Galesiaapụ 4:11 - Ibani New Testament

¹¹ Anị i tẹ́mẹ́bie ḅụḅáláḅálá pa i pịrịarị bẹ ị́yẹ́ tọ́rụ́siarị mamgba ọmịna ḅụ anị ḅo papanyẹ sọm.

Galesiaapụ 4:11 ပူးပေါင်းရင်းမြစ်များ

Fịrị Ḅara 16:6

Nnị warị Frigiya na Galesia párángáa ḅọ́rọ́ nna mú nyẹ ma muu, tegó Tọ́ntọ́ Tẹ́mẹ́ ma minigha sị nnị Tamuno ẹ́gẹ́rẹ́ ma dugho wásámáa Esiya ḅẹrẹtọ yọ.

1 Kọrịntịapụ 15:58

Anịgosi, ibi ijẹa mịnaapụ, ọ sẹ kụrọ, minima gbẹ́rẹ́nyẹ sọ ọ jighema ma. Sámamgba ọ mịnị ọmịna ḅụgbọrụ pa Kị́nị́nyánáḅọ fịrị ma pịrị, tegó o nimim ḅẹ́ ọmịna tọ́rụ́siarị Tamuno fịrị ma ḅụ papa faghaa.

Galesiaapụ 2:2

A aningáa ma múm tegó, Tamuno ị tọ́rụ́ findim ḅẹ́ a muu. A aningáa fịnị sáá, ngaḅụ, a Tamuno kubiri ogbo ma sịbịdaapụ na ẹ́gẹ́rẹm. Á bim nnị akanyaḅo a dugho wásáma Juughaapụ pịrịarị ibi oku ma, a bigha ị́yẹ́ fịrịị parị sáá, na mị́sa na ḅo papanyẹ sọọ.

Galesiaapụ 4:10

Ọmịnị éné, akalụ́, sáá na kụ́rá kụ́rá bie álálị wárim.

Galesiaapụ 4:12

A ọ tẹ́ghẹ̄m ịyẹa mịnaapụ, ọmịnị; a fịnị ḅara fịnị. Tegó ịrịsọ ọ fịnị ḅará fịnịm. Ọ gbẹ́rẹ́ siinyẹ sọ pa i mịẹgha.

Galesiaapụ 4:20

Anị i tarịarị ḅara sọ́ḅọ́rọ́ mị́sa ma ḅụ a ọ nana gbẹ́rẹ́ angaá imim, a nimi bẹ ḅara a bịpị warị ẹ́gẹ́rẹ kọọ ọ pịrịbẹ ḅara. Ọmịna fịnị ḅara i ḅụ́ḅáláḅálámaarị.

Filipaiapụ 2:16

Ọmịnị duma pịrị oku ma pa n pịrịarị sáá ọ ḅọ́rọ́ ọkọ mịẹmịẹ, a ḅara pụ́nụ́ nyẹ nyánábẹm a goo ọ pa bịpịkpọ ḅẹnyẹ Krais éné ma ḅụ tegó anị diebẹm ḅẹ́ a ịnyọ pa nwángị fịrị mamgba papa faghaa.

1 Tẹsalonaikaapụ 3:5

Anịị a go Timoti fịrịma nyẹ. A mịnị ine anị dagha sáá, a ọ fịrịmam ḅẹ́ o ḅo ọmịna minini gbolomanyẹ dọghụpágháma ḅoo. A ine ịḅụ ọlọgha, ḅụḅáláḅálá pa i tẹmẹ pịrịgha pa ḅẹ́ ẹ́kpẹ́dua ma ọ daádighim si wámịna fịrị mamgba sọ ḅo papanyẹ soarị.

2 Jọn 1:8

Tọ́rụ́ findi warị, sị ị tọ́rụ́siarị gbálanyẹ i ḅara fabịgha ḅara, kụ́ma nnị bii ḅara pa ị gbẹ bẹ ḅara.