Galesiaapụ 3:23 - Ibani New Testament

²³ Kụ́ma minini ma na ḅo laagha sáá, ólóghó ma wamịnị kị́nị́mamgba ikasim ikólinaapụ ḅara, akị mú minini anị ḅụ die sa láa.

Galesiaapụ 3:23 ပူးပေါင်းရင်းမြစ်များ

Ibi Oku Ma Jọn Anị Gịẹ Ḅara 3:34

Tamuno fịrịmaḅọ ma Tamuno ẹ́gẹ́rẹ ma kọarị, ḅẹ́ Tamuno ẹ́kẹ́tọgha ḅara pa ori Tọ́ntọ́ Tẹ́mẹ́ ma pịrịarị.

Romapụ 11:32

Tamuno túminị́ mamgba mịẹm nnị bịpị pughugha ikólinaapụ sọ, sị ọ lolomakúkúbie nyáná kị́nị́mamgba pịrịbẹ ḅara.

Romapụ 3:19

Mị́sa wa nimim ḅẹ́ ólóghó diri ma bie nnị gịẹnyẹ gonyẹ́ gonyẹ́, n gịẹ pa nnị go ólóghó ma suaapụ pịrịm, túminị́ ḅara ọlọnyẹ nyánábịgha ḅara, sị tuminikiri gbọrụ Tamuno ḅẹ́rẹ́kọ ma sughubie fịnị bẹ ḅara.

Galesiaapụ 3:19

Mị́sa, ọ tegósi ólóghó ma pịrị, ori anị pa suam pa diepágháma ḅẹ́ irima mịẹnyẹ siinyẹ. Mị ólóghó ma anị fị́nị́ mú Ebraham furo tụwọ ma ḅo bẹ sáá láabẹm, n mịị mini pịrịnyẹ ma minini pịrịḅọ. Sookumuapụ anịị mịị ólóghó ma saghị ḅọ́rọ́ma nyẹ, Mosis warị Tamuno na túminị́ ma ogboku sẹ ḅọ dighi.

Galesiaapụ 4:21

Dugho i pịrị, ọmịnị ólóghó ḅara ḅụụ ngá dọghụapụ, ólóghó ma dughonyẹ ọ naagha?

Galesiaapụ 5:18

Kụ́ma ḅọ́rọ́ Tẹ́mẹ́ ma ị daa múuarị sa ị mịnị ólóghó sughubie oforii.

Hiburuapụ 11:13

Mịnaapụ mamgba fịịm pa mininiarị Tamuno mini n pịrịnyẹ ma nyánaḅogha sọ, kụ́ma ḅọlọanga nnị anị arịm sị anị datéréma warị dughopágháma kị́nị́mamgba tórúku bẹ nnị ọ́ igoniapụ na asọnwángiapụ tuminikiri.

Hiburuapụ 12:2

Wamịnị wámịna tọ́rụ́ pa Jizọs ḅụ gbánā, wámịna minini ḅára fịnịḅọ, saghị sị mú kunema la. Ori ọḅụ daagha mgbẹsẹ sị ma go, kụ́ma tórúku fịnị o kuruarị bieḅẹlẹ gosi, ori ingịrịma nyáná mgbẹsẹ sị ma pịrịm, ori mgbẹsẹ sị́ ọgọ́nọ́ fịị ma ḅụ́gịrịrị balagha. Mị́sa ọ Tamuno imine ma ámáḅara ngá kpọrọfịnịarị.