Galesiaapụ 5:1 - Ibani New Testament

¹ Krais ḅụ́nyana pa wa pịrịmam. Mị́sa árị ḅẹ́ ọ ḅụ́nyánáapụ ḅara pa fịnịm. Ọ́mị́nị́ jẹ́ pa ómóni sọ ólóghó ma pịrịma.

Galesiaapụ 5:1 ပူးပေါင်းရင်းမြစ်များ

Matiu 23:4

Nnị ikúnyẹ káká pa túminị́ abana gbánām kụ́ma nnị ḅụ gbọrụ dọghụgha nnị gbẹ́rẹ́ ḅara tụmgbọlụ saghị pa anị dighi.

Ibi Oku Ma Luk Anị Gịẹ Ḅara 5:38

Tụ́ma nnị ịwọ iru pa ịwọ iru suanyẹ bie suabẹm.

Fịrị Ḅara 15:10

Anie go, ị tẹ́ go Tamuno daádighi dọghụ, ọmịnị opuma ikúnyẹ pa mininiapụ kuku gbánāarị, wámịna tádọ́apụ na wamịnị ine dighigha ikúnyẹ.

Romapụ 6:14

Sii mịnị ọmịna nyánáḅọ sọbịgha, tegó ọmịnị ólóghó ma sughubie ofori kụ́ma tọ́rụ́kụrụkụ́rụ́ bie.

Romapụ 6:18

Nnị ọ duaḅọ́rọ́mam sii ḅarabie sị ọ karakárá ibiamịẹnyẹ ómóniapụ sọ.

Romapụ 7:3

Anịsáa a mú jẹ́ owiḅọ na fịnịfịnị, deḅọ ma pa dumafịnị sa, nnị amadọghụḅọ pa a sịbẹm; kụ́ma ḅọ́rọ́ deeḅọ fịị nḅẹḅẹ́ a kpọwarị ólóghó ma ḅụ a fiimamam árị mịnị amadọghụḅọgha a ḅọ́rọ́ jẹ́ owiḅọ yaa yaa.

Romapụ 7:6

Mị́sa, anị fịnị ḅara, ólóghó ma ḅárabie wa pághámaḅomam, tegó wa fịị parị ịkóli pa wa suanyẹ ma pịrịmam. Anịgosi wamịnị olom asọ ma duagha n gịẹ kóróma ólóghó ma bịpịsụ́ụ́ angaá, kụ́ma wamịnị ịwọ asọ ma duam Tẹ́mẹ́ ma bịpịsụ́ụ́ angaá.

Romapụ 8:15

Tegó Tamuno pa ọ pịrịmaá Tẹ́mẹ́ ma omoni pa ọ mịẹgha, mịẹsị ọ ḅáláfa bẹnyẹ; anịmanakaragha, Tẹ́mẹ́ ma Tamuno awọ pa ọ mịẹm, pịghị Tẹ́mẹ́ ma kụ́rọ ḅụ ḅọ́rọ́ wamịnị owu Tamuno pịrịarị, <>

Romapụ 8:2

Tegó, Krais Jizọs ḅụ ḅọ́rọ́, Tẹ́mẹ́ ólóghó ma duma pịrịarịḅọ, i dụaḅọ́rọ́māmám, sii na fịị ólóghó ma ḅárabie.

1 Kọrịntịapụ 15:58

Anịgosi, ibi ijẹa mịnaapụ, ọ sẹ kụrọ, minima gbẹ́rẹ́nyẹ sọ ọ jighema ma. Sámamgba ọ mịnị ọmịna ḅụgbọrụ pa Kị́nị́nyánáḅọ fịrị ma pịrị, tegó o nimim ḅẹ́ ọmịna tọ́rụ́siarị Tamuno fịrị ma ḅụ papa faghaa.

1 Kọrịntịapụ 16:13

Ọ tọ́rụ́ kiri láa, sẹ kụrọ minini ma ḅụ, ọ tẹ́mẹ́ kụrọapụ sọ; ọ kụrọ fịnịị.

1 Kọrịntịapụ 7:22

Ḅẹẹ Kị́nị́nyánáḅọ sị maá ómóniḅọ ma n ḅo anịị Kị́nị́nyánáḅọ ḅụ ḅụ nyánámáaḅọ, anị gbẹ́rẹ́ ḅara ma amịna ḅụ nyánámáaḅọ sị Krais sịḅọ, n ḅọ anịị Krais ómóniḅọ.

2 Kọrịntịapụ 11:20

Ọmịnị ngịrịma nyáná omoni pa o mịẹapụ pịrịm anịgha ọmịnị mbasịapụ, anịgha dia tuú ọ pịrịapụ pịrịm, anịgha ọ dighi teremáapụ, anịgha pịghị ḅara findi ọ ḅụ́rọ́apụ ọmịna tórúku.

2 Kọrịntịapụ 3:17

Mị́sa <> ori anịị Tẹ́mẹ́ ma, Kịnịyánáḅọ Tẹ́mẹ́ ma fịnị angaá gonyẹ́ gonyẹ́ asọ pụ́ma nyẹ oforiofori.

Galesiaapụ 2:4

Karakárányẹ ḅẹ́ jẹ́apụ ọkọ dọ́ghụm, oḅori pa kị́nị́ sịarịapụ sọ́ḅọ́rọ́ nnị sọ mininiapụ, mịnaapụ wámịna ogbobie sọḅom ḅọghu ḅara ḅụ, sị n dọghụ pághámaḅo bẹ ḅara wa nyáná ḅụ́nyana wa ḅo Krais Jizọs na gbẹ́rẹ́nyẹ mịẹ sáá, nnị Juuapụ ólóghó ómóniapụ pa wa mịẹ dọ́ghụm.

Galesiaapụ 3:25

Mị́sa minini sa ma ḅo láa maá sáá, ólóghó ma mịnị wa didighiḅọ sọgha.

Galesiaapụ 4:26

Kụ́ma sobie Jerusalem ma omoniḅọgha, árị anịị wámịna nyingiḅọ.

Galesiaapụ 4:31

Anịgosi ịyẹa mịnaapụ, wamịnị ómóni ọ́rụ́ḅọ ma awọgháa, kụ́ma wamịnị anịị furotụ́wọ ọ́rụ́ḅọ ma awọ.

Galesiaapụ 4:9

Mị́sa ọ Tamuno nimimáa sáá (anịgha a dugho bẹ ḅẹ́ Tamuno ọmịnị nimimam) ọ tegósi ọḅụpịrị dọghụ mú kụrọ nyanagha na nyẹ ḅụ ofori tuminikiri táarị tẹ́mẹ́ ma pịrịdọ́ghu. O tégósi mú sima omoni sọ dọghụ?

Galesiaapụ 5:13

Ịyẹa mịnaapụ Tamuno ọ sịmam ḅẹ́ ọ mịnị ómóniapụ sọ ma, kụ́ma ọ minima sị mị́sa ọ nyáná ḅụ nyána ma mịẹsị ọmịna ojumẹnị ḅẹrẹtọ ọ pịrị. Anịmanakaragha ọ ḅẹlẹma ḅụ fịrịnwangị jụghọ jụghọ pịrị.

Ẹ́fịsọsapụ 6:14

Anịgosi ọ tẹ́lẹ́ma fịnịị, karakárá ẹ́gẹ́rẹ́ pa ọmịna kundu kpọọ dii mịẹ, karakárá ibiamịẹnyẹ pa ọmịna kúkúbie gbẹ́ẹ̄ ẹ́fẹ́rẹ́ mịẹ,

Filipaiapụ 1:27

Mịẹnyẹ gonyẹ́ gonyẹ́ ḅụ árị ḅẹ́ ị́yẹ́ duma Krais ibi oku ma na kuram sị ḅọ́rọ́ a ine anịgha a pịghị inegha sị mú ọmịnị arịị a naábẹm ḅẹ ọ kụrọma sẹ́fịnịarị. Gbẹ́rẹ́ tẹ́mẹ́ ḅụ, na pịghị gbẹ́rẹ́nyẹ pụghọ tarị ḅụ, ọmịnị kị́nị́mamgba o sọ gbólomaarị ibi oku ma minini gosi.

1 Tẹsalonaikaapụ 3:8

Tegó ḅẹ́ mị́sa ma ḅụ wa tụmasi dumam, ọ ḅọ́rọ́ sẹ kụrọ ị́yẹ́ Kị́nị́nyánáḅọ na gbẹ́rẹ́nyẹ mịẹ duma ma ḅụ.

2 Tẹsalonaikaapụ 2:15

Anịgosi, wámịna Daa awọ, ọ kụrọ sẹ sị wa pa o die karakáráma ọlọọ kụ́rọ́ma, wámịna dugho wásáma nyẹ ḅụ na pịghị wa gịẹ ábálálá ḅụ.

Hiburuapụ 10:23

Wa ibiḅara pa wa dugho págháma tọ́rụ́ dighinyẹ ma ọlọ, wa nimi sa ḅẹẹ Tamuno ọ minini nyẹ ọ mịẹbẹm.

Hiburuapụ 3:14

Wa ḅo Krais bie diekiri nyánámam, wa ḅọ́rọ́ wámịna tarị minini ma ọlọ kụrọma mú kunema ma láa.

Hiburuapụ 3:6

Kụ́ma Krais Tamuno Tụ́wọ, ọ sẹ kụrọm Tamuno wárị ma bie, ori anịị sịbịdáḅọ, wamịnị anịị wárị ma, wa ḅọ́rọ́ wámịna biekpọ na tẹ́mẹ́kụ́rọ ọlọsẹma nḅẹḅẹ́, wa pa ine bịpịkpọ ḅẹnyẹ.

Hiburuapụ 4:14

Wamịnị dụḅa Igwagwaá Áláḅọ nyánam, sobie sọọmaaḅọ ori anịị Jizọs Tamuno Tụ́wọ ma. Anị wa go wa dugho págháma minini ma ọlọ sẹ́ma bẹnyẹ.

1 Pita 2:16

O duma kọọ furoawọ ḅara, kụ́ma ọmịnị ọmịna furoawọ kiri ma pa ọ mịẹarị siiamịẹnyẹ ma gbẹ́ẹ̄ ma. Kụ́ma ọ duma kọọ Tamuno fịrịnwangịapụ ḅara.

2 Pita 2:19

Nnị ḅara na ḅụ nyáná mini mịná túminị́ ma pịrịm, kụ́ma nnị omoni so kị́nị́ḅáa duma pịrịm. Ine tumḅọ sọ́ḅányẹ gonyẹ́ gonyẹ́ anị ḅo omoni sọ anị nyẹ ma pịrịm.

Judu 1:3

A opuma kórómaarị a diri gịẹ ọ fịrịma wamịnị kị́nị́mamgba nyáná dụaḅọ́rọ́ma gbólómanyẹ ḅụ. Kụ́ma anị ḅoo ịḅụ korom ḅẹ, a ábálálá gịẹ pa ọmịna tẹ́mẹ́ kụrọma, ḅẹẹ ọmịnị owusọọ tórúku mú Tamuno gbẹ́rẹ́sa pa ori a túminị́ pịrị sị pịrị fama minini.

Puu Findi 2:25

Pa ị nyánányẹ ma ọlọ sẹ́ma ákị muu a ḅoo sáá láa.

Puu Findi 3:3

Anịsáa, biekóróma, n pa ọ dienyẹ na ọ pịghị náanyẹ, anị osii, sị pịghịị ọmịna sii ḅụ. Kụ́ma ọ múno ḅụ saghị sẹgha sẹgha a ḅo ọ ḅụ korobẹm fúrúḅọ ḅara ma, ọ pịghị ine nimibịghaa a ḅoo bẹ sáá ma.