Galesiaapụ 4:15 - Ibani New Testament

¹⁵ Ọmịna bieḅẹlẹ parị ma, anị tẹ́ angaá imii tẹ́ pághá sị mịnanyẹ mamgba dima? Ịrị ḅụgbọrụ a ine dughobẹm ḅẹ́ ḅọ́rọ́ ọmịnị ine bẹ ọkụ́ma, ọmịnị ọmịna tọ́rụ́ sọghụ sị, anị pa i pịrịbẹm.

Galesiaapụ 4:15 ပူးပေါင်းရင်းမြစ်များ

Ibi Oku Ma Luk Anị Gịẹ Ḅara 8:13

Dapịrị kiri ḅụ sóórókoro sịmgbọlụ ma sẹ oku ma naapụ ma pịrịm, bieḅẹlẹ ḅara pa anị akị kụ́ma anị kune nyanagha go, nna minini fịnị ḅọlọgha, kụ́ma daádighi ḅọ sáá n bịghị korom.

Romapụ 10:2

A onyẹsẹ́ n pịrịm ḅẹ́ nnị ibima dọghụarị nnị Tamuno ma tẹ́ghẹ̄, kụ́ma nna ibima Tamuno tẹ́ghẹ̄ dọghụma anị tụ́ma níminyẹ ḅụ gbánāgha.

Romapụ 15:13

A tẹ́ghẹ̄arị ḅẹ́, Tamuno ma, tọ́rụ́dighi nyẹ ḅara saghị ḅoḅọ opu bieḅẹlẹ na diin pa ọ pịrị, ọmịnị ọ ḅụ nyáná minini ḅụ ḅọ́rọ́ sị ọmịna tọ́rụ́ dighinyẹ sẹnị tórúku tórúku mú Tọ́ntọ́ Tẹ́mẹ́ ma kụrọ ḅụ.

Romapụ 5:2

O minini ḅụ wamịnị akuoo mịị Tamuno tọ́rụ́kụrụkụ́rụ́ ma bie suam, wa bie mị́sa duma kọarị nyẹ. Anịgosi wa bịpịkpọm wa tọ́rụ́ dighinyẹ nyánam ḅẹ́, Tamuno ma ipine ḅụ wa diekiri nyánábẹm.

Romapụ 9:3

Ịyẹa túminị́ ma gosi, i nana gbẹ́rẹ́ pulo mịná na gbẹ́rẹ́ ojumẹnị. A bibẹm ḅẹ́ a Tamuno si fị́lā pa pịrịḅọ sọ anịị Krais ḅụ, nnị kiẹsiḅọ sọ nna sịbị gosi.

2 Kọrịntịapụ 8:3

A onyẹ́sẹ n pịrịm, nnị, nnị ineḅara pa pịrịm, n pịghị nna ịnyọ nẹ́ngịma ḅara pa pịrịm, kị́nị́ n sumágha pa.

Galesiaapụ 3:14

Krais mịma mịẹm sị Tamuno mini Ebraham pịrị karịibima ma, Juughaapụ ma sọ nyáná ḅo bẹ ḅara Krais Jizọs ḅụ ḅọ́rọ́, anịgo minini ḅụ ḅọ́rọ́ wamịnị ine Tamuno minini Tẹ́mẹ́ ma nyáná ḅo bẹ ḅara.

Galesiaapụ 4:14

Karakárányẹ ḅẹẹ, ị́yẹ́ obi ma, anị ọmịna ḅụ daádighi, kụ́ma ọmịnị i dighisimagha anịgha i sịghịị. Anịmanakaragha ọmịnị i daa kórómam ọmịnị sobie sághị kóróḅo sookumuḅọ daákóróma bẹ ḅara; ọmịnị i daákịm ọ Krais Jizọs daakị bẹ ḅara.

Galesiaapụ 4:16

Mị́sa a ọmịna iruonaḅọ sọ ma, a tụ́manyẹ ma dugho ọ pịrịm gosi?

Galesiaapụ 4:19

A ḅẹlẹma ibi awọ, yii ọlọ ọ́rụ́ḅọ naarị ákụ ma anị mị́sa a nyáná ọ pịrị jẹ́ ákụ akị mú ọ sẹ́nị ḅo tumḅọ sọ sáá láa Krais bie.

Galesiaapụ 5:22

Kụ́ma Tẹ́mẹ́ ma pághámaḅoarị sịmgbọlụ anịị, ḅẹlẹma, bieḅẹlẹ, diin, ngịrịma, ibitẹ́mẹ́ nyána jụghọ jụghọ pịrị ibinyẹ, tẹ́mẹ́ gbánā,

Galesiaapụ 6:4

Fịnịḅọ, fịnịiḅọ ọra mịẹnyẹ daádighi. Anị ibii nḅẹ́ḅẹ́ẹ́ anị sáá ori ine bịpịkpọbẹm ọmiẹmaa nyẹẹ, kụ́ma nna ḅụ pa jụghọ jụghọ na tọmaagha ḅara jụghọ mịẹmáa nyẹ.

Kolosiapụ 4:13

A ine onyẹ́sẹ ọ pịrịbẹm ḅẹ́ ori ịnyọsua fịrịnwangị ọ pịrịarị na pịghị Laodisiya na Herapolis ḅụ fịnịapụ pịrịm.

1 Tẹsalonaikaapụ 2:8

Wa nyáná ọ pịrị ḅẹlẹma gosi, wa tẹ́lẹ́mamam ibi oku ma ngéréghaa wa dugho wásáma ọ pịrị ḅẹnyẹ kụ́ma wámịna duma sọ tegó ọmịnị opuma wa ḅụ nyẹ́lam.

1 Tẹsalonaikaapụ 5:13

Ọ dụḅaḅá kuu pa n pịrị, ọ pịghị n ḅẹlẹma n nwángịarị fịrị ma gosi, ọ pịghị diin ḅụ jụghọ jụghọ na ngaa.