Galesiaapụ 4:19 - Ibani New Testament

¹⁹ A ḅẹlẹma ibi awọ, yii ọlọ ọ́rụ́ḅọ naarị ákụ ma anị mị́sa a nyáná ọ pịrị jẹ́ ákụ akị mú ọ sẹ́nị ḅo tumḅọ sọ sáá láa Krais bie.

Galesiaapụ 4:19 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 22:44

Opu akụ ḅụ ori ọ tẹ́mẹ́ gbọrụ pa tẹ́ghẹ̄m; ọ ḅụ págharị imoo warị kpọ koroarị ọmbịnyẹ́ ḅara.

Romapụ 13:14

Tụ́ma bịtẹ sua ḅara Kị́nị́nyánáḅọ Jizọs Krais ma sua si mịnị sịbịbie kiẹma ị ḅara warị ojumẹnị ma biiarị siinyẹ pa anị pịrịbẹ ḅara.

Romapụ 8:29

Tamuno sẹlẹakịmaapụ ma, ọ pịghị n fófóoma wárim sị n ḅo ọ Tụwọ fịnị ḅara fịnịị, o Tụ́wọ ma parị nnị yiiḅọ sọ bẹ ḅara tọgha mịnaapụ ogboku.

2 Kọrịntịapụ 12:14

A tẹ́lẹ́mamam ḅẹẹ a ḅo ọ nana dona, mị tẹ́rẹ́ kárámá sáá, a ọ ḅarabie ḅẹnyẹ ḅẹnyẹ bibịẹgha, kụ́ma ọmịnị anịị a binyẹ, ọ nyáná nyẹ́ghaa, ọ́ kọ́kọ́ nimi ḅẹẹ awọamaapụ nna nyingiapụ siḅe na ibighaa, kụ́ma nyingiapụ anịị nna awọ siḅe ḅẹnyẹ.

Ẹ́fịsọsapụ 4:13

sị wamịnị mamgba ḅo bịpị pa ogbo sua gbẹ́rẹ́ minini ḅụ, pịghị bịpị pa ogbo sua Tamuno Tụwọ ma nimi ḅụ, wamịnị sẹ́nịmaapụ ḅara pa nyẹ mịẹbẹm, sẹnị sị mú Krais láa ḅara la.

Ẹ́fịsọsapụ 4:24

ọmịnị ịwọ ḅụ ma suabẹm n Tamuno kịkama sị tẹ́mẹ́nyẹ, anị ḅụ diearịnyẹ karakárá duma ḅụ ibiamịẹnyẹ ḅụ na pịghị tọ́ntọ́ ḅụ.

Filipaiapụ 1:8

Tamuno anịị ị́yẹ́ onyésẹ̄ḅọ ḅẹẹ a karakárányẹ ma dughoarị ḅẹ́ tẹ́mẹ́bie a nyáná ọ pịrị opu ḅẹlẹma ma Krais Jizọs ọḅụ gbọrụ tẹ́mẹ́bie anịị anị saghị ḅo nyẹ́ẹ́.

Filipaiapụ 2:17

Didighigha nnị ị́yẹ́ ọmbịnyẹ́ pa ọmịna minini mịẹ pa Tamuno pịrị ágbáa ma ḅụ karị sárábẹm anị ḅọ́rọ́ ọkọfịnị fịnị. I bieḅẹlẹm ḅẹ a ọmịnị kị́nị́mamgba na bieḅẹlẹ.

Filipaiapụ 2:5

Krais Jizọs nyáná mịẹ mịẹnyẹ ma anịị ọmịnị sọ nyáná bẹnyẹ.

Kolosiapụ 1:27

Nna ḅụ anịị Tamuno bii nyẹ ḅẹ́ o diepágháma Juughaapụ ma ogboku ḅọghunyẹ ma. Mịị ḅọghunyẹ ma anịị, ipine dụḅa láa ḅara na anị ḅụ́gbérépuma láa ḅara, anịị ọmịna bie fịnị Krais ma, anị ọmịna tọ́rụ́ dighinyẹ ḅẹẹ ori ipine ḅụ ọ diekiri nyánábẹm.

Kolosiapụ 2:1

A biim ḅẹ́ ọ nimi a ọmịna sịbị go na pịghị Laodisiya ḅụ fịnịapụ sịbị go a tọ́rụ́siarị fịrịnwangị ọ pịrị lamamáa ḅara na pịghị jẹ́ éné na tọ́rụ́ pa ị́yẹ́ árịghaapụ ma sịbị.

Kolosiapụ 3:10

ịwọ oju ma sua sị árị ḅẹ́ sámámgba ọmịnị iwọarị, ọ pịghị sẹnịarị ḅara ọmịna Tẹ́mẹ́ḅọ nimi ḅụ sị pịghị ọ fịnị ḅara fịnị.

Kolosiapụ 4:12

Epafras ọmịna ḅụ́gbẹrẹḅọ pịghị Krais Jizọs fịrịnwangịḅọ fịrịmam ḅẹ́ a obii. Sámámgba ori ọ tẹ́mẹ́ gbọrụ pa ịnyọsua tẹ́ghẹ̄ ọ pịrịarị ḅẹ́ ọ sẹ kụrọ, Tamuno bii ḅara mamgba ḅụ ọ sẹnị tumḅọ láa minini ma ḅụ pịghị tẹ́mẹ́ kụrọ nyáná.

1 Tẹsalonaikaapụ 2:7

Krais fịrịmaapụ ḅara, wamịnị ine ọ ḅara nyẹ́bibẹm. Kụ́ma wa diin ḅara pa ọ nana mịẹm wamịnị ọ nana fịnị sáá, nyingiḅọ árị awọ siḅearị ḅara.

1 Timoti 1:2

A gịẹ pa ị fịrịmam Timoti, minini ma ḅụ ị́yẹ́ karakárá tụwọ: Tamuno Daḅọ ma na Krais Jizọs wámịna Nyánáḅọ, tọ́rụ́kụrụkụ́rụ́, lolomakúkúbie na diin pa ị pịrị.

Taitọs 1:4

Mị diri ma a gịẹ pa Taitọs fịrịmaarị ị́yẹ́ karakárá tụ́wọ wamịnị mamgba nyáná minima ma ḅụ. Tamuno Daḅọ na Jizọs Krais wámịna Ḅọ́rọ́maḅọ ori tọ́rụ́kụrụkụ́rụ́ na diin pa ọ pịrịị.

Fịlẹmọn 1:10

Á ị tẹ́ghẹ́arị Onisimọs sịbị ọgọ́nọ́, mị́sa tụwọ sọọ i pị́rị́máaḅọ Krais bie, a pa ịkóliwárị ma bie fịnị sa, a ḅo Krais bie daa sọọ ọ pịrịmam.

Fịlẹmọn 1:19

Mịnga nyẹ ma, a ị́ ḅara na gịẹbẹm, ḅẹ́ irị Pọl ị́ gbẹ́bẹm. Á pa i biekórómanaibịgha ḅẹ́ ịḅụgḅọrụ ọ ị́ ḅárabie ị́rị ọlọ sáá.

Hiburuapụ 5:7

Jizọs mị tuminikiri fịnị sáá ọ kụ́rọ owu pụghọ pa ọrẹ tẹ́ghẹ̄ na obiarị nyẹ bim, ine o dụapághámaḅo bẹḅọ fịị ḅarabie, ori ọḅụ siteremam gosi Tamuno sughubie Tamuno o naam.

Jems 1:18

Ọ tọ ḅara ḅụ ọ duma pa wa pịrịm, ori karakárá ẹ́gẹ́rẹ́ ḅụ ḅọ́rọ́ sị wa tarị kiri nyánábeḅara ọ tẹ́mẹ́nyẹ mamgba ḅụ.

1 Jọn 2:1

A mịị diri ma gịẹ ọ fịrịmaarị, ị́yẹ́ awọ, o siinyẹ mịẹbịgha ḅara, kụ́ma siinyẹ mịẹḅọ fịnịfịnị wa sẹ sị Daḅọ tẹ́ghẹ̄arị ḅọ nyanam wámịna sịbị ọgọnọ, ori anịị Jizọs Krais karakáráḅọ ma.

1 Jọn 2:12

A gịẹ ọ fịrịmaarị, ị́yẹ́ ibi awọ, tegó nnị ọmịna sii ḅụ ḅárási ọ pịrịmam Krais sịbị gosi.

1 Jọn 5:21

Ị́yẹ́ ibi awọ ọmịnị ọḅụ fóofóoma n kárá tamuno ḅụ.

3 Jọn 1:4

Mịma nẹ́ngịma bieḅẹlẹ ofori a ḅo náa sa ḅẹ́ ị́yẹ́ awọ karakáráma ḅụ asọ nwángịarị.