Galesiaapụ 3:28 - Ibani New Testament

²⁸ Mị́sa kịrịnyẹ mịnị oforii, Juu anịgha Juughaapụ, ómóniapụ anịgha furoawọ, owitụ́wọ anịgha ọ́rụ́ḅọ, ọmịnị kị́nị́mamgba ọmịnị gbẹ́rẹ́nyẹ Jizọs Krais ḅụ.

Galesiaapụ 3:28 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 10:16

A jẹ́ jẹ́ ánáná nyánam mị ánánásiḅe yọ ma ḅụ gbẹrẹapụghaapụ. A pịghị nna akuoo nyánam. Nnị sọ ị pụghọ naabẹm, anịsáa gbẹ́rẹ́ ánáná kubiri ogbo na gbẹ́rẹ́ ánánákúrúḅọ anịị fịnị bẹnyẹ.

Ibi Oku Ma Jọn Anị Gịẹ Ḅara 11:52

anị sẹ ma ngéréghaa, kụ́ma n gálágáláma warị Tamuno awọ ma, nna akuoo sị n pa gbẹ́rẹ́nyẹ mịẹ.

Ibi Oku Ma Jọn Anị Gịẹ Ḅara 17:11

A mịnị tuminikiri ma ḅụ fịnịbịgha, kụ́ma nnị tuminikiri ma ḅụ imi. A ị damaḅoarị Tọ́ntọ́ Daa, ị́yẹ́ ẹrẹ ḅụ fịnị kụ́rọ ma pa nnị koko, ị pa i pịrị ẹrẹ ma nnị ma gbẹ́rẹ́nyẹ ḅụ fịnị, wamịnị ma sọ gbẹ́rẹ́nyẹ ḅụ fịnị ḅara.

Romapụ 1:16

Krais ibi oku ma i ḅụgịrịrịmagha, tegó anịma anịị Tamuno kụ́rọ ma, mininiapụ gonyẹ́ gonyẹ́ duaḅọ́rọ́maarị nyẹ, parị Juuapụ ma na pịghị Juughaapụ.

Romapụ 3:22

Tamuno túminị́ mịẹm nnị karakárá ibiamịẹnyẹapụ sọ, nna minini Jizọs Krais ḅụ ḅọ́rọ́. Tamuno mịma mịẹ Jizọs Krais ḅụ mininiapụ gonyẹ́ gonyẹ́ pịrịm, tegó kịrịnyẹ sọ ofori,

Romapụ 8:1

Anịgo Krais Jizọs na gbẹ́rẹ́ ḅụ ḅụ fịnịapụ ma, ḅẹ́rẹ́ mịnị nna ḅárasigha.

Romapụ 9:24

Wamịnị anịị ọ sịapụ ma, Juuapụ ma bie ngéréghaa kụ́ma Juughaapụ ma bie so.

1 Kọrịntịapụ 7:14

Ḅẹẹ mininigha deeḅọ ma nnị Tamuno pa n daakị bẹ ḅara ḅụ wárịm nna minini taa ḅụ ḅọ́rọ́ pịghị mininigha táaḅọ ma nnị Tamuno pa a daakị bẹ ḅara ḅụ wárịm nna minini deeḅọ ma ḅụ ḅọ́rọ́. Ḅọ́rọ́ mịma ọkọ fịnịgha, nna awọ Tamuno nímighaapụ fịnị ḅara anịị n fịnị bẹ ḅara; kụma mị́sa anị fịnị ḅara ma nnị Tamuno n daakị bẹ ḅara ḅụ imi.

1 Kọrịntịapụ 7:19

Ḅọ́rọ́ n tumḅọ tọ́ngọ̄ pẹ́lẹ́m anịgha n pịghị anị pẹ́lẹ́gha, anị mịẹnyẹ ofori; nyẹ mịẹnyẹ ḅẹẹ tumḅọ Tamuno ólóghó kokom.

Galesiaapụ 3:14

Krais mịma mịẹm sị Tamuno mini Ebraham pịrị karịibima ma, Juughaapụ ma sọ nyáná ḅo bẹ ḅara Krais Jizọs ḅụ ḅọ́rọ́, anịgo minini ḅụ ḅọ́rọ́ wamịnị ine Tamuno minini Tẹ́mẹ́ ma nyáná ḅo bẹ ḅara.

Galesiaapụ 3:26

Anịgosi ọmịnị kị́nị́mamgba Tamuno awọ sọmam ọmịna minini Jizọs Krais ḅụ ḅọ́rọ́.

Galesiaapụ 4:14

Karakárányẹ ḅẹẹ, ị́yẹ́ obi ma, anị ọmịna ḅụ daádighi, kụ́ma ọmịnị i dighisimagha anịgha i sịghịị. Anịmanakaragha ọmịnị i daa kórómam ọmịnị sobie sághị kóróḅo sookumuḅọ daákóróma bẹ ḅara; ọmịnị i daákịm ọ Krais Jizọs daakị bẹ ḅara.

Galesiaapụ 5:24

Krais Jizọs ḅụ fịnịapụ ma gonyẹ́ gonyẹ́ nna ojumẹnị na anị tarịarịnyẹ ma ḅamam sị ánị fịị.

Galesiaapụ 5:6

Wa ḅo Krais Jizọs na gbẹ́rẹ́nyẹ mịẹ sáá, tumḅọ tọ́ngọ̄ pẹ́lẹ́ na tumḅọ tọ́ngọ̄ pẹ́lẹ́gha na mịẹnyẹ ofori. Nyẹ ḅụ sọnyẹ anịị minini ḅẹlẹma ḅụ ḅọ́rọ́ anị ḅụ die pághámaarị nyẹ.

Ẹ́fịsọsapụ 1:1

Irị Pọl Jizọs Krais fịrịmaḅọ Tamuno ma tọ warị ḅara ḅụ, anịị mịị diri ma gịẹḅọ. A gịẹ pa Ẹ́fịsọs bie fịnị Tamuno tọ́ntọ́apụ fịrịmaarị sẹ kụrọ fịnị sị Krais Jizọs ma duaarịapụ.

Ẹ́fịsọsapụ 4:4

Gbẹ́rẹ́ oju imi, gbẹ́rẹ́ Tẹ́mẹ́ na pịghị gbẹ́rẹ́ tọ́rụ́ dighinyẹ Tamuno go ọ sị nyẹ.

Filipaiapụ 1:1

Irị Pọl na Timoti, Jizọs Krais omoniapụ ḅara anịị mị diri ma sághị ḅo nyẹ́. Nnị gịẹ pa Krais bie fịnị Tamuno túminị́ mamgba fịrịmam Filipai ḅụ fịnịapụ na pịghị sọsị ma sịbịdaapụ na pịghị ḅárásuaarịapụ mamgba:

Kolosiapụ 1:4

Tegó wa namam ọmịna minini Krais Jizọs ḅụ, ọ pịghị nyáná Tamuno túminị́ mamgba pịrị ḅẹlẹma.

Kolosiapụ 3:11

Mịnga Girikiḅọ anịgha Juuḅọ ofori tọ́ngọ̄ pẹ́lẹ́ anịgha tọ́ngọ̄ pẹ́lẹ́ghaḅọ, biaapụ, tọ́rụ́ findighaapụ, ómóniapụ anịgha furoawọ, kụ́ma Krais ori nyẹ́mámgba pịghị nyẹ mamgba ḅụ imii.

1 Timoti 1:12

A ịmịẹḅam pa wámịna Nyánáḅọ Krais Jizọs ḅẹm, ịnyọ pa i pị́rị́máaḅọ sị a ine ị́yẹ́ fịrịnwangị. A ịmịẹḅam pa ọ ḅẹm ori ị́yẹ́ árị ḅara ma ḅẹ́ ori ine ịḅụ tẹ́mẹ́ gbánabẹm, anịgo ori tọọm ḅẹẹ a fịrịnwangị ọ pịrị.

2 Timoti 1:1

Ịrị Pọl, Krais Jizọs fịrịmaḅọ, Tamuno tọ warị ḅara ḅụ, ḅẹ́ a ḅo Tamuno mini wa pịrị duma wa Krais Jizọs ḅụ minini sáá dugho wásámáa.