Galesiaapụ 3:26 - Ibani New Testament

²⁶ Anịgosi ọmịnị kị́nị́mamgba Tamuno awọ sọmam ọmịna minini Jizọs Krais ḅụ ḅọ́rọ́.

Galesiaapụ 3:26 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 1:7

Ori onyésẹ̄ḅọ ḅara pa ḅom sị ọ baá ma gbólómanyẹ dugho págháma bẹ ḅara, sị ọ ḅụ ḅọ́rọ́ túminị́ mamgba minini bẹ ḅara.

Ibi Oku Ma Jọn Anị Gịẹ Ḅara 20:17

Jizọs a ḅẹm, <<Ị́yẹ́ ọlọsẹma ma, na a ị Daa fịnị angaá laagha. Anịmanakaragha muu dugho ị́yẹ́ amịna owiapụ pịrị ḅẹẹ, >>

Romapụ 8:1

Anịgo Krais Jizọs na gbẹ́rẹ́ ḅụ ḅụ fịnịapụ ma, ḅẹ́rẹ́ mịnị nna ḅárasigha.

Romapụ 8:19

Tuminikiri n tẹ́mẹ́nyẹ mamgba tọ́rụ́ asọ ḅụ fịnị ḅara pa kúruarị Tamuno ori awọ ma diepágháma bẹ sa.

2 Kọrịntịapụ 1:1

Irị Pọl, Jizọs Krais fịrịmaḅọ, na pịghị wámịna numboru owitụ́wọ Timoti anịị mị diri ma gịẹ ọ fịrịmaarịapụ, ọmịnị Tamuno sọsị ma Kọrịntị ma bie fịnịapụ na pịghị Tamuno awọ mamgba Akaya gbọrụ ḅụ fịnịapụ.

2 Kọrịntịapụ 6:18

Kụrọmamgba nyáná Kị́nị́nyánáḅọ dugho ḅara, a Daa sọọ ọ pịrịbẹm ọmịnị sọ pịghị ị́yẹ́ owiapụ awọ na ị́yẹ́ ẹ́rẹ́awọ sọ́bẹm.>>

Galesiaapụ 3:28

Mị́sa kịrịnyẹ mịnị oforii, Juu anịgha Juughaapụ, ómóniapụ anịgha furoawọ, owitụ́wọ anịgha ọ́rụ́ḅọ, ọmịnị kị́nị́mamgba ọmịnị gbẹ́rẹ́nyẹ Jizọs Krais ḅụ.

Galesiaapụ 4:14

Karakárányẹ ḅẹẹ, ị́yẹ́ obi ma, anị ọmịna ḅụ daádighi, kụ́ma ọmịnị i dighisimagha anịgha i sịghịị. Anịmanakaragha ọmịnị i daa kórómam ọmịnị sobie sághị kóróḅo sookumuḅọ daákóróma bẹ ḅara; ọmịnị i daákịm ọ Krais Jizọs daakị bẹ ḅara.

Galesiaapụ 5:24

Krais Jizọs ḅụ fịnịapụ ma gonyẹ́ gonyẹ́ nna ojumẹnị na anị tarịarịnyẹ ma ḅamam sị ánị fịị.

Galesiaapụ 5:6

Wa ḅo Krais Jizọs na gbẹ́rẹ́nyẹ mịẹ sáá, tumḅọ tọ́ngọ̄ pẹ́lẹ́ na tumḅọ tọ́ngọ̄ pẹ́lẹ́gha na mịẹnyẹ ofori. Nyẹ ḅụ sọnyẹ anịị minini ḅẹlẹma ḅụ ḅọ́rọ́ anị ḅụ die pághámaarị nyẹ.

Ẹ́fịsọsapụ 1:1

Irị Pọl Jizọs Krais fịrịmaḅọ Tamuno ma tọ warị ḅara ḅụ, anịị mịị diri ma gịẹḅọ. A gịẹ pa Ẹ́fịsọs bie fịnị Tamuno tọ́ntọ́apụ fịrịmaarị sẹ kụrọ fịnị sị Krais Jizọs ma duaarịapụ.

Ẹ́fịsọsapụ 1:5

Tamuno tarị dugho wárịmam ḅẹẹ ọ wa pa ori angaá awọ mịẹbẹm Krais Jizọs ḅụ ḅọ́rọ́, mịị ọ ḅẹlẹma nyẹ pịghị dọghụnyẹ.

Ẹ́fịsọsapụ 5:1

Ọmịnị kọkọ Tamuno kpọma ḅẹlẹma awọ anịgo ọmịnị ọ daa nyẹ mịẹ.

Filipaiapụ 1:1

Irị Pọl na Timoti, Jizọs Krais omoniapụ ḅara anịị mị diri ma sághị ḅo nyẹ́. Nnị gịẹ pa Krais bie fịnị Tamuno túminị́ mamgba fịrịmam Filipai ḅụ fịnịapụ na pịghị sọsị ma sịbịdaapụ na pịghị ḅárásuaarịapụ mamgba:

Filipaiapụ 1:8

Tamuno anịị ị́yẹ́ onyésẹ̄ḅọ ḅẹẹ a karakárányẹ ma dughoarị ḅẹ́ tẹ́mẹ́bie a nyáná ọ pịrị opu ḅẹlẹma ma Krais Jizọs ọḅụ gbọrụ tẹ́mẹ́bie anịị anị saghị ḅo nyẹ́ẹ́.

Filipaiapụ 2:15

Si fu ọ ḅụ labịgha ḅara pịghị fíafía Tamuno kpain awọ, n dama n dama na siiamịẹnyẹapụ tuminikiri bie ngaapụ. Nna bie o lolia sobie bia ḅara pa biabẹm.

Kolosiapụ 1:4

Tegó wa namam ọmịna minini Krais Jizọs ḅụ, ọ pịghị nyáná Tamuno túminị́ mamgba pịrị ḅẹlẹma.

Kolosiapụ 2:6

Anịgosi, ọ Krais Jizọs daákịmaá ḅara ḅẹ́ ori anịị Kị́nị́nyánáḅọ, ọmịnị ọ ḅụ duma kọọ bịpị muu.

Fịlẹmọn 1:1

Mịị diri ma irị Pọl ḅara anịị anị sághị ḅoo nyẹ, irị ikólinaḅọ Krais Jizọs fịrị ma gosi. Timoti wámịna mị́naḅọ owitụ́wọ minini ma ḅụ i nana mị diri ma pa Fịlẹmọn wámịna nángwọ pịghị fịrịnwangị ḅụ gbẹ́rẹ́ḅọ fịrịmaarị.

Fịlẹmọn 1:9

Kụ́ma, a nyáná ị pịrị ḅẹlẹma go, tẹ́ghẹ̄ anị a ị tẹ́ghẹ̄arị nyẹ. Á mịma mịẹarị irị Pọl mḅẹ́sọ, olom owitụ́wọ pịghị mị́sa ma ḅụ Jizọs Krais ikólinaḅọ.

Puu Findi 21:7

Sọḅaapụ mịma nyánáḅobẹm i ḅárabie. A Tamuno sọọ n pịrịbẹm nnị sọ awọ sọọ i pịrịbẹm.