị́mamgba náa fịnị. Anị ọkọ fịnị.

1 Tẹsalonaikaapụ 4:1

Kunemaá, wámịna Daa awọ, ọ wámịna ḅara dawọḅomam ọ duma kọọ bẹ ḅara sị anị Tamuno ḅụ ḅẹ́lẹ̄. Mị ḅara ma anịị o duma kọọarị ḅara. Mị́sa wamịnị ọ tẹ́ghẹ̄m opuma ḅẹ́ Kị́nị́nyánáḅọ Jizọs ẹrẹ ḅụ ọmịnị ibi mịma nẹ́ngị ḅara pa duma kọọ.

2 Tẹsalonaikaapụ 3:15

Kụ́ma iruonaapụ ḅara pa nna akịma, kụ́ma n birinụ́nụ́ ọmịna Daa awọ ḅara.

2 Timoti 2:25

diin ḅara pa i nana nụnaapụ ma daatụ́ghụ́ma, tegó Tamuno ine mịẹbẹm si nnị asọ árị sị sii ḅụ pịghị sị karakáráma nimii.

Hiburuapụ 12:13

Gbụ́nụ́nụ́ asọ nwángị si ikúlá ḅụọ ma ikúlá fịnịbịgha ḅara, tụ́ma anị gwọbẹ ḅara.

Hiburuapụ 13:3

Ikólibie fịnịapụ pa biekóróma, sọ́ḅọ́rọ́ ọmịnị na nnị na ikólibie ma ḅụ imii, ọ tọ́rụ́siarịarịapụ ma pa biekóróma sọ́ḅọ́rọ́ ọmịnị na nnị na tọ́rụ́siarị ma árịarị.

Jems 3:13

Ọmịna bie opu nyẹ́nimi pịghị akanyaḅo nyánáapụ imi? Ọmịnị ọkọọ fịnị ibi duma ḅụ pa anị die, ọ ḅụ sitéréma na opu nyẹ́nimi pa ọ mịẹarịnyẹ gonyẹ́ gonyẹ́ mịẹ.

Jems 3:2

Wamịnị mamgba nyẹ mịẹ irima irimam, kụ́ma irimaghaḅọ amịna dugho bịpị ḅụ anị tumḅọ ma anịị kpain ḅo, n ḅọ pịghị n ḅọ oju gbọrụ ma ọlọbẹm.

1 Pita 3:15

Kụ́ma ọmịna tẹ́mẹ́bie, ọ susi Krais pịrị, pịghị kuu pa ọ pịrị Kị́nị́nyánáḅọ ḅara, sámámgba, ọ tẹ́lẹ́ma ọmịnị ine n ḅo pagharaa bẹ ḅara, o gbíla ḅo ḅẹ́ o dughofindi ọmịna bie ọ nyáná tọ́rụ́ dighinyẹ.

1 Jọn 5:16

Ḅọ́rọ́ kị́nị́ amịna mị́naḅọ árị, siinyẹ mịẹ, kụ́ma mị siinyẹ ma fịị dighiḅogha, anị ibim ị Tamuno tẹ́ghẹ̄ n ḅọ pịrị, ine duma pa nḅọ pịrịbẹḅọ. Mịma gbolomaapụ anịị nna sii n dighi mú fịị bie suughaapụ kụ́ma fịị dighiḅọ bẹ sii imi, a ḅẹgha ḅẹ́ ị Tamuno ma tẹ́ghẹ̄ anịma gbólómanyẹ.