Galesiaapụ 4:3 - Ibani New Testament

³ Anịị anị fịnị ḅara wamịnị ịrụ sáá, wamịnị omoni sọ tuminikiri ma táarị tẹ́mẹ́ pịrịm, akị mú wa ḅo sẹnị sa láa tẹ́mẹ́ju.

Galesiaapụ 4:3 ပူးပေါင်းရင်းမြစ်များ

Matiu 11:28

<<Ọmịnị i damaḅo ọmịnị ịnyọ faá sị pịghị nyẹ́ pụ́nụ́maapụ a pịghị ịnyọ́sárá pa ọ pịrịbẹm.

Ibi Oku Ma Jọn Anị Gịẹ Ḅara 8:31

Jizọs warị ọ ḅụ minini Juuapụ ma ḅẹẹ, <<Ọ ḅọ́rọ́ ị́yẹ́ dienyẹ ma ọlọ ọlọ, ọmịnị anịị tụ́ma sị ị́yẹ́ ọḅụduaapụ.

Fịrị Ḅara 15:10

Anie go, ị tẹ́ go Tamuno daádighi dọghụ, ọmịnị opuma ikúnyẹ pa mininiapụ kuku gbánāarị, wámịna tádọ́apụ na wamịnị ine dighigha ikúnyẹ.

Romapụ 7:14

Wa nimim ḅẹ́ ólóghó ma tẹ́mẹ́ ḅụ imi; kụ́ma irị a Tẹ́mẹ́ ḅụ ofori, nnị pa sii dẹrị ómóniḅọ ḅara.

Romapụ 8:15

Tegó Tamuno pa ọ pịrịmaá Tẹ́mẹ́ ma omoni pa ọ mịẹgha, mịẹsị ọ ḅáláfa bẹnyẹ; anịmanakaragha, Tẹ́mẹ́ ma Tamuno awọ pa ọ mịẹm, pịghị Tẹ́mẹ́ ma kụ́rọ ḅụ ḅọ́rọ́ wamịnị owu Tamuno pịrịarị, <>

2 Kọrịntịapụ 11:20

Ọmịnị ngịrịma nyáná omoni pa o mịẹapụ pịrịm anịgha ọmịnị mbasịapụ, anịgha dia tuú ọ pịrịapụ pịrịm, anịgha ọ dighi teremáapụ, anịgha pịghị ḅara findi ọ ḅụ́rọ́apụ ọmịna tórúku.

Galesiaapụ 2:4

Karakárányẹ ḅẹ́ jẹ́apụ ọkọ dọ́ghụm, oḅori pa kị́nị́ sịarịapụ sọ́ḅọ́rọ́ nnị sọ mininiapụ, mịnaapụ wámịna ogbobie sọḅom ḅọghu ḅara ḅụ, sị n dọghụ pághámaḅo bẹ ḅara wa nyáná ḅụ́nyana wa ḅo Krais Jizọs na gbẹ́rẹ́nyẹ mịẹ sáá, nnị Juuapụ ólóghó ómóniapụ pa wa mịẹ dọ́ghụm.

Galesiaapụ 3:19

Mị́sa, ọ tegósi ólóghó ma pịrị, ori anị pa suam pa diepágháma ḅẹ́ irima mịẹnyẹ siinyẹ. Mị ólóghó ma anị fị́nị́ mú Ebraham furo tụwọ ma ḅo bẹ sáá láabẹm, n mịị mini pịrịnyẹ ma minini pịrịḅọ. Sookumuapụ anịị mịị ólóghó ma saghị ḅọ́rọ́ma nyẹ, Mosis warị Tamuno na túminị́ ma ogboku sẹ ḅọ dighi.

Galesiaapụ 4:2

Tụwọ ma pa ịrụ sa, didighiapụ ḅara anịị ọ fịnị sẹ́nị págháḅo daḅọ ma tọ sáá ma la bẹnyẹ.

Galesiaapụ 4:24

Mịnanyẹ ma nyẹ pa nyẹ́tọma ḅụ anị tumḅọ ine anị akanyaḅo bẹnyẹ; mmẹẹ́ ẹ́rẹ́ ma sẹ mmẹẹ́ ọḅọọ pịrịm. Árị tụ́wọ yiiḅọ omoni ḅụ, anịị Haga, árị ma sẹ Tamuno, Mosis na nyána ọḅọọ Sainai tụ́ndụ ọgọnọ pịrịm.

Galesiaapụ 4:25

Haga sẹ Sainai tụ́ndụ pịrịm Arebiya ḅẹrẹtọ yọ ḅụ, mịma sẹ́ mịmgba éné Jerusalem pịrịm anị na anị túminị́ mamgba omoni ḅụ imii.

Galesiaapụ 4:31

Anịgosi ịyẹa mịnaapụ, wamịnị ómóni ọ́rụ́ḅọ ma awọgháa, kụ́ma wamịnị anịị furotụ́wọ ọ́rụ́ḅọ ma awọ.

Galesiaapụ 4:8

Ḅọ́rọ́maa sáá, ọ Tamuno nimigha, anị sáá ọmịnị omoni sọ kịrịkị́rị́ tamuno pa siinyẹ pịrịm, kụ́ma nnị karakárá tamunoghaa.

Galesiaapụ 4:9

Mị́sa ọ Tamuno nimimáa sáá (anịgha a dugho bẹ ḅẹ́ Tamuno ọmịnị nimimam) ọ tegósi ọḅụpịrị dọghụ mú kụrọ nyanagha na nyẹ ḅụ ofori tuminikiri táarị tẹ́mẹ́ ma pịrịdọ́ghu. O tégósi mú sima omoni sọ dọghụ?

Kolosiapụ 2:20

Ḅọ́rọ́ ọmịnị Krais na fịịm, si dụapaghama nyáná tuminikiri táarị tẹ́mẹ́ ma ḅụ, o tegósi duma kọarị sọ́ḅọ́rọ́ ọmịnị pa tuminikiri bẹapụ, o tegó mini si mịná ologho ma ọ ḅụ kụ́rọ nyáná?

Kolosiapụ 2:8

O minima gbẹ́rẹ́ḅọ sọ ofori ofori na oḅori pa kị́nị́ sinyẹ nụná ḅụ ḅọ́rọ́ o kuu pa ịkóli bie sua, anịị tuminikiriapụ nyẹ mịẹmịẹ ḅara ḅụ saghị ḅoarị nyẹ, tuminikiri táarị sitẹ́mẹ́ ḅụ ḅọ́rọ́ kụ́ma Krais ḅara ḅụ saghị ḅogha.

Hiburuapụ 5:12

Mị́sa ma ḅụ ọ nyẹ́dieapụ sọ naibim, kụ́ma ọ pa dọghụarị n pa parị parị Tamuno ẹ́gẹ́rẹ́ ma dawọ nyẹ́ pa o die, ọ kụ́rọ fị́nyẹ fị na ibi sa, ọfịgha, kụ́ma ndomingi anị obiarị nyẹ.

Hiburuapụ 7:16

Nnị igwagwaḅọ pa ọ mịẹm, mị igwagwaá ma anị túminị́ ólóghó na túminị́ nyẹ mịẹmịẹ ḅara duagha, kụ́ma anị kunema nyanagha duma ịnyọ ḅụ saghịḅom.